نصيحه الى كل من يريد ان يشتري سياره امريكيه مستورده

[f2005m]

السلام عليكم
اخوني نصيحه للي بيشتري سياره مستورده من امريكا جيكم على تاريخ السياره فيه موقع يعطيك ماضي السياره اذا مدعومه او غرقانه اومسروقه وكم ماشيه وشنو الصيانه اللي تمت لها
وكم عدد الاشخاص اللي استخدموها
يوم كنت ادور سياره بالمكاتب قبل لااشتري اخذ رقم الشاصي وجيك عليها لقيت سياره بمكتب جنك يعني خرده مدري شلون دخلها الكويت وسياره جايه بدون تايتل يعني بدون دفتر وسياره لاعبين بالعداد
اسم الموقع carfax حط رقم الشاصي وراح يبين لك اذا عندهم تقارير عن السياره
قيمة التقرير 29.99 دولار

 

[خالد المـطيري]

بارك الله فيك على النصيحه وجعلها في ميزان حسناتك

 

[rock404]

مشكور حبيبي ,,
ع العمل الخيري

عاد ناوي اشتري وانيت دوج رام

 

[sarad]

السلام عليكم


اخوي راعي الموضوع كلام صح بس على فكره carfax اللي انت تقول جيد ترا يلعبون فيه زي السلام عليكم

لانهم يدرون انه يسجل كل شي دعمه او غرقانه ويدرون لو تسجل في carfax ما راح احد يشتريها

فيصلحون السياره بكراجات برا على حسابه عشان ما يتسجل ب carfax وترا carfax مو ثقه حبيبي اذا ما تشوف السياره بعينك والا لا تشتري او عن طريق مكتب او شخص ثقه

لان يا جماعه انا بامريكا صارلي فتره والله العظيم سيارات كثيره اشوفها ومعاها carfax والله ان حتى اللي ما يعرف للصبغ ولا يعرف شي بالسيارات يقول هذي مدعومه ومصبوغه وراعيها يقولك عندي لها carfax وهي كلها نصب

نصيحه لحد يثق ب carfax لانه اسهل شي يلعبون فيه وسلامتكم

 

[f2005m]

مشكور اخوي بس من تجربتي للموقع فكني من سيارات كنت ابخذها وحده طالعت خرده وهذا سوبر 2005 ماشي 60 الف وتشوفه تقول وكاله وموجود بحولي والثاني جاي بدون دفتر وانا قلت قبل لاتشتري شوف الموقع
بعدين اذا نويت تشتري افحص السياره