سؤال ...فى قانون الاحوال الشخصيه

[ابو عبدالله333]

زوج وزوجته اصبح هناك خلاف بينهما وذهبت الزوجه الى اهلها مع العيال واخذة الى اكو والا ماكوو بعد فتره طلبها الزوج بيت الطاعه وحضرا الى القاضي امر القاضي الزوجه الدخول فى طاعة الزوج دخلت الزوجه فى طاعة الزوج وبعد ساعتان فقط فقط فقط خرجة من البيت الى اهلها ذهب الزوج الى القاضي وطلب القاضي الزوجه وادعة الزوجه بان الزوج طردها كذبا وبهتانا رفض الدعوه القاضي بعد فتره طالبة وزارة الاسكان الزوج باستلام قسيمته واثناء المراجعه لبنك التسليف طلب حضور الزوجه لتوقيع على استلام القرض والزوجه عند اهلها ولا الكلام جايب نتيجه ولا دعوة الطاعه جايبه نتيجه والرجل صارله 20 سنه ناطر هلبيت ويوم وصل وقف البيت فى بنك التسليق .............السؤال ماذا يفعل الزوج حتى يمشي امره مع اصرار بنك التسليف حضور الزوجه والا ورقة الطلاق فقط والرجل ما وده يهد بيته ما الحيله او العمل؟

 

[أمير بطيبتي]

الحين فكرررت بالبيت ونسيت اهم شي
ياااخى صااالح زوجتك بالكلمه الطيبه وبعدهااا لكل حاادث حديث

 

[qanon]

مساك الله بالخير يا بو عبدالله

يعنى الحين صار البيت اهم من اسرتك

على العموم نصيحتى لكم ان البيت من غير اعيالك وامهم ما منه فايدة

وزيارة حلوة لزوجتك ومعاك بوكيه ورد حلووو

وبالاول خل ترجع لك

ولاحق على بنك التسليف

وتحياتى لك ))

 

[ابو عبدالله333]

يا جماعة الخير القصصه هذى مع شباب اعرفهم مو عارفين حل لها مو كل قصه علي ............على العموم الكلام مو جائب نتيجه مو حل فيه حل ثاني

 

[ابو عبدالله333]

يا جماعة الخير هذى قصص واقعيه والقصد منها ............ تبين انه فيه خلل فى قانون الاحوال الشخصيه

 

[qanon]

بو عبدالله

انا مو قصدى عنك انت شخصيا

انا اقول الكلام حق اى احد مر بهذا الموضوع

وصدقنى مهما تم من تعديل لقانون الاحوال الشخصية

ترى الاطفال صعب اتدخلهم المخفر والسبب رؤية

وانا انصح كل ابو طلق زوجته انه ما يستلم اعياله من المخفر علشان يشوفهم

 

[fayoona74]

دام بنك التسليف يبون توقيع الزوجة وهو اجراء مطلوب في حلين يا يساحلها عشان توقع او اذا ماتبي تروح توكل ابوها او اي احد يروح بدالها او يطلقها بعد مافي حل غير

 

[ابو عبدالله333]

الزوجه الى تتهم الزج بطردها كذبا ................ينفع معها مساحلّّّّّ ! الله يعين الشباب

 

[rahaly]

ما يقدر يلزم الزوجة بالتوقيع .... يعني ما في حل
( وامتنع عن قول ايقاع الطلاق )

الله يصلحهم ويهيهم ... ما ندري منو الغلطان منهم ( البيوت اسرار)

 

[ليل]

اخوي قول حق ربعك اللي قاعدين يمرون بجذي موقف ,,

خل يراضون حريمهم بالاول ولا يقولون الحجي مو نافع مع الحريم


كثر الزن على الاذن اشد من السحر

خل يحاول مرة واثنين وثلاث اذا صج شاريها ,, المرا ما تعوف الريال الا على شي شايد ويسوا صدقني مو مني والطريج ,, كل شي ينحل بالصبر والعقل


خل يتوكلون على الله ويهدون انفسهم ,, البيت ما يسوا من غير مرا ولا عيال

لاحق عليه البيت واللي صبر 20 سنة عشان يستلم البيت ومرته وياه خل يصبر جمن يوم عشان يستلمه ومرته وياه ,, ماطارت الدنيا بالنهاية

 

[ابو عبدالله333]

نبي حل قانوني من خلل قانون الاحوال الشخصيه

 

[kwaity1978]

شر البليه ما يضحك الله يعنيه ع قانون الاحوال بس فكرت فكره ما ادري تنفع او ما نفع انا ما اعرف بهل الامور تزوج ثانيه ( حلال )) وسجل البيت بسمك وبسمها

 

[ناصر فيصل]

الزوجة والبيت

اذا وقع الطلاق والزوجة لها نصيب في البيت يصير الوضع معقد .
ممكن تاجيل موضوع بنك التسليف و لن تضيع اولويتك .

مشكلتك الزوجة و ليس البيت حاول ان تقنع امها انها فرصة تنسى الخلاف و يكون لها حصه بالبيت والا هددهم بالزواج و يكون للزوجه الجديده نصيب بارده مبرده .

 

[قناص_السوق]

اخوي في حل انت المفروض تلعبها صح هذي فرصتك حق مشاكل لا سمح الله تصير مستقبلا

والي قالولك ما فيه حل اسمحولي انتو غلطانين


بعد ما قريت قانون الاحوال الشخصيه لقيت الحل


حبيبي شوف اول شي سجل اثبات حاله بالمخفر انها رافضة تنفيذ الطاعه ...

وسجل اثبات حالة عليها ان رافضه التوقيع للرعايه السكنيه وهذا شي يسبب ضرر لنفسية اطفالك ونفسيتك تتألم بسبب اطفالك و دزلها انذار من المحكمه بالحكم و تطلب منها التوقيع ...

بهذي الطرق انت راح تثبت نفسك جدام القاضي بأنك زوج كفئ و من احد شروط صحة الزواج هي كفاءة الزوج فأذا كان الزوج غير كفئ تقدر المره تطلق منه لو اثبتت عدم كفائته و ان هي من يفتعل المشاكل لان لو تبين ان الزوجه اهي الي تفتعل المشاكل تسقط حقوقها

وذيك الساعه العن خيرها ...... لم تمسك ادله تثبت انك كفئ خلها تمل منك كرها عيشتها خلها اهي تطلب الطلاق و طلقها لو ما منها فايده

واذا انت ما تبي الطلاق و خايف من ان تاخذ حقوقها منك
قدم للقاضي ما يثبت انك رجل كفئ و خايف على بيتك و اسرتك و انك حاولت وياها بشتى الطرق ترجها حتى الاحكام تخالفها و عطيتها انذار بالتوقيع بحجة انك خايف على عيالك و تبي تظمن مستقبلهم و نصيبهم من الرعاية السكنيه و هذا حق عليكم تجاه الاولاد

وهم لا سمح الله بالمستقبل لو حدث الطلاق :- بامكانك تطالب بحضانة الاولاد و اسقاط حقوقها بالادله الي تملكها الاحكام السابقه + الانذارات ان اهي ما كانت رافضة توقع للحصول على رعاية سكنية لراحة الابناء فشلون تدير بالها على الابناء هني في تناقض و اذا حكم لك بالحضانه مالها شي عندك


واحب اذكرك موقفك يكون اقوى لو كان عندك اطفال في سن المراهقه بعد لان شلون تجمع اطفال بسن المراهقه في غرفه وحده , فتعتبر امهم غير امينه على اطفالها بسبب رفضها التوقيع للرعاية السكنيه و رفض تنفيذ الاحكام الصادره

وهذا كله من صالحك لو حدث طلاق واهي تبي حقوقها
بس اظمن بالاول اثباتات عليها بالتالي لا سمح الله صار طلاق اضحك

وكان الله غفورا رحيما

 

[fayoona74]

الشي اللي لفت نظري باللي كاتبه كويتي هالعبارة (وسجل اثبات حالة عليها ان رافضه التوقيع للرعايه السكنيه)
وجهة نظر بس السؤال يصير والمخفر يقبل يسجل اثبات حالة برفض الزوجة بالتوقيع ماظن كويتي جنها صعبة
وما شوف ان موضوع كفائة الزوج له علاقة بالحالة كللش هذا محله لما اثنين يبون يتزوجون او واحد بيرقونه لمنصب مثلا

 

[kwaity1978]

تزوج وحده ثانيه انا اقولك ابرك وتزوج وحده وقبل لا تتزوج وقعها ع تنازل عن البيت بعد هههههه شوفلك فلبينيه او هنديه تخلصك من هل القوانين الي تلف الراس لف
وخلها تخدمك بعيونها @@

ادري راح يعصبون ع كلامي بس اذا ما طلع البيت ويننتك باجر بيطلع وتخليك تلف بالشوارع واسمحلي ع هل الكلمه

 

[قناص_السوق]

الشي اللي لفت نظري باللي كاتبه كويتي هالعبارة (وسجل اثبات حالة عليها ان رافضه التوقيع للرعايه السكنيه)
وجهة نظر بس السؤال يصير والمخفر يقبل يسجل اثبات حالة برفض الزوجة بالتوقيع ماظن كويتي جنها صعبة
وما شوف ان موضوع كفائة الزوج له علاقة بالحالة كللش هذا محله لما اثنين يبون يتزوجون او واحد بيرقونه لمنصب مثلا

ولا يهمج يبى يسجل ضدها قضيه بالمخفر تتولاها النيابه العامه اهمال في رعاية الابناء و اهم شي ينذكر في الدعوى انها رافضه تنفيذ الاحكام و يحاول بطريقه غير مباشره ان يوصل انها ترفض الحصول على رعايه سكنيه و الابناء متأثره نفسيتهم

واذا المخفر مو جهة اختصاص عن طريق المحكمه يسوي طلب الزام الزوجه في اعطاء الابناء حقوقهم و يكتب الاسباب عشان يثبت ان كان في يوم من الايام اهي مهمله و يحط من الاسباب الرعايه السكنيه :

بس لاني متسرع ما كتبت التفاصيل بالضبط والحين اقتنعتي ؟ ؟ ؟


طبعا هذا كله يخدم تطورات قد تحدث بالمستقبل كأن بشكل غير مباشر يقول انا كل هم الابناء ما يضيعون حتى واهي مو منفذه حكم بيت الطاعه انا متساهل وياها و مو قاعد اجبرها بقوة القانون بس كل همي عيالي يا جماعه لا يضيعون .... يعني بالصوره يطلع كأن اهي مهمله و نشوز و النشوز معناته تكبر على الزوج و غرور

والكفائه مطلوبه قبل و بعد الزواج و يكفي دين الرجل ليشهد على كفائته و مذكور هالشي بقانون الاحوال الشخصيه

 

[ابو عبدالله333]

كويتى انت سسسسسسسسسراحه عجيب باحلولك ......هههههههههههههههههههههههههه