انا قررت خلاص وانتم شاركوني بالراي

الموضوع في 'اعلانات العقار' بواسطة الزمن القادم, بتاريخ ‏13 مايو 2009.

حالة الموضوع:
مغلق
  1. الزمن القادم

    الزمن القادم عضو جديد

    التسجيل:
    ‏2 يونيو 2007
    المشاركات:
    77
    عدد الإعجابات:
    0
    انا بصراحة صارت فيني كابة من اللي اقراه واحد توه طالعله بيت وطلبه 93 طيب انا طلبي 2003 متي راح يطلعلي بيت سنة مليون ::verymad:: شنو هالظلم بما ان الوضع هكذا قررت كالاتي
    بصراحة انا عندي جم بيزة بالبنك يعني يصلحون مقدم شقة بصراحة هالموضوع ماخذ كل تفكري بين خوف من اني اخذ شقة واتوهق فيها وبين اني استاجر شقة لمدة 15 سنة علي مايطلعلي
    ياشباب اللي عندة خبرة ابي منه يشرحلي شنو ايجابيات الشقة وشنو سلبياتها ؟
    وشنو الاماكن الجيدة ؟ اللي ممكن الواحد يشتري فيها وتكون سكنية وممكن تكون تجارية يعني اذا بغيت ابيعها باي وقت تروح وبسعر زين
    اهم سؤال هل الشقة تحافظ علي سعرها ولا مثل السيارة لا خذيتها طاح من سعرها؟
    وتكفون ردوا علي لحد يمر ويمشي
    دش واكتب وشكر:D
     
  2. شلون نبني؟

    شلون نبني؟ عضو جديد

    التسجيل:
    ‏26 ابريل 2009
    المشاركات:
    39
    عدد الإعجابات:
    0
    تفكير سليم ... و على ما يطلع بيتكم ... الا اقساط الشقة خالصة و تسكن بيتك و تؤجر الشقة و تحصل من وراها ايراد ..

    المناطق الحلوه ما اعرفها ... بس طبعا المنقف و ابو حليفه من المناطق الزينه

    و العقار فيه بركه ... ما يطيح سعره

    حتى الحين بهالازمه ... شوف شلون اسعار القسايم عالية ...


    بالتوفيق
     
  3. ostath

    ostath عضو نشط

    التسجيل:
    ‏8 سبتمبر 2007
    المشاركات:
    1,242
    عدد الإعجابات:
    2
    اذا اخذت شقه و سجلتها باسمك تروح فرصتك بالبيت و الحل تسجل الشقة باسم شخص غيرك...
     
  4. fawaz69

    fawaz69 عضو نشط

    التسجيل:
    ‏29 أغسطس 2007
    المشاركات:
    454
    عدد الإعجابات:
    2
    ماانصحك اخوي نهائيا لاتفكر بهالموضوع .مافي حل يسوى انك تضحي
    بدورك في الاسكان الا انك تشتري بيت يكون عاجبك وفي هالوقت ماانصح
    بالشراء لان العقار مرتفع .نصيحة ياخوي اصبر والصبر مفتاح الفرج يمكن العقار
    ينزل والله يوفقك ببيت سنع واذا بتقولي مانزل العقار شسوي اقولك اصبر حالك حال اغلب الشباب منت خسران شي لكن تشتري شقة ويروح عليك طلب الاسكان باكر يمكن ماتلقى مؤجر اوتطيحلك بمؤجر مايدفع شهرين ثلاث ويطلع لامن فلوسك وتعال اصبغ وعدل من وراه ما اطول عليك اخوي انا اشوفها ماتسوى والقرار لك..اخوك بومحمد
     
  5. qanon

    qanon عضو جديد

    التسجيل:
    ‏16 ابريل 2009
    المشاركات:
    512
    عدد الإعجابات:
    0
    اخونا العزيز

    مشكلة الشقق الحين صارت غالية ومو مثل قبل

    يعنى قيمة الشقة صارت جريب من قيمة البيت

    وانا اقولك ان محد اجر شقة واستقر فيها على طول

    واغلب المتزوجين فروا على ثلاث لى اربع شقق

    تدرى ليش

    لان الواحد فى بداية حياته الزوجية ياخذ شقة صغيرة

    بس الله يرزقه الاعيال يفكر ياخذ شقة اكبر وهالمجرة معاه ويطلع من شقة لى شقة

    على العموم انت حر ابرايك وشوفلك من الحين شقة كبيرة علشان ما تنقل كل يوم

    وتمنياتى لك بالتوفيق يا رب
     
  6. الفيلسوف_11

    الفيلسوف_11 عضو نشط

    التسجيل:
    ‏21 أغسطس 2007
    المشاركات:
    282
    عدد الإعجابات:
    2
    اخوي اول شي استخير وبعدين شاور الناس الي تثق برايهم

    وعسى الله يرزقك بالبيت الواسع
     
  7. Bu-Sultan

    Bu-Sultan عضو نشط

    التسجيل:
    ‏17 أكتوبر 2005
    المشاركات:
    155
    عدد الإعجابات:
    0
    قرار سليم جدا ...بشرطين

    1- سعر الشقه يكون متوفر عندك كاش
    2- اذا سجلتها باسمك يروح عليك دورك بالاسكان.

    موفق خير ياخوي
     
  8. ودي اربح

    ودي اربح عضو نشط

    التسجيل:
    ‏1 أكتوبر 2004
    المشاركات:
    3,728
    عدد الإعجابات:
    0
    مكان الإقامة:
    ديرة الخير
    قواك الله يا بوسلطان
     
  9. كويتي ماركة

    كويتي ماركة عضو جديد

    التسجيل:
    ‏12 ابريل 2008
    المشاركات:
    401
    عدد الإعجابات:
    0
    اخوي لا تصدق الى يقولون لك يروح دورك بالاسكان

    اتوقع ما عندهم المعلومه الاكيده واهم سامعين طراطيش حجي بس

    الموضوع ينقسم الى قسمين

    الاول الاسكان

    وقانون الاسكان يقول يسقط طلب المستفيد اذا كان يمتلك عقار مساحته اكثر من 200 متر مربع

    يعني انت الشقة الى بتاخذها لازم ما تزيد عن 200 متر

    والقسم الثاني هو بنك التسليف

    وقانونه يقول يسقط حق المستفيد اذا كان يمتلك مبلغ او عقار بحدود 100 الف دينار

    يعني اشترلك شقه ومالك شغل بحجي الناس

    وعلشان تتأكد روح اسئل بالاسكان و ببنك التسليف

    تحياتي
     
  10. ابوو عبدالله

    ابوو عبدالله عضو نشط

    التسجيل:
    ‏22 يناير 2009
    المشاركات:
    201
    عدد الإعجابات:
    0
    اخوي افهم من كلامك انك توك جديد على الزواج وعيالك هم صغار ؟ الله يخليهم لك ؟ ليش متعب نفسك ومعذب حالك ؟ اخوي لاتشتري شقة ولا تغامر بنفسك وبعائلتك ؟ انطر دورك بالاسكان حالك حال المواطنين وانت مو احسن من اللي نطر 15 سنة وقزر حياتة بالاجار ؟ هذي نصيحة واحتفظ فيها ؟ ثاني شي البيت احسن من الشقة بمليون مرة ومافي مقارنة بين الاثنين
     
  11. saket

    saket عضو جديد

    التسجيل:
    ‏15 ابريل 2009
    المشاركات:
    514
    عدد الإعجابات:
    1
    100 %100
     
  12. النجدي2007

    النجدي2007 عضو نشط

    التسجيل:
    ‏13 مارس 2007
    المشاركات:
    2,755
    عدد الإعجابات:
    0
    مكان الإقامة:
    الكويت مني وفيني
    اذا شريت شقة والله اعلم يطيج طلب بالاسكان

    سجلها في اسم الوالدة احسن لك
     
  13. الحريه وطن

    الحريه وطن عضو نشط

    التسجيل:
    ‏31 يوليو 2008
    المشاركات:
    2,022
    عدد الإعجابات:
    3
    ماكو قدامك الا تشتري بيت
    انت نفسي تقديمي 2003

    و2003 ماراح يطلع لهم بيوت يعني بالعقل بتنطر لي عام 2030 للميلاد
    يعني اتوقع نهاية العالم قبل هذا التاريخ والله اعلم الله يرزقنا بيت بالجنه

    يعني اشتر بيت ابرك
     
  14. بوناصر10

    بوناصر10 عضو جديد

    التسجيل:
    ‏11 أكتوبر 2007
    المشاركات:
    918
    عدد الإعجابات:
    0
    نصيحتى لك ياخوى اشتر بيت احسن من الشقه انت عندك تشترى شقه كاش اخذ القرض الاسكانى 70الف وحط الكاش اللى عندك وشوفلك بيت على قد افلوسك بدون قرض وتوكل على الله وستخير يالغالى موفق



    اخوك بوناصر
     
حالة الموضوع:
مغلق