مطلوب فلس كويتي اذا امكن

[ابو الوليد خالد]

محتاج فلس كويتي منو يقدر يوفرلي اكبر كميه منه طبعا خدمه انسانيه فقط

 

[Moshaks_777]

موجود
عطني سعرك للحبه ؟

 

[سلطان الكويت33]

محتاج فلس كويتي منو يقدر يوفرلي اكبر كميه منه طبعا خدمه انسانيه فقط

السلام عليكم ورحمة الله وبركاته

الاخ ابو الوليد خالد

انت محتاج كمية وليس فلس واحد فقط انا ابي اختصر لك

تقدر تروح الى البنك المركزي وتطلب منهم الكمبيه اللي تبيها

من فأة الفلس من الصعب تجمع كميه من اي مكان

 

[dr.moon77]

انا عندي بس جم تشتريه؟

 

[متداول غشيم]

محتاج فلس كويتي منو يقدر يوفرلي اكبر كميه منه طبعا خدمه انسانيه فقط

مو عيب عليك تجمع فلوس الكويت وتبيعها على البنغاليه والهنود في صبحان عشان يصهرونها وتقول خدمه انسانية مو حرام عليك وانت عايش في خيرات هذا البلد وحاط روابط اكبر المشايخ وانت تتظلل بالدين اكيد انت مو كويتي مو ابن هذا البلد لانك مو خايف على عملتها ​

 

[SnaFy]

مو عيب عليك تجمع فلوس الكويت وتبيعها على البنغاليه والهنود في صبحان عشان يصهرونها وتقول خدمه انسانية مو حرام عليك وانت عايش في خيرات هذا البلد وحاط روابط اكبر المشايخ وانت تتظلل بالدين اكيد انت مو كويتي مو ابن هذا البلد لانك مو خايف على عملتها

شنو الموضوع بالضبط ؟

 

[AL_ESSA]

مو عيب عليك تجمع فلوس الكويت وتبيعها على البنغاليه والهنود في صبحان عشان يصهرونها وتقول خدمه انسانية مو حرام عليك وانت عايش في خيرات هذا البلد وحاط روابط اكبر المشايخ وانت تتظلل بالدين اكيد انت مو كويتي مو ابن هذا البلد لانك مو خايف على عملتها ​

ليش يصهرون الفلس - ليش ما يصهرون ال 5 فلوس وال 10
وشنو الاستفادة من عملية الصهر
فهمونا يا شباب

 

[ابو الوليد خالد]

الحمدلله علي نعمة العقل

وبالنسبه حق الاخوان الي كاتبين تشترين الفلس بفلوس مايصير اشتري فلوس بفلوس انا ابي
احد يشتغل في بنك يصرفلي بس .

واضح ان الموضوع كبر اكثر من اللازم . بس حلوة سالفة صبحان

 

[متداول غشيم]

ليش يصهرون الفلس - ليش ما يصهرون ال 5 فلوس وال 10
وشنو الاستفادة من عملية الصهر
فهمونا يا شباب

لما يجمعون الفلس الخمسة فلوس جم اتييب والعشر جم اتييب "بالوزن طبعا"
مثال:
فلس+فلس+فلس+فلس+فلس=خمس فلوس كل فلس بروحه
وزنهم راح يكون اكثر من عملة الخمس فلوس او العشر فلوس ، طبعا اهم يشترونه بالوزن يحطونه بخياش ويوزنونه ويصهرونه ويحولونه الى برونز والبرونز له استخدامات عده مثل الميداليات والتماثيل وغيرها
ماتشوفون الفلس انقرض يمعوها كلها حسبي الله ونعم الوكيل فيهم صارهم اكثر من ثلاث سنين شغالين على هالموضوع​

 

[محمد خليفه]

بسم الله الرحمن الرحيم

والله انا عندي هوايه اجمع فلوس لكن اقسم بالله عمري مافكرت ابيعهم ولا اصهرهم وعندي الحين تقريبا الف فلس وما افكر ابيعه بالعكس افكر اشتري بعد وما اعتقد حرام لان الفلس انقطع التعامل فيه الي حرام تكون عمله متداوله والله ورسوله اعلم

 

[متداول غشيم]

بسم الله الرحمن الرحيم

والله انا عندي هوايه اجمع فلوس لكن اقسم بالله عمري مافكرت ابيعهم ولا اصهرهم وعندي الحين تقريبا الف فلس وما افكر ابيعه بالعكس افكر اشتري بعد وما اعتقد حرام لان الفلس انقطع التعامل فيه الي حرام تكون عمله متداوله والله ورسوله اعلم

الله يكثر من امثالك​

 

[ابو الوليد خالد]

مشكور علي التنبيه بس انا ماكنت ابي اصهره انا محتاجه لشغل ثاني وشكرا

 

[متداول غشيم]

مشكور علي التنبيه بس انا ماكنت ابي اصهره انا محتاجه لشغل ثاني وشكرا

اسمحيلي اختي انا عصبت وصارت عندي ردت فعل سريعة
اسمحيل مرة ثانية اني اسأت الظن
موفقة خير ان شاء الله,,,​

 

[محمد خليفه]

الله يكثر من امثالك​

بسم الله الرحمن الرحيم

وامثالك يا غالي بارك الله فيك ونقدر حرصك على ديرتك وعملتها

 

[q8.1911]

لا حول ولا قوة إلا بالله

هالبنغالية متى ينقرضون من ديرتنا

 

[bo hazm]

مو عيب عليك تجمع فلوس الكويت وتبيعها على البنغاليه والهنود في صبحان عشان يصهرونها وتقول خدمه انسانية مو حرام عليك وانت عايش في خيرات هذا البلد وحاط روابط اكبر المشايخ وانت تتظلل بالدين اكيد انت مو كويتي مو ابن هذا البلد لانك مو خايف على عملتها ​

بارك الله فيك اخوي والله يرحم والديك ويكثر من امثالك وصاحب الموضوع قصده واضح من التجميع ان يفكر يبيعهم وقاعد يطر بطريقه ذربه

 

[جهراوي نت]

فعلا من قال حتى تراب الكويت ذهب

اللهم أدمها نعمة واحفظها من الزوال اللهم من أراد الكويت وشعبها بسوء فشغلة بنفسة واهلة

واجعل تفكيرة تدميرة اللهم امين وسائر بلاد المسلمين

 

[hawawi]

السلام عليكم انا اخوي يمكن اقدر اساااعدك انا والله حصلتهااا بكميه كبيره بسووق الجمعه بس ما ادري لي الحين يبيعونها ولا لا بس والله كميه حلوه اتمنى تلقااها وتكون من نصيبك

 

[ابو الوليد خالد]

بارك الله فيكم صراحه ماتوقعت كل هالاهتمام . وبعدين الي يتكلمون عني يقولون هذا يبيع الكويت اظاهر انهم يبون ينزلون الانتخابات تدري هالايام الاجواء مشحونه واظاهر حذفهم الغبار علينا وعلي بالهم الكل يبي يبيع الكويت مادري منو معلمهم هالدندنه .
وبعد انا حسب ما اتذكر مايجوز اشتري الفلس بقيمه اكثر منه لانه مايجوز شراء المال بالمال والله اعلم
وفي جم واحد خاضو بالنيه وخاضو بالغيب ومايعلم النيه الا الله مادري شنو مصدرهم الاخوان

 

[جهراوي نت]

بارك الله فيكم صراحه ماتوقعت كل هالاهتمام . وبعدين الي يتكلمون عني يقولون هذا يبيع الكويت اظاهر انهم يبون ينزلون الانتخابات تدري هالايام الاجواء مشحونه واظاهر حذفهم الغبار علينا وعلي بالهم الكل يبي يبيع الكويت مادري منو معلمهم هالدندنه .
وبعد انا حسب ما اتذكر مايجوز اشتري الفلس بقيمه اكثر منه لانه مايجوز شراء المال بالمال والله اعلم
وفي جم واحد خاضو بالنيه وخاضو بالغيب ومايعلم النيه الا الله مادري شنو مصدرهم الاخوان

ليش انت حساس زين تقول خدمة انسانية الدال على الخير كفاعلة علمنا بالله شنو هالاجر هذا علشان نسوية

ومايجوز شراء الفلس الا بنفس القيمة يعني تبي الواحد يعطيك 100 قطعة نادرة ب100 فلس والله انت كوميدي جدا فالك المسرح