شركة عقارات الكويت

[mr_king]

في عتقادي ان سعر السهم وايد مناسب لدخول عليه .... لاتنسى ان هذا السهم تخطى ال500 فلس او تراجع لفترة .... ومن الواضح ان السهم مضغوط علية او في تجميع قوي على السهم يعني ممكن بعد اعلان الارباح راح ينكشف المستور .......والله أعلم

 

[man_70kw]

أنا ماني معاك في ان السهم ممتاز للدخول علية بسبب مجموعة البحر وماأدراك مااالبحر ....مع اني لاأملك باالسهم بس انت عارف شنو صار في الناس من مجموعة البحر .... وافهم يافهيم .

 

[mr_king]

اسمحلي اقولك اني انا خبرة مجموعة البحر .... لازم تصبر شوي او راح اتشوف الربح الطيب ... والله الموفق

 

[man_70kw]

عندك فكرة جم راح توزع عقارات الكويت ؟؟؟؟

 

[saja]

تصريف

هل تعتقدون ان التداول على عقارات الكويت تصريف؟

 

[mr_king]

والله التداول على عقارات الكويت شكلة تصريف او شكله تجميع عموما كل شي راح يبين بعد اعلان الارباح وحنا وراهم وراهم ماراح انبيع لو يوصل سعر السهم 10 فلوس

 

[saja]

قلناها قبلك

قلناها قبلك و تحسفنا بالعكس اذا نزل السعر وقف خسارتك عند الحد المعقول اي حطلك طموح بالربح و الخساره اذا شاريه ب 280 حطلك حدود بيع مثلا من 310 حتى 250 اذا وصل اي مرحلة من الاثنين بيع لا تندم و لا تتحسف حتى لو صعد السهم لان عقارات الكويت نازله من540 فلس يعني اللي شرى ب 540 و ما باع بالحدود اللي شرحتها قيمة الاسهم سارت نص و لو كان بايع مثلا ب 450 فلس كان راد الكميه نفسها و معاها 200 فلس ربح انشالله اكون افدت و الله من وراء القصد

 

[BayanoS]

قلناها قبلك و تحسفنا بالعكس اذا نزل السعر وقف خسارتك عند الحد المعقول اي حطلك طموح بالربح و الخساره اذا شاريه ب 280 حطلك حدود بيع مثلا من 310 حتى 250 اذا وصل اي مرحلة من الاثنين بيع لا تندم و لا تتحسف حتى لو صعد السهم لان عقارات الكويت نازله من540 فلس يعني اللي شرى ب 540 و ما باع بالحدود اللي شرحتها قيمة الاسهم سارت نص و لو كان بايع مثلا ب 450 فلس كان راد الكميه نفسها و معاها 200 فلس ربح انشالله اكون افدت و الله من وراء القصد

كلام منطقي 100%
انا صارت معي اخذته ب440 و عاندت وبالاخير بعته ب280 وللحين قاعد اعوض خسارتي من عقارات ك

 

[mr_king]

مومشكلة أنا عندي سهم صبرت عليه 4 سنوات لين بعته ابربح!!! الصبر مفتاح الفرج .... بس الا عاد اذا خسرت الشركة او وقفوها عن التداول هذا شي ثاني ....والله الموفق

 

[saja]

تصريف

اشكره تصريف اللي قاعد يصير بعقارات الكويت

 

[nasr 2]

السلام عليكم
ياجماعة الخير أفيدونا على عقارات ك شنو قاعد يصير
تصريف أو تجميع ومتى أجتماع الجمعية العمومية

 

[mr_king]

ورى كل تصريف تصعيد ..... ياجماعة مسئلة التصريف يبيلها صبر شوي كلها سنة ويرد السهم يرتفع :d

 

[jreea]

يا جماعه كافي حرق اعصاب ،، شسالفه تصريف تجميع ،،، وين المحللين ؟؟
ياريت واحد من الشباب الملم بالتحاليل الفنيه يتكرم مشكورا بتحليل هذا السهم الدايخ
والله يكسب فينا أجر .

 

[mr_king]

خلنا نكون واقعين شوي سوقنا السوق الوحيد الي ماينفع معاه لا تحاليل ولا خبراء !!! اليوم يقولون شي او باجر باالسوق غير!! يقولون هذي الشركة ارباحه ممتازه او باجر سهمها نازل باالحظيظ والشركة الي تعلن خسارة تلقاها مرتفعه ثاني يوم !!! ياعمي دخنا من هاالسوالف ... لو صج المحللين يعرفون باالسوق او خفاياه جان الحين اهم أغنى ناس !!! خلها على الله

 

[jreea]

منقول من منتدى النوادي من الاخ العزيز / التكانه

أمور يجب معرفتها :
1- التجارية العقارية قاعد تبيع اسهما بعقارات الكويت لأنهم في خلاف مع جاسم البحر وكانت نسبتها مايقارب 33% الحين صارت 17% وكل اسبوع تنخفظ شي بسيط وخلكم متابعين تغير الملكيات خلال اسبوع .
2-الحين السهم وصل أدنى مستوى وصل له في حياته .
3-هنالك بعض الاخبار تفيد بأن السهم له ربحية طيبة وتوزيعة طيبة والله أعلم .
4-هذا كل ماعندي على السهم
منقول من منتدى النوادي من الاخ العزيز / التكانه

 

[saja]

في خبر

في اي اخبار عن الارباح او التوزيعه

 

[زيبق]

أي تعليق على هذا السهم؟
يا جماعة!

 

[nasr 2]

أي تعليق على هذا السهم؟
يا جماعة!

ألف مرة أقول جاسم البحر مايفيد معاه التحاليل ولا المؤشرات
أنطر الاعلان عن الارباح ولك جزيل الشكر

 

[زيبق]

يبدو أن السالفة مطولة إذن

 

[saja]

عقارات الكويت

ما تلاحظون ان عقارات الكويت قاعد تصرف كميه من الاسهم هل تعتقدون بتوزع نقدي هالسنه اقصد نقدي زين هالسنه