ماحكم قضيه ( ألام بدنية شديدة ) وماذا تعني

الموضوع في 'قسم الإستشارات القانونيه' بواسطة ساحر دنانير, بتاريخ ‏15 مايو 2009.

  1. ساحر دنانير

    ساحر دنانير موقوف

    التسجيل:
    ‏13 مارس 2009
    المشاركات:
    173
    عدد الإعجابات:
    0
    السلام عليكم

    احد الاخوه عليه قضيه وطاق مصري ومصري طاقه ومتهاوشين والمصري رافع عليه الام بدنيه شديده

    ماحكم قضيه ( ألام بدنية شديدة ) وماذا تعني؟

    ياريت من المختصين ينورونا شنو الاحكام الى ممكن ينحكم على الشخص فيها
     
  2. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    قضية الام بدنية شديدة من قضايا الضرب وتحتاج تقرير من الطب الشرعي وتتكيف بناء عليه اذا كانت الجريمة جنحة او جناية بعدها تصير التحقيقات سواء عند محققي الادارة العامة للتحقيقات اذا جنحة او النيابة العامة اذا جناية
    والجناية هي: الجرائم التي يستوجب القانون محاكمة المتهم فيها بالإعدام أو الحبس المؤبد أو الحبس المؤقت لمدة تزيد عن الثلاث سنوات .
    وحسب علمي ان الالام البدنية شديدة تعد جناية الا اذا تقرير الطب الشرعي اثبت شي ثاني
     
  3. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    انظر المواد من قانون الجزاء الكويتي رقم 16 لسنة 60
    المادة رقم 160
    كل من ضرب شخصا او جرحه او الحق بجسمه اذى او اخل بحرمة الجسم ، وكان ذلك على نحو محسوس ، يعاقب بالحبس مدة لا تجاوز سنتين وبغرامة لا تجاوز الفي روبية او باحدى هاتين العقوبتين.

    المادة رقم 162
    كل من احدث بغيره اذى افضى الى اصبته بعاهة مستديمة يعاقب بالحبس مدة لا تجاوز عشر سنوات ، ويجوز ان تضاف اليه غرامة لا تجاوز عشرة آلاف روبية.
    يعاقب بالحبس مدة لا تجاوز خمسة سنوات وبغرامة لا تجاوز خمسة آلاف روبية او باحدى هاتين العقوبتين ، اذا افضت افعال الاعتداء الى اصابة المجني عليه بآلام بدنية شديدة او الى جعله عاجزا عن استعمال عضو او اكثر من اعضاء جسمه بصورة طبيعية خلال مدة تزيد على ثلاثين يوما دون ان تفضي الى اصابته بعاهة مستديمة.
     
  4. ساحر دنانير

    ساحر دنانير موقوف

    التسجيل:
    ‏13 مارس 2009
    المشاركات:
    173
    عدد الإعجابات:
    0
    طيب يا فيونه

    المصري فيه رضه وفلعه بالراس وجم كدمه

    شنو الغرامه الى ممكن تكون وهل يحبس الى طقه

    مع العلم حتى المصري طق الكويتي وعنده تقريبر طبي

    شنو تتوقعين الحكم لان قضيتهم اول جلسه يوم الثلالثاء القادم وشنو يسوون لما يحضرون وشيقولون
     
  5. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    قلت لك حسب تقرير الطب الشرعي اذا جناية الله يعينه بس ليش مو الكويتي هم يقدم شكوى ضده
     
  6. ساحر دنانير

    ساحر دنانير موقوف

    التسجيل:
    ‏13 مارس 2009
    المشاركات:
    173
    عدد الإعجابات:
    0
    اهي مسجله جنايه ومثل ما قلت لج رضات وكدمات وفلعه بالراس

    قوليلي شنو ممكن يطلع الحكم عليه على شان اطمن الريال

    اهي قضيه وحده ويحكم فيه القاضي على الاثنين

    شنو ممكن يكون الحكم؟ هذا السؤال
     
  7. ساحر دنانير

    ساحر دنانير موقوف

    التسجيل:
    ‏13 مارس 2009
    المشاركات:
    173
    عدد الإعجابات:
    0
    واذا جنايه شنو يعني يكون على شان يصير جنايه؟

    كسر مثلا ولا مثل ما قلت الوصف فوق
     
  8. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    ماقدر افتي شنو الحكم الله اعلم حسب ظروف وملابسات القضية بس اذا فلعة ورضة وكدمة يعني اصابات ملوت الهوشات مو شي جايد اظن غرامة ماظن توصل حبس اما اذا شي جايد مادري حسب ماقدر افتي فيها شوف شيصير وقولنا النتيجة
     
  9. ساحر دنانير

    ساحر دنانير موقوف

    التسجيل:
    ‏13 مارس 2009
    المشاركات:
    173
    عدد الإعجابات:
    0
    الغرامه كم قيمتها ممكن بالكويتي؟
     
  10. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    اذا حبس بعد وين يدخل النت عشان يقولنا ؟؟
    :)

    ان شاء الله خير يا ساحر ...
    ما تقدر تتصالح مع المصري ؟؟
    ترا احسن لك

    اذا مو ممكن ... الله كريم انت وحظك .. وحسب القاضي
    بس م انصحك تروح بنفسك .. محامي احسن لك عشان اذا فيها حبس ... يستأنف لك وانت بره المحكمة ... ترا حتى لو اسبوعين حبس .. اكيد انك ما تبيها
     
  11. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    صح هذي يبيلها محامي دام جناية يصير فيها ثغرات بالاجراءات ما يصيدها لك الا محامي
     
  12. ساحر دنانير

    ساحر دنانير موقوف

    التسجيل:
    ‏13 مارس 2009
    المشاركات:
    173
    عدد الإعجابات:
    0
    القضيه مو لي مثل مو ذاكر بالبدايه

    القاضي لو حضروا بيقول اخر الجلسه الحكم مثلا

    ويروحون بعدها يستعلمون عن الحكم وين بيمسكونه لو حبس

    ولا تسوون دعايه للمحاميين لووووول

    وما رديتو علي كم الغرامه؟

    ومتى يصيرؤ فيها حبس؟
     
  13. الأحنف بن قيس

    الأحنف بن قيس موقوف

    التسجيل:
    ‏13 مايو 2009
    المشاركات:
    8
    عدد الإعجابات:
    0
    مايمسكونه ينزل عليه القااء قبض واي تفتيش يشيك على بطااقته يحوله ;)
    الاغلب انهاا غراامه بماا انهاا تباادل ضرب وبماا ان الحكم غراامه تررفع قضية مدنيه تعوويض عن ضرر وكم الغراامه يرجع تقديرهاا لسلطة القاااضي ;)

    اخوكم / الأحنف بن قيس
     
  14. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت


    ياخوي ترا مو صحيح ان يقدر يطلع من الجلسة ...
    القاضي يقدر يحكم عليه بنفس الوقت وهو واقف ..
    ويقدر يخليه ما يطلع من القاعة الى اخر الجلسة ..
    ( لاحظ في فرق بين يقدر وبين تقولي العادة يصير كذا ..)

    واحنا دورنا يا ساحر .. نفيدك بخبرتنا
    وانت تقرر بكيفك ... وما فيها دعايات .. بدليل القضية الوحيدة اللي قلت فيها روح محامي (لان عقوبتها بنص القانون فيها حبس) باقي المشاركات ما قلنا روح محامي ... صح ؟ ;)
     
  15. كويتي08

    كويتي08 عضو جديد

    التسجيل:
    ‏12 مايو 2008
    المشاركات:
    54
    عدد الإعجابات:
    0
    حبيبي لا تفكر ولا تحاتي...

    الحكم كله غرامة خمسين دينار او وقف التنفيذ...


    لا تفكر نهائيا....وطق اللي تبي.....اخذها من اخوك


    هذه لكويت صل على النبي
     
  16. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت


    مو الى هالدرجة ياخوي :)

    القاضي بشر .. وصدقني ياما ياما شفنا قضايا بسيطة ويصير فيها حبس
    وقضايا صعبة وشديدة يعطون فيها وقف تنفيذ او غرامة

    لا تنسى ان القاضي بشر

    وبيده العقوبة من غرامة الى حبس

    يمكن يتأثر او يتعاطف مع المجني عليه وما تشوف الا صار فيها حبس

    شرايك انا مرة مشتكي على موظف بالمستوصف سب واحد شرطي مسكين ... وقالة انت وبدلتك تحت نعالي تكرمون

    اخذ حبس 4 شهور ... الاستئناف غيرها الى غرامة

    القاضي كسر خاطره الشرطي شلون اهانوه ...

    فاللي معاشر ومعاصر المحاكم شايف غير اللي بره المحكمة


    سؤال ؟؟؟؟

    كم قضية مرت عليك ضرب وسب ؟؟؟؟


    انا بعدها ما راح اقولك في خلال 26 سنة كم قضية مرت علي ::)

    وعلى فكرة .... انا ماني محامي جنائي

    عيل محامي الجنائي شنو شايف ؟؟
    هل عندك نفس خبرته ؟؟ ;)

    فلا تستهينون بالقضايا ... ماتبي تحط محامي تدفعله شئ راجعلك
    بس لا تستهين وتؤكد ان ما في حبس .. اللي عنده خبرة مستحيل يقولك هالكلام


    ....................................... وملاحظة

    اذا المحامي ياخذ في قضية مثل هذي (انا ما اخذها لا تقولون تسويق :) ) 400 دك مثلا ابتدائي واستئناف
    اذا صدر حكم اول درجة حبس ورحتله ... يطلب 1400 دك :)
     
  17. ساحر دنانير

    ساحر دنانير موقوف

    التسجيل:
    ‏13 مارس 2009
    المشاركات:
    173
    عدد الإعجابات:
    0
    حبيبي معاك انا ان الواحد لازم يلزم حدوده ولا يستهين

    انا علي 5 قضايا ضرب

    كلهم اخذو تعهد وخلاص
     
  18. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    هاااااا .... شوف
    انت مثلا يا ساحر اقدر اسميك .. خبرة في قضايا معينة .. الضرب مثلا :)


    معود ... ممكن تدزلي صورتك ؟
    اذا شفتك بطريج اروح طريج ثاني :)



    اقول .... لو القضايا ما تحتاج محامين .... كانوا سكروا مكاتبهم :)
     
  19. ساحر دنانير

    ساحر دنانير موقوف

    التسجيل:
    ‏13 مارس 2009
    المشاركات:
    173
    عدد الإعجابات:
    0
    طلع حكمها اليوم وغرامه بعد شتبي

    انا مره علي حادث
    صادفت محاميه استفسر منها قالتلي شنو القضيه قلت لها دعمني ودعمه وسبني وسبيته

    قالتلي هاااااااااااااااااا ترى تروح فيها سجن 7 سنوات وغرامه

    هاك كرتي وانا اخذ 4 الاف

    بذمتك يعني هذا اسلوب مكشوف ولالا

    الحين الواحد بدل لا تهدونه يالمحاميين تقومون تخرعونه وتخلون نص وزنه يطيح من التفكير

    على شان والله يعطينا فلوس لو ما خوفناه مانقدر نمص دمه

    دام انتي او انت يالمحامي تدري ان فيها سجن 7 سنوات والقضيه خاسره ليش تدخل فيها

    غير شغله
     
  20. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت

    اخي الكريم ...

    المحامون مثلهم مثل اي فئة اخرى في المجتمع .... فيهم الزين وفيهم الشين ...

    اذا مرت عليك تجربة سيئة هذا لا يعني التعميم ...

    ومثل ما في محامي يحاول يستغل حاجة الناس

    هناك ايضا الطبيب الذي يستغل امراض الناس وبلاويه
    وهناك امام المسجد السئ
    وهناك الضابط السئ ... وهناك وهناك وهناك


    اذا بقيت تروح لمحامي ... روح لواحد معرفه ان يتقى الله في عمله


    كم وكم محامي وقف مدافعا
    عن الحق .. وكم وكم محامي ساعد الناس وامور الكثير لا يعرفونها وكذلك في المدني والتجاري والاحوال ....... لانهم ما كانوا يعرفون المخارج القانونية ..

    ولو خليت لخربت .... والناس هالايام عبيد الدنيا وعبيد المال ....

    والله في محامين طلعوا ناس ابرياء وكانوا محبوسين غيابي او او

    فالتعميم غير صحيح ياخوي ...

    وتقبل تحياتي