لي متى بتصيرين جذي يا حصة؟؟ متى بتفهمين القصة؟؟

yoyo1983

عضو نشط
التسجيل
22 أبريل 2007
المشاركات
22,665
الإقامة
DaMBy
متى بتفهمين القصة يا حصة؟؟
مبرووووووووك ياتك بنت...
ربي لك الحمد على ما أعطيتني .. خلاص بسميها حصة على أسم أمي
وتكبر حصة وصير عمرها سنتين وخلال هالسنتين الأبو ماعندة في هالدنيا ولا بلسانة غير حصة
الالعاب والكاكاو والعنوة بعز الظهر للجمعية و واحلى واغلى اللبس لعيون حصونة.. ياي من الدوام تافل العافية بس يشوف حصيصة ينسى الدنية ومافيها.. وحصة تتعلق في ابوها بشكل غير طبيعي وتحبة وتموت علية


بعد جم سنة....
مبروووووك ياك ولد....
ويذبح الذبايح والعزايم ويسفّر المدام نقاهة عشان يابتلة عبدالله .. وأخيرا صرت بوعبدالله
وينتقل الدلال والعنوة واللعب من حصونة إلى عبّادي
يبة ابي موبايل..
حصة؟؟ ماكو لا صرتي بالجامعة عطيتج واحد
يبة كا عبدالله عندة
عبدالله غير هذا ريال



بعد ما غازل الاب إبنتة ودلعها تركها لمجرد وصول الهدف وهو الولد..
وتنصدم حصة اول صدمة في حياتها من رجل!!

تكبر حصة وتدخل الجامعة وتتعرف على أحمد
احمد يغازل حصة بكلمات ويلاطفها كزميلة له وهي تستصيغة كشاب دمة خفيف وقصدة شريف
يحاول احمد تقوية العلاقاة بينهما ويطلب رقمها بعد مغازلة وملاطفة دامت ستة اشهر
احمد: شوفي حصة احنا نكون أصدقاء بس زواج ..!! ترى انا مو مال زواج!!!
حصة تنصدم في احمد انة يبي يلعب وبس وقصدة مو شريف وهذي ثاني صدمة



تكبر حصة وتنخطب والخطيب يسويلها يادهينة لا تنكتين ويلاطفها ودلعها وبعد الزواج بسنة وبعد ما تعود عليها و اخترب جسمها بعد الحمال والولادة يكلمها جنها واحد من الربع!!
وتجلس حصة تصيح وهي تتذكر ايام الغزل وشهر العسل
وتنصدم حصة بالرجل مرة ثالثة



تقر حقوق المرأة السياسية
وتروح حصة ندوات للمرشحين وتسمع الغزل السياسي بالحريم وأن هذا المرشح يدعم المراة ويقول أن المرأة بالكويت حقها مهظوم وأنة هو الفارس اللي برد حقوقها المسلوبة ويلعب على أوتار الغزل السياسي والامور التي تفقدها المرأة عندنا بالكويت
فيرق قلبها وتروح واتعنى وتعطي المرشح صوتها وتنجحة وبعد ما ينجة تشوفة في مجلس الامة يقول (لا لتوزير المراة) (يجب على المرأة داخل قبة البرلمان ان تتقيد باللباس الشرعي)( المراة تصوت على عيني وراسي بس ترشح نفسها لا !! فهذي ولاية ولا يجوز لها)
وتنصدم حصة بالرجل للمرة الرابعة!!



نصيحة لكل من ترى نفسها في حصة أو تعرف وحدة مثل حصة ..
حان الوقت أن تكشفون كذب بعض المرشحين ومغازلتهم السياسية للنساء.. أنتم الأغلبية وانتم القادرين على تغيير وضع الكويت..
أرجوكم انتبهوا ولا تقعون في الفخ هذة المرة

لي متى بتصيرين جذي يا حصة؟؟ متى بتفهمين القصة؟؟


منقووول
 

بوغمازات

عضو نشط
التسجيل
15 مايو 2007
المشاركات
2,416
والله شكلها حصه ماراح تفهم القصه ,, وراح اتصير مقصه ,,, (( القطو مايحب الا خناقه )) ,,,,,,,,,,,,,,,,,,,و تحياتي لج سويتيه :rolleyes::rolleyes:
 

Bo 7MaNi

عضو نشط
التسجيل
13 يناير 2008
المشاركات
3,138
الإقامة
الكــــــويت
لو خليت خربت ( نسأل الله ان يدفع بما فية الخير والصالح للكويت )
شكـــــــــرا:)
 

الدمقراطي

عضو نشط
التسجيل
9 يونيو 2008
المشاركات
173
الله يعطيج العافيه اختي الفاضله سويت ليلى


بكل امانه ووضوح ... لم اكن اتوقع منج هذا الموضوع :)

تقبلي مني كثير التحايا
 

الشاطر

عضو نشط
التسجيل
20 يونيو 2004
المشاركات
1,489
الله يعطيج العافيه اختي الفاضله سويت ليلى


بكل امانه ووضوح ... لم اكن اتوقع منج هذا الموضوع :)

تقبلي مني كثير التحايا

حتى انا ما توقعت انه الموضوع هذا تكتبه الاخت ليلى

حصه يا اخت ليلى عند الاسلاميين مصونه اكثر من الف 1400 سنه وصى عليها الحببيب ما أهانهن إلا لئيم , وما أكرمهم إلا كريم هى اختهم وامهم وزجتهم هم اكفأ الناس على حمايتها واكرامها

نصيحة لكل من ترى نفسها في حصة أو تعرف وحدة مثل حصة ..
حان الوقت أن تكشفون كذب بعض المرشحين ومغازلتهم السياسية للنساء.. أنتم الأغلبية وانتم القادرين على تغيير وضع الكويت..
أرجوكم انتبهوا ولا تقعون في الفخ هذة المرة

لي متى بتصيرين جذي يا حصة؟؟ متى بتفهمين القصة؟؟
 

قلم حر

عضو مميز
التسجيل
29 مايو 2004
المشاركات
26,415
الإقامة
الكويت بلد الاصدقاء
حصه
ما عليج من هالكلام
ابوج يحبج ويحب عبدالله بس انتي بنت
ويخاف عليج اكثر لان البنت راس مالها سمعتها

حصه

بالجامعه مثل ما فيه شباب مو زينين ترى حتى فيه
بنات مو زينات حتى لو تمشين معاهن يشوهن سمعتج

حصه

الحياة الزوجيه مد وجزر وترى هم انتي كنتي اتدلعين
زوجج اكثر ايام الخطوبه هذي سنة الحياة

حصه

احنا مسلمين اشلج بمخالطه الرجال بالمجلس
قعدي ابيتج وديري بالج على عيالج وربيهم التربيه الصالحه
والكويت بناها رجالها


حصه

الموضوع هدفه انج تصوتين حق مرشحه يعني مره
واذا صوتي يا حصه حق مره وادخلت المجلس شنو تستفيدين
تعتقدين راح تشتري لج موبايل اذا ابوج شرى حق عبدالله
تعتقدين ان النائبه راح توقف شباب الجامعه عند حدهم وتحميج
تعتقدين انها ماراح تغازل صوتج الانتخابي

واخيرا يا حصه

اذا انتي بالجامعه قص عليج الشاب وصدمج والزوج ماقدرتي
ترضينه والمرشح قص عليج واخذ صوتج
كل هذا فيج يا حصه وراح اتطيعينهم ويمكن ترشحين روحج بعد
الله يستر عليك يا وطني اذا وحده مو قادره تحمي نفسها
وموقادره ترضي زوجها
اشلون بتطلع لنا قوانين وبترضي شعب !!!​
 

Q8_cat

عضو نشط
التسجيل
7 أبريل 2009
المشاركات
1,598
الإقامة
كويت
حصه
واخيرا يا حصه

اذا انتي بالجامعه قص عليج الشاب وصدمج والزوج ماقدرتي
ترضينه والمرشح قص عليج واخذ صوتج
كل هذا فيج يا حصه وراح اتطيعينهم ويمكن ترشحين روحج بعد
الله يستر عليك يا وطني اذا وحده مو قادره تحمي نفسها
وموقادره ترضي زوجها
اشلون بتطلع لنا قوانين وبترضي شعب !!!


اسمح لي اعقب على كلامك اخوي
الموضوع اكبر من سالفة موبايل او قص عليها شاب وهي صدقته او تغير زوجها بعد فتره في كل الادوار حصه انعدمت ثقتها بالرجل بشكل عام بكل بساطه تعودت على ان في كل مره يخذلها ويتركها مهمومه
وبنسبه للمجلس يبه احنا راضين وكله للرجال عسى ينجزون شي وهل الاعضاء اللي في المجلس ارضوا الشعب ؟
في نهايه حصه وانا وغيرنا كانت ولاتزال اخت وبنت رجال ويكفيها انها قدرت تتحمل افضل منصب وهو التربيه والامومه
انا مو ضد الرجال بس صوتي مع ليلى وحصه
 

navy_q8

عضو نشط
التسجيل
25 أبريل 2006
المشاركات
2,289
الإقامة
الكويت
جزاج الله خير على الكلام والإسم الحلو ( حصة ) أغلى الأسامي إسم أمي الله يرحمها وإسم بنتي الله يخليها لي.
 

شجون العليان

عضو نشط
التسجيل
9 أبريل 2009
المشاركات
215
الإقامة
السعودية - الخبر
حصه
ما عليج من هالكلام
ابوج يحبج ويحب عبدالله بس انتي بنت
ويخاف عليج اكثر لان البنت راس مالها سمعتها

حصه

بالجامعه مثل ما فيه شباب مو زينين ترى حتى فيه
بنات مو زينات حتى لو تمشين معاهن يشوهن سمعتج

حصه

الحياة الزوجيه مد وجزر وترى هم انتي كنتي اتدلعين
زوجج اكثر ايام الخطوبه هذي سنة الحياة

حصه

احنا مسلمين اشلج بمخالطه الرجال بالمجلس
قعدي ابيتج وديري بالج على عيالج وربيهم التربيه الصالحه
والكويت بناها رجالها


حصه

الموضوع هدفه انج تصوتين حق مرشحه يعني مره
واذا صوتي يا حصه حق مره وادخلت المجلس شنو تستفيدين
تعتقدين راح تشتري لج موبايل اذا ابوج شرى حق عبدالله
تعتقدين ان النائبه راح توقف شباب الجامعه عند حدهم وتحميج
تعتقدين انها ماراح تغازل صوتج الانتخابي

واخيرا يا حصه

اذا انتي بالجامعه قص عليج الشاب وصدمج والزوج ماقدرتي
ترضينه والمرشح قص عليج واخذ صوتج
كل هذا فيج يا حصه وراح اتطيعينهم ويمكن ترشحين روحج بعد
الله يستر عليك يا وطني اذا وحده مو قادره تحمي نفسها
وموقادره ترضي زوجها
اشلون بتطلع لنا قوانين وبترضي شعب !!!​



بصراحة لما قرأت الموضوع انتابت مشاعري احاسيس كثيرة وتطرف على لساني كلمات اكثر واختلطت في ذاكرتي وتركيزي ردود ولكن الأخ الفاضل قلم حر ابدع في ترجمة ما ورد في خاطري خاصةً آخر الكلام حقاً أنا أنثى
لي دور آخر بالحياة وللرجل دوره وان تبادلنا الأدوار لن تصبح الدنيا هي الدنيا
لي حقوقي ولكن لن أرضى بمشاطرة الرجل حقوقه ولن أقبل ان أتساوى بالرجل ( وجهة نظري الخاصة )
 

قلم حر

عضو مميز
التسجيل
29 مايو 2004
المشاركات
26,415
الإقامة
الكويت بلد الاصدقاء
[/u]

اسمح لي اعقب على كلامك اخوي
الموضوع اكبر من سالفة موبايل او قص عليها شاب وهي صدقته او تغير زوجها بعد فتره في كل الادوار حصه انعدمت ثقتها بالرجل بشكل عام بكل بساطه تعودت على ان في كل مره يخذلها ويتركها مهمومه
وبنسبه للمجلس يبه احنا راضين وكله للرجال عسى ينجزون شي وهل الاعضاء اللي في المجلس ارضوا الشعب ؟
في نهايه حصه وانا وغيرنا كانت ولاتزال اخت وبنت رجال ويكفيها انها قدرت تتحمل افضل منصب وهو التربيه والامومه
انا مو ضد الرجال بس صوتي مع ليلى وحصه

يعني انتي راضيه عشان انتخابات يقولون ياحصه
ابوج يحب اخوج اكثر منج ويخلونها تكره ابوها

انتي راضيه لما يقولون حق حصه زوجج يكرهج
وطنشيه وصوتي لنا

ليش ناوين تهدمون الاسره الكويتيه عشان انتخابات
هذا طرح غير مقبول

لازم نعرف ان خدمة الوطن في مجالات عده
ولا تقتصر على مجلس الامه

اتمنى من حصه تقرأ موضوعي الحجر الصغير
عشان تعرف انا دورها مهم وكبير بالحياة

الرابط
http://www.indexsignal.com/vb/showthread.php?t=161050
 

Q8_cat

عضو نشط
التسجيل
7 أبريل 2009
المشاركات
1,598
الإقامة
كويت
يعني انتي راضيه عشان انتخابات يقولون ياحصه
ابوج يحب اخوج اكثر منج ويخلونها تكره ابوها

انتي راضيه لما يقولون حق حصه زوجج يكرهج
وطنشيه وصوتي لنا

ليش ناوين تهدمون الاسره الكويتيه عشان انتخابات
هذا طرح غير مقبول

لازم نعرف ان خدمة الوطن في مجالات عده
ولا تقتصر على مجلس الامه

اتمنى من حصه تقرأ موضوعي الحجر الصغير
عشان تعرف انا دورها مهم وكبير بالحياة

الرابط
http://www.indexsignal.com/vb/showthread.php?t=161050


اكيد لا مو الانتخابات الى بتشغلنا عن دورنا الاساسي ولاتغير من امومتناا

عموما شكرا وفعلا القصيده تحمل معنى كبير تحياتي لك
 

شجون العليان

عضو نشط
التسجيل
9 أبريل 2009
المشاركات
215
الإقامة
السعودية - الخبر
يا أخوة الى متى الموضوع الصراعي المستمر بلا نهاية وحكاية الغلبة لمن

( لماذا )

لماذا هذا النزاع الغريب المناقض للفطرة والطبيعة الأنثى لها دورها

الذي يتواكب ويتلائم مع طبيعتها وللرجل دوره الذي يتماشى معه

وعندما تطالب المراة بان تكون مثل الرجل يتبادر للفكر سؤال لماذا

لم يحدث العكس ولم يطالب الرجل بأن يكون مثل المرأة مثلاً ( في

حصوله على مهر وعلى حقوق السكن والإنفاق وغيرها مما كرم الله

به المرأة من حقوق ) ان المطالبة بالحصول على حقوق الآخر منتهى

الظلم والجبروت وان سمحنا لأنفسنا بإطلاق العنان للخيال وتأملنا حال

الدنيا والمرأة كالرجل في كل شي من واجبات وحقوق طبعاً لا في شيء

دون شيء سنرى صورة بشعة للدنيا معدومة المعالم لا روح للألفة أو الرقة

فيها لأن المرأة وبنفسها مسحت بممحاة المساواة جميع المعالم والحقوق

الأنثوية واصبح العالم يعج بالرجل ( الرجل) وبالرجل (المؤنث) ويالها من حال

بعدها - - - - - هناك مثل عند جداتنا يقولونه ( من غير لحنه ربي محنه )

والمعنى ان من يغير حاله يستاهل اللي يجيه من ربه والعالم مليء بالأمثلة

التي خالف فيها الانسان الطبيعة و جنى بعدها الويلات والعاقل من اتعض

بغيره


أما بالسبة الى خذلان الرجل للمرأة فهذه هي الدنيا ويا سمعنا حكاوي عن

نساء خذلن رجالهن - - - لكن فطرة الله للمرأة غلبت فيها جانب الإخلاص اكثر

وهذه طبيعة ولذا شرع الله ما يتلائم معاها فأجاز لها الإرتباط برجل واحد ولا

يسمح لها بالإرتباط الا بعد ان يزول الجزء المهم من شعورها تجاهه من خلال

انقضاء العدة - - - - دام الجميع بخير
 

Q8_cat

عضو نشط
التسجيل
7 أبريل 2009
المشاركات
1,598
الإقامة
كويت
يا أخوة الى متى الموضوع الصراعي المستمر بلا نهاية وحكاية الغلبة لمن

( لماذا )

لماذا هذا النزاع الغريب المناقض للفطرة والطبيعة الأنثى لها دورها

الذي يتواكب ويتلائم مع طبيعتها وللرجل دوره الذي يتماشى معه

وعندما تطالب المراة بان تكون مثل الرجل يتبادر للفكر سؤال لماذا

لم يحدث العكس ولم يطالب الرجل بأن يكون مثل المرأة مثلاً ( في

حصوله على مهر وعلى حقوق السكن والإنفاق وغيرها مما كرم الله

به المرأة من حقوق ) ان المطالبة بالحصول على حقوق الآخر منتهى

الظلم والجبروت وان سمحنا لأنفسنا بإطلاق العنان للخيال وتأملنا حال

الدنيا والمرأة كالرجل في كل شي من واجبات وحقوق طبعاً لا في شيء

دون شيء سنرى صورة بشعة للدنيا معدومة المعالم لا روح للألفة أو الرقة

فيها لأن المرأة وبنفسها مسحت بممحاة المساواة جميع المعالم والحقوق

الأنثوية واصبح العالم يعج بالرجل ( الرجل) وبالرجل (المؤنث) ويالها من حال

بعدها - - - - - هناك مثل عند جداتنا يقولونه ( من غير لحنه ربي محنه )

والمعنى ان من يغير حاله يستاهل اللي يجيه من ربه والعالم مليء بالأمثلة

التي خالف فيها الانسان الطبيعة و جنى بعدها الويلات والعاقل من اتعض

بغيره


أما بالسبة الى خذلان الرجل للمرأة فهذه هي الدنيا ويا سمعنا حكاوي عن

نساء خذلن رجالهن - - - لكن فطرة الله للمرأة غلبت فيها جانب الإخلاص اكثر

وهذه طبيعة ولذا شرع الله ما يتلائم معاها فأجاز لها الإرتباط برجل واحد ولا

يسمح لها بالإرتباط الا بعد ان يزول الجزء المهم من شعورها تجاهه من خلال

انقضاء العدة - - - - دام الجميع بخير

عزيزتي شسالفه اي صراع اللي تتكلمين عنه مافيه الا حوار بيني وبين اخوي قلم حر وبعدين الموضوع مايحتاج يكبر او يتحمل شعارات الكل عارف دور وطبيعة المرأه ولا نقدر نغير الفطره اللي ربي سبحانه خلقنا عليها من حنيه وحب واحتواء مشاعر الرجل والابناء حتى لو صرنا في منصب تبقى المرأه تمثل جنسهااا ولا تشبه الرجل
دمتي سالمه حبيبتى
 

الشاطر

عضو نشط
التسجيل
20 يونيو 2004
المشاركات
1,489
يا أخوة الى متى الموضوع الصراعي المستمر بلا نهاية وحكاية الغلبة لمن

( لماذا )

لماذا هذا النزاع الغريب المناقض للفطرة والطبيعة الأنثى لها دورها

الذي يتواكب ويتلائم مع طبيعتها وللرجل دوره الذي يتماشى معه

وعندما تطالب المراة بان تكون مثل الرجل يتبادر للفكر سؤال لماذا

لم يحدث العكس ولم يطالب الرجل بأن يكون مثل المرأة مثلاً ( في

حصوله على مهر وعلى حقوق السكن والإنفاق وغيرها مما كرم الله

به المرأة من حقوق ) ان المطالبة بالحصول على حقوق الآخر منتهى

الظلم والجبروت وان سمحنا لأنفسنا بإطلاق العنان للخيال وتأملنا حال

الدنيا والمرأة كالرجل في كل شي من واجبات وحقوق طبعاً لا في شيء

دون شيء سنرى صورة بشعة للدنيا معدومة المعالم لا روح للألفة أو الرقة

فيها لأن المرأة وبنفسها مسحت بممحاة المساواة جميع المعالم والحقوق

الأنثوية واصبح العالم يعج بالرجل ( الرجل) وبالرجل (المؤنث) ويالها من حال

بعدها - - - - - هناك مثل عند جداتنا يقولونه ( من غير لحنه ربي محنه )

والمعنى ان من يغير حاله يستاهل اللي يجيه من ربه والعالم مليء بالأمثلة

التي خالف فيها الانسان الطبيعة و جنى بعدها الويلات والعاقل من اتعض

بغيره


أما بالسبة الى خذلان الرجل للمرأة فهذه هي الدنيا ويا سمعنا حكاوي عن

نساء خذلن رجالهن - - - لكن فطرة الله للمرأة غلبت فيها جانب الإخلاص اكثر

وهذه طبيعة ولذا شرع الله ما يتلائم معاها فأجاز لها الإرتباط برجل واحد ولا

يسمح لها بالإرتباط الا بعد ان يزول الجزء المهم من شعورها تجاهه من خلال

انقضاء العدة - - - - دام الجميع بخير

ما شاء الله عليك

الله يفتح عليج
 

yoyo1983

عضو نشط
التسجيل
22 أبريل 2007
المشاركات
22,665
الإقامة
DaMBy
:)


:)
 

سيف راكس

عضو نشط
التسجيل
30 أغسطس 2009
المشاركات
1,563
حصه المسكينه كل ضربه بتعلومه وهذي الحياة كلها تجارب وتتصلح بعد الضربات المتكرره والله يعينج ياحصه
 

قلم حر

عضو مميز
التسجيل
29 مايو 2004
المشاركات
26,415
الإقامة
الكويت بلد الاصدقاء
للاسف يا حصه ما سمعتي الكلام

والحين شوفي منو اللي وقف ضدج

ومع هذا للحين ابوج واخوج وزوجج مادين ايدينهم لج

تعالي للي يحبج ويحميج​
 
أعلى