شركة السلام القابضة (السلام)

[فوزى بو احمد]

ان شاء الله الاعلان لصالحنا بس ؟

هذه احد مهازل البورصة الكويتية تغيير التوصيات مثل المزايا والان برقان والضحايا صغار المتداولين والمستفيد المضاربين ( اعضاء مجالس الادارة ) وكبار موظفى البورصة

 

[adelsaqer]

13:42:18 ِ.مجلس إدارة (برقان جروب) يجتمع في 02-05-2009‏
يعلن سوق الكويت للأوراق المالية أن مجلس إدارة شركة مجموعة برقان القابضة
ِ(برقان جروب) سوف يجتمع يوم السبت الموافق 02-05-2009 في تمام الساعة
ِ1:00 ظهرا ، وذلك من أجل مناقشة النقاط التالية :‏
ِ1- البيانات المالية المرحلية للربع الاول للفترة المنتهية في 31-03-2009 .‏
ِ2- تعديل توصية مجلس الادارة بشأن زيادة رأس المال والتي سبق مناقشتها في
اجتماع مجلس الادارة السابق بتاريخ 21-04-2009 .‏

عشان جذيه كان يتم الضغط علي السهم اخر 4 ايام :d شنو يسمون اللي قاعد يصير هل هو غش هل هو تلاعب هل هو نصب واحتيال الله اعلم

 

[S500]

السلام عليكم

من مشاركتك الكل يحس ويستنتج انك شمات كبير ... فهل تشارك لتقديم النصيحة او انك اتشمت بملاك السهم !!!!!!
بارك الله فيك عندك شئ بطيب خاطر .... .
شكرا لك .​

الحمدلله الشماته مو من طبعي وللعلم انا املك السهم

لكن استغربت ان السهم بالحد الادنى ولا فيه احد تكلم وعلق

سواء من الناس اللي تمدح السهم او من الناس اللي تذم السهم

وياليت تفهمني شنو اللي حارق اعصابك بالموضوع

نصيبك من السهم ما فيه احد يقدر ياخذه منك بالربح والخساره

استغرب من العالم امور مكتوبه لك من ربك ليش شاد حيلك على شغله ماتسوى

انا ما اعرف اجامل واطبل للسهم او اذم السهم

اذا ما تعرف اسلوبي اسأل قبل لا تفلت بالحجي

 

[فوزى بو احمد]

اتركوا عنكم الحساسية الزايدة وسعوا صدوركم
المنتدى يجمعنا لتبادل الراى سلبى ايجابى مسئوليتك الاخذ به او تركه

استغرب مهاجمة البعض لاشخاص يطبلون لاسهم لك عقل وتملك الحرية لاتخاذ القرار والنتيجة انت جانيها

 

[سوق الاوراق]

فى اعلان بتغيير التوصية ان شاءالله يتعدل
مهزلة وادارة السوق تترك المتداولين لهذه الشركت

السلام عليكم

اخوي فوزي ...
نزول السهم مو علشان انهم موراضيين عن التوصية ... لان اهل السهم ماسكين السهم وهم اللي حاطين ومقررين هذه التوصية .. وهم اللي قاعدين ينزلون السهم .... ليش يبون يغيرون التوصية وليش الناس تتصور ان السهم قاعد ينزل علشان التوصية وان مجلس الادارة راح ينقذون الموقف .... لا يا اخوي هم الملاك وهم اصحاب القرار وهم اللي قاعدين ينزلون السهم بشكل متعمد ... !!!​

 

[فوزى بو احمد]

السلام عليكم

اخوي فوزي ...
نزول السهم مو علشان انهم موراضيين عن التوصية ... لان اهل السهم ماسكين السهم وهم اللي حاطين ومقررين هذه التوصية .. وهم اللي قاعدين ينزلون السهم .... ليش يبون يغيرون التوصية وليش الناس تتصور ان السهم قاعد ينزل علشان التوصية وان مجلس الادارة راح ينقذون الموقف .... لا يا اخوي هم الملاك وهم اصحاب القرار وهم اللي قاعدين ينزلون السهم بشكل متعمد ... !!!​

الله كريم ويرزقنا ويرزق الجميع
وتكون التوصية ايجابية
مع العلم ان بعته

 

[الشاكي]

يا جماعه ليش هالتوتر والعصبيه السهم في متناول الجميع اللي يبي يشتري السهم جدامه واللي يبي يبيع هم السهم جدامه ماله داعي الكلام اللي ما يودي ولا ايييب ولا وفوق هذا يسوي حزازات بينا , واحب اقول لخوي سوق الاوراق كلامك منطقي بالنسبه لملاك السهم اهم اللي قاعدين يطلعونه وينزلوله لان من ورا هالشي غايه اهم ادرى فيها وهالمصري دماغه يودي بداهيه اقصد بالمربح وانتوا بكيفكم.

 

[سوق الاوراق]

13:42:18 ِ.مجلس إدارة (برقان جروب) يجتمع في 02-05-2009‏
يعلن سوق الكويت للأوراق المالية أن مجلس إدارة شركة مجموعة برقان القابضة
ِ(برقان جروب) سوف يجتمع يوم السبت الموافق 02-05-2009 في تمام الساعة
ِ1:00 ظهرا ، وذلك من أجل مناقشة النقاط التالية :‏
ِ1- البيانات المالية المرحلية للربع الاول للفترة المنتهية في 31-03-2009 .‏
ِ2- تعديل توصية مجلس الادارة بشأن زيادة رأس المال والتي سبق مناقشتها في
اجتماع مجلس الادارة السابق بتاريخ 21-04-2009 .‏

عشان جذيه كان يتم الضغط علي السهم اخر 4 ايام :d شنو يسمون اللي قاعد يصير هل هو غش هل هو تلاعب هل هو نصب واحتيال الله اعلم

السلام عليكم

اولا . شكرا لك اخوي عادل الصقر على سرعة نقل الخبر .

ثانيا .خلونا نناقش الاعلان من جميع جوانبه بشكل مفصل لعلى وعسى نستطيع توقع السيناريو الصحيح لاتخاذ القرار المناسب كل واحد حسب قناعته !!!!

بعد الاعلان الاول عن الزيادة تك ضغ
السهم وتنزيله بشكل متعمد ... وامس نزل السهم لسعر الدعم تقريبا واليوم تم تنزيل السهم لادنى من سعر الدعم وتم نشر الاعلان ..
صانع السوق او الشركة لديهم علم باعلان اليوم وهذا اكيد و 100 % مع ذلك اخر دقيقتين قط السهم بالحد الادنى .. ليش ؟
الشركة قاعدة تصور لنا بان ملاك السهم مو راضين عن القرار السابق وقاعدين يقطون السهم علشان جذي راح يغيرون الاعلان يعني عذر معلب ..
بينما الحقيقة انهم ارتكبو اكبر خطأ بالتاريخ يملكون تقريبا 63 % رسمي غير المحافظ والصناديق و 125 فلس مو شوية بالنسبة للكميات الكبيرة لذلك من الافضل التغيير الى 105 فلوس تقريبا ::verymad:: !!!!!

وبعدين الجماعة مستعجلين باعلان الربع الاول البنوك خايفة تعلن والشركات الكبيرة خايفة تعلن يعني برقان جروب اللي راح تسبق الجميع باعلان الربع الاول !!! ما اقول ان عندهم ربح يمكن خسارة خفيفة ... بس السرعة لها معنى !!!


والزيادة ممكن تتغير بالنسبة 100 % لغير الملاك ممكن زيادة القيمة !!!!!

على العموم في شئ غلط ولازم يتم تعديله ما ادري القرارات المصيرية والكبيرة والنتعلقة باموال وحلال الناس كيف تتخذ بهذه الطريفة ... هل لدينا قيادات اسمية وشهادات مزورة وتم تعيننهم با الواسطة او اسم العائلة او تنفيع افلان وعلان ..... الخ

ماعلينا شباب الاعلان الجديد من صيغته ومن سرعته يوم السبت يوم العطلة هناك شئ ... يا من صالحنا او ضدنا الله العالم .

المهم بالرابط الجديد سنقدم شئ جديد ومشاركات كلها ايجابية ان شاء الله لنترك الماضي ولنترك كل شئ خلفنا ونكون يد واحدة في سبيل مصالحنا .

شكرا لكم جميعا .​

 

[alzegerty]

صورة من موقع الشركة

صورة من موقع الشركة

 

[Jareer]

السلام عليكم

اخوي فوزي ...
نزول السهم مو علشان انهم موراضيين عن التوصية ... لان اهل السهم ماسكين السهم وهم اللي حاطين ومقررين هذه التوصية .. وهم اللي قاعدين ينزلون السهم .... ليش يبون يغيرون التوصية وليش الناس تتصور ان السهم قاعد ينزل علشان التوصية وان مجلس الادارة راح ينقذون الموقف .... لا يا اخوي هم الملاك وهم اصحاب القرار وهم اللي قاعدين ينزلون السهم بشكل متعمد ... !!!​

الملاك ينزلون السهم بشكل متعمد!!!


الصراحة ضعنا
من هو صاحب القرار في التحكم في سعر السهم؟

 

[Jareer]

شفيهم صخه الجماعه

اي والله صخه اليوم
عظم الله اجرنا واجركم في برقان جروب
الدفن (البيع )بكرة الخميس بأي سعر​

 

[سوق الاوراق]

اي والله صخه اليوم
عظم الله اجرنا واجركم في برقان جروب
الدفن (البيع )بكرة الخميس بأي سعر​

السلام عليكم

اخوي Jareer .

انت تملك القرار ولك كاملة الحرية لتتخذ ماتراه مناسبا لك .. ولا تعتمد على احد بالمنتديات او خارج المنتدى .
كل واحد له راي تاخذ الافضل والمناسب لك ثم اتخذ القرار حسب مصلحتك .
الله يوفقك .
تقبل تحياتي ​

 

[سوق الاوراق]

السلام عليكم

صانع سوق برقان قروب شنو اللي قاعد يسويه بالضبط .....!


يرسم الشارت رسم ويفصله على كيفه وبعدين يشخبط على الشارت وشق الورقة ويعيد رسم الشارت مرةثانية !!!!!!!!!!!!
تعرفون شنو المعنى .​

 

[adelsaqer]

اخوي سوق الاوراق تداول امس واليوم لايبشر بخير اذا باجر السهم نزل حد ادني انا ماانصح احد بالسهم لحد يلتفت حقي لاني شاريه بسعر عالي سالفة تعديل زيادة راس المال فيها شي غامض راح يبين بتداول باجر لان ملاك السهم اللي ماسكينه عارفين خفايا هالزياده اذا نزلوا السهم باجر اعتقد راح تلقي السهم بالسعر اللي ياي منه واهو 53 فلس والله اعلم لحد يبني قراره علي كلامي

 

[سوق الاوراق]

اخوي سوق الاوراق تداول امس واليوم لايبشر بخير اذا باجر السهم نزل حد ادني انا ماانصح احد بالسهم لحد يلتفت حقي لاني شاريه بسعر عالي سالفة تعديل زيادة راس المال فيها شي غامض راح يبين بتداول باجر لان ملاك السهم اللي ماسكينه عارفين خفايا هالزياده اذا نزلوا السهم باجر اعتقد راح تلقي السهم بالسعر اللي ياي منه واهو 53 فلس والله اعلم لحد يبني قراره علي كلامي

السلام عليكم

الله يعينك اخوي عادل بكل صراحة مو بس انت اللي عليك السهم غالي اكثر المشاركين عليهم السهم بالعالي جدا .... المشكلة الشباب ما يقدرون شعور الناس اللي شارين السهم ومتوهقين كل مشاركاتهم سلبية وتضيق الخلق .
اخوي عادل من الذكي اللي قايلك السهم راح يوصل بالاسعار دير بالك من المجبطين .. يوم السبت ان شاء الله الاجتماع وبعدين نقدر نحدد وضع السهم .

ملاك السهم مثلي مثلك وعليهم السهم غالي جدا ودافعين دم قلوبهم بالسهم ولازم يعوضون فلوسهم ان طال الزمن او قصر ...
والسهم من اللي قايلك مو زين او ورقي .... لان ماكو شئ بالسوق اسمه ورقي او تشغيلي واللي يقول هذا الحجي ما عنده سالفة ولا يعرف معنى الكلام يسمع ويكتب فقط ... التاريخ والتجارب والواقع غير ... جنرال موتور خير مثال واقدم واقوى بنوك العالم خير مثال ...
بالكويت الصناعات الوطنية اللي بنت الكويت شبر بشبر وينهم ........
الهواتف .. اللي يبيعون الهواء بفلوس وينهم ......................

الشركات تتغير وتتلون وتتشكل حسب المصالح ما هو ورقي اليوم تشوفه تشغيلي عذا .. خير مثال المشاريع 6 فلوس الى 61 فلس ... والحين وين المشاريع !!!!!

المهم ماعلينا لا تخاف راح ترجع فلوسك كلها بس اكتتب وزيد الكمية .... وراح تشوف برقان اللي مو عاجب احد !!!!!

اللعب مع الشيخ الشربيني يبيله قلب قوي !!!!

تقبل تحياتي

 

[Jareer]

السلام عليكم

صانع سوق برقان قروب شنو اللي قاعد يسويه بالضبط .....!


يرسم الشارت رسم ويفصله على كيفه وبعدين يشخبط على الشارت وشق الورقة ويعيد رسم الشارت مرةثانية !!!!!!!!!!!!
تعرفون شنو المعنى .​

اخي سوق الأوراق
صانع السوق (اللي هم الملاك ويمثلهم الشربيني) يرسم ويخطط ويشخبط ويرفع وينزل السعر وفي النهاية عينه علي اسهمك
وحتي علي الخردة اللي ابمخباك​

 

[قنوع ؟]

السلام عليكم

صانع سوق برقان قروب شنو اللي قاعد يسويه بالضبط .....!


يرسم الشارت رسم ويفصله على كيفه وبعدين يشخبط على الشارت وشق الورقة ويعيد رسم الشارت مرةثانية !!!!!!!!!!!!
تعرفون شنو المعنى .​

وضح لنا شنو المعنى

 

[سوق الاوراق]

اخي سوق الأوراق
صانع السوق (اللي هم الملاك ويمثلهم الشربيني) يرسم ويخطط ويشخبط ويرفع وينزل السعر وفي النهاية عينه علي اسهمك
وحتي علي الخردة اللي ابمخباك​

السلام عليكم

اخوي Jareer مشكلتي ما اقدر اقول امسك او بيع السهم بسبب بعض الاخوان .

اللي اقدر اقوله الشربيني افضل من تعاملت معاه بالسوق !!!
اسهمه افضل الاسهم من ناحية الدوران بالسوق تقدر تبيع وتشتري وتتحرك متى ما تريد عكس اغلب الاسهم بالسوق لاطلبات ولا اوامر ولا بيع وشراء !!!
الشربيني يعطيك وياخذ منك لا تخليه ياخذ منك حاول قدر الامكان انك تاخذ منه !!!!
الشربيني مو فاتح بقالة وبيت للصدقات حاط ملايين ويديرهم يبي يربح ان شاء الله تفكر بس تبي تربح !!!

اذا لاتستطيع ان تلعب معاه ابتعد ودور لك شئ ثاني !!!

((( وفي النهاية عينه علي اسهمك
وحتي علي الخردة اللي ابمخباك ))) هذه الجملة اللي انت قلتها مهمة جدا .. انت ايضا حاول انك تشيل فلوسك من مخباتك وحطهم بصندوق حديد . شلون ... لاتستمع للناس المشككة ولا تستمع لكل واحد يشارك بسلبية ولا تستمع لكل واحد يحطم الاخرين ولا تستمع للناس كل مشاركاتهم ضحك ومسخرة والتشكيك ثم الانتقال لرابط اخر .
اقرأ كثيرا لمحللين كبار ياكثرهم بالمنتدى ولنا الشرف بان ناخذ بفنهم وقدرتهم على رسم الواقع .
استمع لكل واحد ثم اتخذ قرارك بنفسك واذا خسرت او نزل السهم لاتلوم احد ابدا واذا فعلت ذلك اخرج من السوق باسرع وقت لانك لم تصل بعد لمرحلة ادارة اموالك بنفسك . وهذه الجملة ليست لك انما للجميع !!!!!!

تقبل تحياتي ​

 

[See]

السلام عليكم

كيف حالك اخوي سوق الاوراق عندي سوال لك وللاخوان

علي اي سعر دشت المدينه واستحوذ عليه؟

 

[بو هباش الكويتي]

توووووووووووووووووووووبه برقان قروب سهم يرفع الضغط والسكر والقولون