*** هل تتوقعون السوق خضر ... بفوز العنصر النسائي بالانتخابات ***

[الفال الطيب]

يمكن الرابط ما يعجب البعض , بس ما عليه اللي يهمنا حالة السوق , اصبح السوق الان يعتمد على نتيجة الانتخابات البرلمانيه اليوم ..
هل تتوقعون الهوامير يرفعون السوق بسبب فوز اول عنصر نسائي نيابي في تاريخ مجلس الامه ..؟؟



.

 

[TAHOE]

ليش لأ اذا فازت اسيل

 

[حفار قبور]

الحريم خل يفلحون في بيوتهم أول بعدين خل يروحون للمجلس علشان يعدلونه

 

[البيروتي]

ملينا من العنصر الرجالي نبي تغيير

 

[ساره78]

يمكن الرابط ما يعجب البعض , بس ما عليه اللي يهمنا حالة السوق , اصبح السوق الان يعتمد على نتيجة الانتخابات البرلمانيه اليوم ..
هل تتوقعون الهوامير يرفعون السوق بسبب فوز اول عنصر نسائي نيابي في تاريخ مجلس الامه ..؟؟

.

يارب الله يسمع منك ان شاء الله..ويصبح نصف المجلس من العنصر النسائى

وهذا المفروض والمنطق من ناحيه التعداد النساء نصف المجتمع واكثرمن الذكور عددا..

 

[TAHOE]

يارب الله يسمع منك ان شاء الله..ويصبح نصف المجلس من العنصر النسائى

وهذا المفروض والمنطق من ناحيه التعداد النساء نصف المجتمع واكثرمن الذكور عددا..

مادري اشسوولنا الحريم يو حطوهم وزراء ,, قظو عين الديج يمكن ,,

 

[ساره78]

الحريم خل يفلحون في بيوتهم أول بعدين خل يروحون للمجلس علشان يعدلونه

لا ان شاء الله فالحين ببيوتهم والبيت من غير حرمه مايتسنع..وان شاءالله بيفلحون فى المجلس ويعدلونه ويسنعونه مثل ماهم معدلين بيوتهم..للاسف ياحفار نظرتك للمراءه باحتقار وكانها مخلوق من الدرجه العاشره..

ملينا من العنصر الرجالي نبي تغيير

تعجبنى يابودريدش على فكرك التقدمى والراقى..ونظرتك الايجابيه للعنصر النسائى واحترامك لها..والنساء قادمات للمجلس شاء من شاء وأبى من أبى

 

[حدى راهى]

الله يسمع منكم
يمكن يتسنع البلد ونشوف الخير على ايدهم
الله يوفجهم ان شاء الله
يستاهلون حريمنا

 

[ساره78]

مادري اشسوولنا الحريم يو حطوهم وزراء ,, قظو عين الديج يمكن ,,

يكفى انهم يحترمون رأى المجتمع..والدليل استقاله وزيره الصحه بسبب حريق مستشفى الجهراء تحملت مسؤليتها السياسيه..
عطنى وزير استقال وتحمل المسئوليه السياسه بسبب اخطاءحصلت فى وزارته..متمسكين بالكرسى لأخر نفس

 

[Moto]

اسيل الظاهر راح تفوز بقوة, حاليا تنافس روضان الروضان على المركز الاول, واخاف اعلق تهاوشني ساره87.

 

[TAHOE]

يكفى انهم يحترمون رأى المجتمع..والدليل استقاله وزيره الصحه بسبب حريق مستشفى الجهراء تحملت مسؤليتها السياسيه..
عطنى وزير استقال وتحمل المسئوليه السياسه بسبب اخطاءحصلت فى وزارته..متمسكين بالكرسى لأخر نفس

انس الرشيد وزير الاعلام

النصف وزير الاشغال

المعوشرجي وزير المواصلات

وكثيرين هم ,,

 

[صقرالبحر]

الظاهر نفس الوجوه الودره رح ترجع
ودي التجار باكر ينزلون السوق 500 نقطه
عشان يادبون هالشعب الدايخ

 

[TAHOE]

الظاهر نفس الوجوه الودره رح ترجع
ودي التجار باكر ينزلون السوق 500 نقطه
عشان يادبون هالشعب الدايخ

مو ماكو فايده ,, حتى لو يروح زيد راح اييك بداله اعبيد اللي يمشي على نفس الترند لاين اللي ماشي عليه زيد ما يكسره حتى انسويله ستوب لوز