تخفيض نفقه

al7loo

موقوف
التسجيل
11 سبتمبر 2008
المشاركات
642
السلام عليكم يعطيكم العافيه عندي سوالين حول تخفيض النفقه


الأول : انا تزوجت وخذيت 4 الاف من والدي وقاعد اقسطهم عليه 100 دينار كل شهر لأن الحكومه معطيتني قبل
ال4000 هل ينظر القاضي انه هذا الالتزام علي ولا لا لتخفيض النفقه

الثاني: عندي قسط سياره 290 دينار وقسط سيارت زوجتي 100 دينار هل ينظر القاضي اذا حطيت سيارتين قسطين لتخفيض النفقه بسمي ؟


وشكرا
 

rahaly

مستشار قانوني
التسجيل
13 أبريل 2005
المشاركات
7,455
الإقامة
الكويت
راجع اجابتنا في موضوعك السابق ................... نفس الاجابة ما تغيرت :)
 

قناص_السوق

عضو نشط
التسجيل
8 يناير 2009
المشاركات
1,348
اخوي الظاهر انت مشكلة طليقتك مشكله . . .


اخوي حاول تملك اطفالك منها وتحظنهم في عهدتك .... و طرق الاثبات حاول اي اهمال في حق الاطفال و انخفاض مستواهم التعليمي و ما شابه اتهام امهم بسببه بعدين اطلب الحضانه لك بعد ما تيمع اثباتات على طليقتك الله يفكك من شرها .... دائما الزمها بمتابعة الاطفال و عدم اهمالهم و حتى اذا مرض طفلك قط اللوم على زوجتك سو تحليل لملابس طفلك بمختبرات حتى تكتشف يغسلون ملابسه ولا لأ و جم نسبة الجرائيم في ملابسه .... حاول كثر ما تقدر تفكر تثبت اهمال في رعايتهم ....


لان لو صارو في عهدتك بالتالي لو قالت نفقه امش واضحك عليها


خلك ذيب نفسهم

بس الي حرام ان الطفل راح يتعب و يروح و يرد من غير ذنب .....
 

fayoona74

مستشار قانوني
التسجيل
31 يناير 2009
المشاركات
2,071
الإقامة
الكويت
حرام كويتي لاتنصح بهالنصحية خاصة ان الريال متزوج يعني ينقطون اليهال عند زوجة اب وعلى شنو عشان فلوس
وترا اسقاط الحضانة شي صعب ويعتبر مانع يزول بزواله انظر المادة 193 من قانون الاحوال الشخصية (لا يسقط حق الحضانة بالاسقاط ، وانما يمتنع بموانعه ، ويعود بزوالها.)
وللاخ السائل دين النفقة مقدم على اي دين ثاني والقاضي له سلطة تقديرية بحسب ظروف الواقعة
بسم: ( لِيُنْفِقْ ذُو سَعَةٍ مِنْ سَعَتِهِ وَمَنْ قُدِرَ عَلَيْهِ رِزْقُهُ فَلْيُنْفِقْ مِمَّا آتَاهُ اللَّهُ لا يُكَلِّفُ اللَّهُ نَفْسًا إِلا مَا آتَاهَا سَيَجْعَلُ اللَّهُ بَعْدَ عُسْرٍ يُسْرًا ) الطلاق/7 . يعني بالمنازعة جدام القاضي على مقدار النفقة سواء بزيادتها او تخفيضها اللي يفصل في ذلك هو القاضي بحسب يسار او اعسار الاب .
 

al7loo

موقوف
التسجيل
11 سبتمبر 2008
المشاركات
642
:) يعطيكم العافيه بس ما جاوبتو هل ينظر القاضي للتقليل لنفقه لنتفقتين الي علي وشكرا
 

ابو عبدالله333

عضو نشط
التسجيل
27 ديسمبر 2007
المشاركات
412
ههههههههههههههههههههه كويتى خطه جهنميه.............. ضحك والله لما دمعة عيونى من الضحك فينونه حرام ليشششش واحد يبى عياله
 

al7loo

موقوف
التسجيل
11 سبتمبر 2008
المشاركات
642
:_) يسلموووووووو يالغالي عاد نبي حل هل السيارتين في اسمي شي عادي ولا لا ينظر لها القاضي

وهل تقسيط المهر على الوالد شي ينظر عليه القاضي انه التزام علي وشكرا
 

cot

عضو نشط
التسجيل
7 يوليو 2008
المشاركات
468
الإقامة
kuwait
عندي لك حل خل ابوك يشتكي عليك بامحكمه كمبياله و او الامور هذي

وحتى اخوانك عشان يستقطعون من معااااشك بس بدون القاء قبض و منع سفر الامور هذي

خل اخواني و ابوك و اي واحد ثقه يرفع عليكم كمبياله و خلهم بخصمون

بعدها يروحون ياخذونها من محكمه وانت تاخذها منهم
 

قناص_السوق

عضو نشط
التسجيل
8 يناير 2009
المشاركات
1,348
والله فكره حلوه cot لازم نعلم البنات .... لان هالزمن البنات مو كفو نفس امي وامك و يدتي ويدتك كدش مدش
 

al7loo

موقوف
التسجيل
11 سبتمبر 2008
المشاركات
642
يسلمو ويعطيكم العافيه عاد اقدر ارفع ولا لا ينظر فيها القاضي وشكرا
 

qanon

عضو نشط
التسجيل
16 أبريل 2009
المشاركات
512
اخوى يا الحلووو

انا اقول ان هذيله اعيالك ولازم تعطيهم اكثر مو تقول بخفض من قيمة النفقة

وتقبل مرورى عندك
 

fayoona74

مستشار قانوني
التسجيل
31 يناير 2009
المشاركات
2,071
الإقامة
الكويت
من الناحية القانونية وباختصار القاضي ينظر لطلب التخفيض بحسب المستندات اللي تقدمها وتبين المستجدات اللي طرأت على حالتك المادية واللي تثبت يسارك او اعسارك وله السلطة التقديرية الكاملة بالتخفيض او رفض الدعوى بناء على ظروف الواقعة
واتقو الله ياجماعة ياللي فوق باللي قاعدين تكتبونه خليكم بحدود القانون والشرع
 

qanon

عضو نشط
التسجيل
16 أبريل 2009
المشاركات
512
اى يا الحلووو

زيد النفقة حق اعيالك بدال ما اتدور على طرق للتهرب من دفع النفقة لهم
 

قناص_السوق

عضو نشط
التسجيل
8 يناير 2009
المشاركات
1,348
واتقو الله ياجماعة ياللي فوق باللي قاعدين تكتبونه خليكم بحدود القانون والشرع



بصراحه لازم حيلنا يصير في المطلقات لان المطلقه يمشيلها حتى راتب من الشؤون بس فوق هذا تحب العناد و التحدي ودها ان الريال يقعد على الحديد و ما يتزوج

الله سبحانه و تعالى صحيح قال و تسريح باحسان , لكن مو معناته ان اشق هدومي واقعد عزوبي وما اتزوج لان خلاص الي بقالي من المقسوم ما يكفيني بسبة وحده ما تستحي على ويها و كل تفكيرها الانتقام

والزواج من مرأه اخرى من حق الريال لان يكمل نص دينه وفي ستر و حفظ لذات الانسان و مصونه له من ارتكاب كبائر الذنوب
 

qanon

عضو نشط
التسجيل
16 أبريل 2009
المشاركات
512
بصراحه لازم حيلنا يصير في المطلقات لان المطلقه يمشيلها حتى راتب من الشؤون بس فوق هذا تحب العناد و التحدي ودها ان الريال يقعد على الحديد و ما يتزوج

الله سبحانه و تعالى صحيح قال و تسريح باحسان , لكن مو معناته ان اشق هدومي واقعد عزوبي وما اتزوج لان خلاص الي بقالي من المقسوم ما يكفيني بسبة وحده ما تستحي على ويها و كل تفكيرها الانتقام

والزواج من مرأه اخرى من حق الريال لان يكمل نص دينه وفي ستر و حفظ لذات الانسان و مصونه له من ارتكاب كبائر الذنوب


اتصدق ان كلامك ضحكنى وانا قاعد اتابع البورصة :)

شوف علاقة المطلقة بالزوج تنتهى بالطلاق

اما النفقة اللى تصرف ترى تكون حق العيال مو حق المطلقة

يعنى الحلال ماراح بعيد عن الاب

وطول بالك :))
 

al7loo

موقوف
التسجيل
11 سبتمبر 2008
المشاركات
642
يالغالي لو حق عيالي ميخالف ما اقول لا بس امهم تاخذ الفلوس لبسهم كل اسبوع نفس الشي وشلون تبي اخليها حق عيالي عرفة وشكرا
 

قناص_السوق

عضو نشط
التسجيل
8 يناير 2009
المشاركات
1,348
ودهم المخفر سجل اثبات حاله بلبسهم كل سبوع ..... شنو لابسين


عشان يصدق القاضي ما يبدلونهم :) ............... هههههههه

السموحه يالغالي ...

الله لا يبلانا بزواج فيه مشاكل
 

الـمـحـامـي

مستشار قانوني
التسجيل
10 مارس 2009
المشاركات
290
يجوز لك رفع دعوى تخفيض نفقة بعد مرور سنة من تاريخ الحكم في النفقة .. وطالما استجدت ظروف عليك زادت من أعباءك المالية يضع القاضي ذلك في الاعتبار عند تخفيض النفقة فأحكام النفقة مؤقتة حسب ظروف الملزم بها يسراً او عسراً
المحامي عوض ماطر المطيري
99420979
 
أعلى