شنو احسن شركه للتأمين الصحي ؟ وشنو اقوى صيدلية بالكويت ؟

السلام عليكم ...


شنو اقوى صيدليه بالكويت ؟ ابي الموظفين الي فيها صيدلانيين شطار او دكاتره شطار ؟ وفيها كل الادوية ؟




شنو احسن شركه للتأمين الصحي غير الخليج ؟ ابي شركه تغطي تكاليف جميع انواع الادوية او العمليات ...... . ؟


و منو يعرف شركة الثويني للتأمين الي بالسعوديه و في لهم فرع بالكويت ولا لأ؟

up up

وين اهل الخير

اسئلتك وايد صعبه

هذا رقمهم 97293179

بوناصر الي اعرفه افضل شركة للتأمين الصحي اهي الخليج وهذي نصيحة موظف في مستشفى دار الشفا المختص بقسم التامين عندهم

أخي الكريم نصيحتي لك أبحث عن شركة تأمين تكافلي وتحرى الحلال وأترك عنك شركات التأمين التقليدية ، ثانيا أفضل الصيدليات على حسب علمي : صيدلية الغانم ابشارع فهد السالم بجانب جاشنمال ، وصيدلية الكندي بالجابرية ، وربي مايحيج مسلم لهم ويشفي المريض وشكرا

مشكور ما قصرت عندي تأمين صحي على الخليج بس مع الاسف ما يغطي الخصومات لكل الادويه مثل ادوية الخاصه بالشعر منها المنظفات و الشوامبو وما شابه او عقار للشعر ... و كذلك عقارات بعض الامراض الجلديه


مع الاسف يوجد شركه تامين سعوديه تغطي خصومات جميع انواع الادويه و العلاجات داخل دولة الكويت مع انها شركه غير كويتيه و مقرها السعوديه

اتوقع اسمها الثويني او شي جذي بس مو محصلهم على الانترنت نهائيا وفيدونا الي يعرف ارقامها او عنها معلومات وهل لهم فرع بالكويت ؟

مشكور ما قصرت على النصيحه .... والصيدليات الي ذكرتها فيها الي يشتغلون دكاتره و صيدلانيين شطار خيرتهم واسعه بالادويه ....

للرفع لتعم الفائده

78 زائر للموضوع معناته الموضوع قوي ويهم الكل .....

ارجو المزيد من التفاعل

اخي بو ناصر عطني اللي تدور علية وان شاء اله هاحصلة ليك
اخوك صيدلي بالسالمية
اكتبلي اسمة بالانجليزي كامل

السلام عليكم

أخوي بو ناصر ماكو شركة تأمين بالكويت كلها تغطي كل شي .. التأمين سواء تكافلي أو عادي يغطيك بكل شي إلا التالي :

1 - العمليات أو المواد التجميلية
2 - البروتينات والفيتامينات بكافة أنواعها
3 - أدوية الشعر أو زراعة الشعر
4 - المكملات الغذائية وما يشابهها
5 - الأدوية الخاصة بالمقويات الجنسية أو حبوب منع الحمل
6 - تبييض أو تلبيس الأسنان أو الزراعة أو التجميل

هذا من واقع عملي وخبرتي بعالم التأمين

أرجو إني أكون أفدتك

boots صيدليه عالميه

مشكورين على المرور ...........

صيدلية boots وين مكانها ؟


بخصوص شركات التأمين مع الاسف .. اخوانه السعوديين وصلو القمر واحنا بعدنا

قالولي في مستشفى المواساه هذي الشركه http://www.tawuniya.com.sa

تغطي كل التكاليف رقم انها شركه سعوديه

اخوي صيدلية boots موجودة في ماذر كير السالمية وفي مجمع المارينا وفي مجمع الافنيوز هذول الي اعرفهم وعلى فكرة هالصيدلية من اشهر الصيدليات البريطانية وراح تلاحظ اكثر شغلاتهم صناعة بريطانية

وسامحنا على القصور