ياشباب شنو افضل تواير لأهل الخبرة

[ساحر دنانير]

ابي تاير لو حطيته ما اسمع صوت الغار شنو تنصحوني

 

[q8-speed]

ابي تاير لو حطيته ما اسمع صوت الغار شنو تنصحوني

هنكوك

 

[The Prince]

كومهو شلونه ؟؟ بركبه على تاهو 2007

 

[بو هباش الكويتي]

ميشنال مايبيلها كلاااااااااااام احسن تواير

 

[قناص_السوق]

حبيبي احسن تواير بريلي حق الاصوات + ميشلان و كذلك يعتمد عالنقشه مثلا النقشه 7 تطلع اصوات القار وهذا اكثر عيب فيها ..... و بريلي عشان جذي يرفضون تصنيع نقشه 7




ولا تحط كوري او كوري تجميع ياباني نفس هانكوك لان ينسلخ باي وقت

ودائما ابحث عن تواير درجة حمولتها عالية .... لان في تواير تخترب وتتاكل لم يكون الحموله زايده بالسياره و تنقل وايد افراد بالسياره ... ... و تاكد من مقاسها و مواصفات قياسيه تلقاها مكتوبه على باب السايق عند فتحه ........... و وتاكد انها تتحمل سرعه عالية zr او z لان يكون مقاوم للانشقاق اكثر بالاضافه الى درجة الحرارة A

وتاكد تاريخ المصنع يديد لان لو قديم يزيد سماع صوت القار ...... تاريخ المصنع يكون من اربع ارقام
مثال 0916
09 يعني سنة 2009
16 يعني الاسبوع السادس عشر من السنه قسمه على 4 = 4 يعني في شهر 4 انصنع

تاكد ان التواير اجزائها تخلو من السيم ......

يفضل انك تبحث عن تواير نوع رن فلات وهذي التواير فيها ميزه تقدر تمشي عليها بعد البنشر و زياده في التحمل والامان ....

تاكد ان معامل ثبات التاير عالي .. و قوة التماسه بالقاع

 

[فيصل123]

السلام عليكم الرجاء الدخول اليب هذا الموضوع

http://209.85.229.132/search?q=cach...ف+تشتري+اطارات+جديده&cd=4&hl=ar&ct=clnk&gl=kw

 

[أبو بدير]

اول شي انحش من دنلوب خايس وابسرعه يصعرر
وانصحك صراحه بريجستون نوع تورنزا لان ناعم ع القار و تويو زين و يوكوهاما بعد زين

بس انحش من الكوري والصناعه بوطقه

وصيفنا مايرحم التواير اخذلك شي زين بس قرقش اشوي

 

[Nasser565]

ميشلان ودور اهلك

 

[AL-LUCKY]

ركب ميشلان يااخوي ودعايته تقول تبي ميشلان ولا تاير وهذا بحد ذاته كافي وانا الحمدالله لك يارب ادرس في الاردن وعلى سيارتي 3 سنين

 

[kuwait1977]

هههههههههههههههههه

 

[عادل12]

مشكورييييييين على النصيحة والمرور الحلو الظاهر ان مشلان الافضل شبه اجماع

 

[عادل12]

من يعرف اسعار التواير

 

[ابو عبير]

افضل تواير اهيه ميشلن المانيه
وللعلم عالميه التواير هذى

 

[manaar66]

فعلا ميشلن ولكن مثل ماقال الاخوان تاكد من تاريخ الصنع

 

[nayef78]

انا عندي تاهو مركب يوكاهاما من شهر 7\2007 للحين فيهن عمر حوالي 4شهور للامانة مرحة للسيارةوماشى عليهم 65الف

 

[ابو فاطمه906]

بصراحه يعتمد علي نوع سيارتك أنا سيارتى باثفندر 2002 توايرها وكاله ما أركب عليها إلا برجيستون .. بس العيب الوحيد فيها مطبها سيء شوى لانها يابسه بس عند المطبات بس ناعمه جداا ع الخط وتعطيك رساوه وعمرهااا ثلاث سنوات كرف ولو ماتسافر وايد تعطييك 3 سنوات وشوى يعنى ع الاستعمال وبعدين نصيحه لوجه الله لا تركب إلا عند الوكيل الاصلي صج نااار بس أحسن من بعض المحلات الايراانيين لانها تكووون مخزنه تخزين يضر في التواااير من واقع تجربه وأتمنى الاستفااده للكل

 

[abdalah]

السلام عليكم
الاخوان ما قصرو
أهم شيى تركب عند الوكيل مهم جدا
تركب مثل ماركة الوكاله الى راكبه على السياره لان المصنع ابخص
دمتم سالمين

 

[kuwaitey]

نصيحه لك اخوى .. اتعب على تواير ميشلان

انا مركب توايير ميشلان واستعمالى كرف وسرعتى متوسطه تمو عندى ثلاث سنين ونص ماشاء الله وقبل اسبوع رجعت وركبت ميشلان

اهم شغلتين ... ركب عند الوكيل + تاريخ تصنيع جديد

والحافظ ربك

 

[q81963]

افضل تواير هو عقال محمد الجويهل

صارلي 3 أيام وانا اضحك :d

 

[UNIX]

أفضل الإطارات بعد التوكل على الله تعالى:

1- ميشلان.
2- بريجستون.
3- دانلوب "مع التحفظ"
4- يونيرويال
5- بيرللي

مجربهم كلهم، و متوسط سرعتي 160-180

لا تسألني عن السرعات القصوى لأن بو سعود 666666 عسكري بالداخليه.