هروب خداااااامه

[ابوخلف25]

اخواني الاعزاء انا عندي خدامه منحاشة من البيت
لما واهي على كفالة المكتب

رحت وبلغت عليها ورحت المكتب وقلتلهم ابي افلوسي قال مالك شي عندنا الخدامة منحاشة من عندك مع انة عطاني كفالة 4 شهور واهي مااشتغلت الا 2 شهرين

شنو الحل تكفون فيدوني شنو الاجراءات الي اقدر اسويها

 

[Jahra]

الكفالة 6 شهور مو اربعه هذا المتعارف عليه بجميع المكاتب

المهم روح لمركز خدمة المواطن واخذ منهم برنت بتاريخ وضعك لها اقامة وصكهم قضية بالمخفر ...

راح يترجونك انك تتنازل ويعطونك خدامة غيرها


اسأل مجرب

 

[نيويورك]

اخوي الكريم ...
في حال هروب الخدامه من عملها .. و اهي تحت كفالتك .. تقدر تسجل قضيه تغيب خادمه في المخفر التابع له منطقة هروبها .. و من اجراءات القضيه هو عمل القاء قبض على الخدامه .. و بإمكانك عمل معامله لخدامه ثانيه و الاولى تعتبر ملغيه من كفالتك ..

و في حال اخلال مكتب الخدم بأي شرط او عقد .. تراجع مكتب العماله المنزليه التابع لوزارة الداخليه .. و اهم اختصاصهم مخالفات مكاتب الخدم .. و اجراءاتهم صارمه مع تلاعبات المكاتب .. فبإمكانك تراجعهم و تبلغهم بتلاعب هذا المكتب ..و ان شاء الله تاخذ حقك ..

 

[kwaity1978]

مكتب العماله المنزليه التابع لوزارة الداخليه هذا الحل روح وراح يعطونك الطريقه راح يتصلون بالمكتب اخذ فاتورتك معاك او العقد بينك وبين المكتب ويوجهون لهم ورقه حضور واطالب بفلوسك كامله ولا فلس ناقص

 

[al.jamly91]

اخوى بس ان شاء الله عندك وصل عليهم
اذا عندك الوصل والعقد تاخذ فلوسك كلها واذا ما عندك وصل راح يماطلون فيك لين تمل بس خلك وراهم

 

[qanon]

اذا انحاشت خدامتك حتى لو كنت يايبها امس من المكتب

نصيحة منى لك

اول شى لا تعصب ولا تحتار

بكل هدوؤ وبكل رومانسية

اتروح المخفر وتقدم بلاغ تهرب

وتنطر لحد ما يمسكونها واتودى لهم تذكرة لسفرها

وكان الله فى عونك

 

[الـمـحـامـي]

* طالما ان كفالة الخدامة 4 شهور ولم تشتغل سوى شهرين وهربت يحق لك عمل محضر إثبات حالة بالمخفر لكي تحمل المكتب المسئولية معها وتخلى مسئوليتك لو حدث لها مكروه بعيداً عنك وحتى لا يتعامل معها المكتب خلال هذه الفترة .
المحامي عوض ماطر المطيري
99420979