استفسار بخصوص البناء

[خسران جداً]

جماعه لو شريت ارض كم تكلف على شان ابنيها؟

يعني خنقول المواصفات 400 متر مردوف وبنص المنطقه.. يعني اردى ارض بالمنطقه.

ابي اعرف السعر:

1- حق دورين فقط
2- دورين وسرداب
3- دورين ونص فقط
4- دورين ونص وسرداب
5-ثلاث ادوار فقط
6-ثلاث ادوار و سرداب

بنيان يكون ممتاز .

وهل احسن الشركات او المقاولين؟

 

[q8-speed]

اي والله وانا اضم صوتي لصوتك بني نعرف الاسعار واي احسن الشركات او المقاول

 

[شراي9]

وانا بعد وياكم

نبي نعرف سعر تكلفه البنيان قبل لانتورط ونشتري ونخلي البيت اسود لمده 10 سنوات

 

[ابو مبارك 1]

وانا والله بعد وياكم

 

[طارق55]

علي حسب ماتقط بالبيت .. بس انا راح احسبلك المتوسط

الخريطه 1000 دينار .. بيت دورين ونصف تسويه صبه ايرانيه يطلع عليك ب 27 الف دينار أذا كنت تبنيه عن طريق ارض وقرض لانه فيه اسمنت مدعوم مع طابوق ابيض مدعوم مع حديد مدعوم .. هذا علي الاسود بس .. أحسب المساح نقريبا 1200 دينار .. شبابيك 3000 دينار .. ابواب 1200 دينار تكييف 6000 دينار .. صحي 3000 دينار .. كهربائي 3000 دينار .. ارضيات وسيراميك .. قول 2000 دينار .. حمامات .. قول 3000 هذا أنت مبالغ بعد .. صبغ 2000 دينار .. 1400 اسقف جبسيه .. شنو بعد ؟؟ اي ماي تنكر ماي رايح وجاي قول 1000 دينار .. حارس 1000 دينار .. مكالمات بالتلفون جيب وودي وحط وشبل 500 دينار .. 1000 دينار درابزين .. 1500 ابواب حديديه خارجيه كشخه .. وحط 5000 دينار متفرقات .. كم صار ليلحين ؟؟ تقريبا 65 الف .. هذا تكلفه البيت دورين ونصف .. وأحسب انت عاد الباقي .. قول السرداب يكلف 20 الف لانه صبه خرسانه وفيها حديد وايد مكلف .. بس طال عمرك .. احسبها انت بروحك .

 

[خسران جداً]

يا جماعه لي الحين ما سمعنا من واحد اسعار السوق..مو معقوله يعني الناس اللي تبي تبيع اراضي المفروض تنبه الواحد قبل لا يشتري على شان لا يتوهق ويبيعها على الاسود... يعني ابي اعرف اشتري ارض بالسعر الفلاني على شان ابنيها بالشكل الفلاني.


الموضوع للرفع حتى يأتينا اليقين من اخوانا اللي قاعد يبنون حاليا

 

[خسران جداً]

المشكله ان في ناس حساد بالمنتدى..يقولون عندهم ارض في ابو فطيره. بس الظاهر انهم شارينها ويبونها ترتفع ويبون يبيعون....مايبون يبنون والا لو يبون يبنون جان شفناهم شاركو بالموضوع.

 

[qm44]

سؤال دارج عند كل واحد يبني بيت العمر
1- كم يكلف بيتي تشطيب
2- كم راح اقط زيادة على القرض
3- اقدر اوفر شي من القرض ولا ماوفر
بعد مايبني الاسود ويخلص الحمد لله تبدا الاسئلة هذي
1- اركب سقما ولا مزايك ولا حجر
2- احط درايش عادية ولا خصوصي
3- اركب سراميك عادي ولا درجة اولى
4- الابواب المنيوم ولا خشب حديد ولا مطروق
وهكذا على الصبغ والعازل ووووو الى اخر امور التشطيب
بعد مايخلص يبدى بالاسئلة الجاية ( الاثاث ) وهذا خلة بعدين
الان البيت دورين او ثلاث ادوار سرداب او موسرداب كم يكلف انا اقولك بحكم اني في فخ العمال والمقاولين البنيان على حسب مساحة البناء عندك شلون ؟؟؟
انت احسب كل متر يكلف تقريبا من 90 الى 100 دينار انقول انك معتدل بكلفك 95 دينار شامل كل شي انت الان كم مساحة البنيان عندك اضربها بسعر المتر وتعرف قيمة بيتك كم يكلفك بالضبط حط خط على بالضبط تنقص ماتزود انشالله

 

[خسران جداً]

سؤال دارج عند كل واحد يبني بيت العمر
1- كم يكلف بيتي تشطيب
2- كم راح اقط زيادة على القرض
3- اقدر اوفر شي من القرض ولا ماوفر
بعد مايبني الاسود ويخلص الحمد لله تبدا الاسئلة هذي
1- اركب سقما ولا مزايك ولا حجر
2- احط درايش عادية ولا خصوصي
3- اركب سراميك عادي ولا درجة اولى
4- الابواب المنيوم ولا خشب حديد ولا مطروق
وهكذا على الصبغ والعازل ووووو الى اخر امور التشطيب
بعد مايخلص يبدى بالاسئلة الجاية ( الاثاث ) وهذا خلة بعدين
الان البيت دورين او ثلاث ادوار سرداب او موسرداب كم يكلف انا اقولك بحكم اني في فخ العمال والمقاولين البنيان على حسب مساحة البناء عندك شلون ؟؟؟
انت احسب كل متر يكلف تقريبا من 90 الى 100 دينار انقول انك معتدل بكلفك 95 دينار شامل كل شي انت الان كم مساحة البنيان عندك اضربها بسعر المتر وتعرف قيمة بيتك كم يكلفك بالضبط حط خط على بالضبط تنقص ماتزود انشالله

الله يعينك ان شاء الله.
انزين الارض خنقول 400 متر....مو معقوله السعر ثابت حق السرداب والدورين والثلاث مو نفس الشي...........ابي الاسعار تطلع جم بالضبط؟

بعدين وين اخوانا اللي عندهم اراضي ويبون يبنون بيوتهم؟...والا بس ينطرون ترتفع الاراضي يبيعون؟...(امنيه صعبه تحقيقها)

وجهة نظري تقول ان ابو فطيره الحين بقمة ارتفاعها والانهيار قادم لا محاله. اما بواسطة الملاك او بواسطة ضغوط خارجيه

 

[sami909]

ممكن اعرف كم شغل أيده المقاول لقسيمة دورين الارضي والاول شقتين موقع زاوية مساحة 375 اريد حوش كم المساحة المطلوبة للبناء وكم عدد الغرف في الشقة الواحد يرجي ارسال لي تفاصيل اكثر بخصوص طلبي هذا ولكم جزيل الشكر ندا للمقاولين واصحاب القسائم

 

[bder007]

علي حسب ماتقط بالبيت .. بس انا راح احسبلك المتوسط

الخريطه 1000 دينار .. بيت دورين ونصف تسويه صبه ايرانيه يطلع عليك ب 27 الف دينار أذا كنت تبنيه عن طريق ارض وقرض لانه فيه اسمنت مدعوم مع طابوق ابيض مدعوم مع حديد مدعوم .. هذا علي الاسود بس .. أحسب المساح نقريبا 1200 دينار .. شبابيك 3000 دينار .. ابواب 1200 دينار تكييف 6000 دينار .. صحي 3000 دينار .. كهربائي 3000 دينار .. ارضيات وسيراميك .. قول 2000 دينار .. حمامات .. قول 3000 هذا أنت مبالغ بعد .. صبغ 2000 دينار .. 1400 اسقف جبسيه .. شنو بعد ؟؟ اي ماي تنكر ماي رايح وجاي قول 1000 دينار .. حارس 1000 دينار .. مكالمات بالتلفون جيب وودي وحط وشبل 500 دينار .. 1000 دينار درابزين .. 1500 ابواب حديديه خارجيه كشخه .. وحط 5000 دينار متفرقات .. كم صار ليلحين ؟؟ تقريبا 65 الف .. هذا تكلفه البيت دورين ونصف .. وأحسب انت عاد الباقي .. قول السرداب يكلف 20 الف لانه صبه خرسانه وفيها حديد وايد مكلف .. بس طال عمرك .. احسبها انت بروحك .

ما شاء الله عليك
انا بنيت و نسيت شنو سويت فيهم بالظبط بس انت جبتها و يمكن تزيد 200 او تنقص 200 في اي شغله منهم
بس زيد عليهم التكسيات الخارجية ( مزاييك - سجما - حجر ) 6500

وانا اقول انه التشطيب مسألة نسبية تفرق من شخص لي شخص حسب الذوق

يعطيكم العافيه على هالموضوع اللي يهم كل شخص طالع له قسيمة او عنده ارض

سلام

اخوكم بوبدر

 

[بو فراس]

جماعه لو شريت ارض كم تكلف على شان ابنيها؟

يعني خنقول المواصفات 400 متر مردوف وبنص المنطقه.. يعني اردى ارض بالمنطقه.

ابي اعرف السعر:

1- حق دورين فقط
2- دورين وسرداب
3- دورين ونص فقط
4- دورين ونص وسرداب
5-ثلاث ادوار فقط
6-ثلاث ادوار و سرداب

بنيان يكون ممتاز .

وهل احسن الشركات او المقاولين؟

اخوي خسران جدا

مره سألت مقاول لبناني .. كم راح يكلفني البنيان؟

قالي "انا آخذ 100 دينار للمتر مربع"

حاليا حسبتي صارت كالتالي

انا ارضي 400 متر مربع .. مساحة البناء ان شاء الله 300 متر مربع .. فإذا ابي آخذها على 3 ادوار (من غير سرداب) يطلع على 900 متر مربع ( 300 للدور × 3 ادوار)

يعني 900 متر مربع × 100 دينار شغل ايد اللبناني للمتر = 90,000 دينار

وبهذا المبلغ يكون مسلمك مفتاح البيت وتسكن على طول

طبعا مازلت قاعد ابحث عن سعر احسن من جذي ومازلت قاعد أسأل اكثر

 

[خسران جداً]

يعني اللي يشتري ارض بأبو فطيره ب70 الف مع 90 البنيان =160 الف...وهالكلام بعد ثلاث اربع سنين ....اخذلي بيت الحين ولا انطر اذا كنت املك هالمبلغ

 

[بو فراس]

يعني اللي يشتري ارض بأبو فطيره ب70 الف مع 90 البنيان =160 الف...وهالكلام بعد ثلاث اربع سنين ....اخذلي بيت الحين ولا انطر اذا كنت املك هالمبلغ

كلامك صح !!

بس فكر فيها من ناحية ثانيه .. البيت راح يكون بنيانك انت شخصيا وتعرف كل صغيره وكبيره فيه .. وتعرف شنو أساسه .. والأهم من هذا منطقة جديده

اما الجاهز .. راح يكون " انت وحظك" .. ماتعرف شنو أساسه وماتعرف شنو عيوبه الا ليمن يطيح الفاس بالراس .. والطامه الكبرى اذا كان فيه خرير ومرقعين فيه للبيعه فقط

على العموم راجع نفسك .. وراجع حساباتك .. وانت ادري بوضعك

والله يوفق الجميع

اخوك بوفراس .. اللي عنده ارض في ابوفطيره ومايبي يتاجر فيها