خلوها تضبب...دعوه لمقاطعة العقار, لنحصل على اسعار افضل.

الموضوع في 'اعلانات العقار' بواسطة Bu-Sultan, بتاريخ ‏21 مايو 2009.

حالة الموضوع:
مغلق
  1. Bu-Sultan

    Bu-Sultan عضو نشط

    التسجيل:
    ‏17 أكتوبر 2005
    المشاركات:
    155
    عدد الإعجابات:
    0
    السلام عليكم ورحمة الله وبركاته ,,

    شباب انا طرت في بالي هالفكره ..وهي فكره مشابهه لحملة خلوها تصدي بالمملكه حتى نحصل على اسعار اراضي و بيوت ارخص لنستطيع ان نبني ونسكن مثل خلق الله بعز وكرامه بعيد عن الاجار وكسر الظهر ..

    خلوها تضبب معناتها , اعتزلوا الاراضي والبيوت لين تشوفون جحور الضبان كثرت فيها نتيجة عزلتها وانقطاع الرجل عنها ..

    خلوها تضبب تهدف الى الحصول على اسعار اراضي مناسبه للشباب الكويتي حتى يستطيع ان يبني ويسكن بكرامه بعيدا عن طمع التجار والشريطيه ..

    خلوها تضبب ..نتمنى نشرها على جميع المنتديات الكويتيه

    خلوها تضبب نتمنى عمل بوسترات وبنرات خاصه لنشرها بالشوارع وعند المستشفيات والجمعيات

    خلوها تضبب ..

    هذه فكره راودتني , نتمنى ان نراها مطبقه ومنتشره على ارض الواقع.

    نتمنى التفاعل بالموضوع ..وتأكد ان مرورك بالموضوع من غير كتابة اي تعليق فأنت تضر الحمله ولا تفيدها ..

    قولوا معاي خلوها تضبب ,,
     
  2. allure

    allure عضو جديد

    التسجيل:
    ‏25 مارس 2009
    المشاركات:
    133
    عدد الإعجابات:
    0
    و انا معاك
     
  3. Faisal 22

    Faisal 22 عضو جديد

    التسجيل:
    ‏5 يونيو 2007
    المشاركات:
    47
    عدد الإعجابات:
    0
    والله ياخوي موضوعك لفت انتباهي ..
    العقار عندنا بـ " الكويت " صار نار ..
    والمشكلة لـ منو تشكي همك ..
    طبعا لله سبحانه وتعالى الشكوى و الدعاء ..


    ....


    اسعار خياليه فلكيه , المواطن من وين يجيب فلوس :confused:..
    طبعا معروف يا هـ " القرض " والا السلف والتلف ..
    اراضي وبيوت اسعارها فوق الـ 150 الف دينار ..
    الي تساوي تقريبا نص مليون دولار ..

    ....

    طبعا الي يشاهد الوضع من بعيد ..
    على باله ان الكويتي يملك اموال قارون :eek: ..
    الناس قامت تضحك علينا يقولك كويتي عنده هـ " الفلوس " ..
    مو عارف يسكن , وللحين عايش على " بدل الايجار " !! ..


    ....

    واللعب كله صاير عند المكاتب :mad: ..
    كل يوم لهم كلام , تطلع من عندهم شاري ..
    وتتفاجئ انك لا شريت ولا هم يحزنون ..
    يزيدون الاسعار على كيفهم ..


    ....



    والله يهداهم بعض الملاك , ذبحهم الجشع ..
    بس ما نقدر نسوي لهم شي حلالهم وبكيفهم ..
    تكلمه وتتفق وياه , يقولك راجعني على السعر الفلاني ..
    ويوم تقعد معاه شوي ويعطيك بو لباس :eek: ..
    يبه ليش !! يقولك انسامت وزاد سعرها ..
    طبعا انا مو قاهرني الا كلمة " سوم " ..
    طبعا جذب وكلام فاضي ..


    ....


    والمشكلة الي ملاحظها اسعار خياليه ..
    ولا قاعد اشوف احد يبيع او يشتري :confused: ..


    ....


    سـلام عليكم ..
     
  4. musad

    musad موقوف

    التسجيل:
    ‏22 فبراير 2009
    المشاركات:
    393
    عدد الإعجابات:
    0

    كلامك اهو الصح يعطيك العافية
     
  5. MUSAED77

    MUSAED77 عضو جديد

    التسجيل:
    ‏13 ابريل 2007
    المشاركات:
    1,134
    عدد الإعجابات:
    0
    والله انت قلت رايك وانا اقول شلون الارض تصدي او تضبب علي قولك التاجر صايدك صايدك سواء باعها غاليه او خلها وبناها واجرها عليك ويحلبها حلاب وانت خوش ولد تدفع لا نك ناطر الاسكان وموت وانت تنطر من زواجك 15 سنه اذا حظك حلو وبنيان وعباله مو اقل من 3 سنوات بالعربي انشاء الله تسكن من زواجك تقريبا 20 سنه .

    وحملة تصدي سياره اذا ما شريت سياره من وكاله تويوتا تقدر تاخذ الف سياره غيرها


    ونبي رايكم بالكلام

    اما بالنسبه للاراضي والاسعار الله المستعان نار والتاجر ما يرحم
     
  6. عذبي 71

    عذبي 71 عضو جديد

    التسجيل:
    ‏21 ابريل 2009
    المشاركات:
    1,617
    عدد الإعجابات:
    0
    يا اخوي اذا بتسوي حمله سو شي سنع مو هالحجي تصدي وتضبب وتزنجر ترى كلامك مايودي ولايجيب
    انته لو قاعد تتكلم عن سلعه كماليه انا معاك لو زقاير ونقاطعه تنباك ونهده اوكيه لو ستار بكس ماشي لو منتج له بديل اقول امش وايدي بيدك
    انما انت تتكلم عن الهم الاكبر في حياة كل شاب وصاحب اسرة لا والله بل هم كل فرد في الكويت حتى الاطفال من يفتح عينه يبي يحن على امه وابوه ابي دار كبيره
    ومن قبل ما يتزوج يقول بييييه انا اذا تزوجت متى بيطلع لي بيت
    هذا واقعنه هذي معاناتنه هذا همنه اشلون نقاطع حلم من احلامنه ومطلب ملح من متطلبات حياتنه عشان اسعاره تنزل لا يبه هالكلام ما يعشي الجايع
    تبي كلام مضبوط وحجي صحيح
    سو حمله ضد اصحاب القرار اللي بيدهم يضغطون على كبار الملاك
    هالنواب اللي مابردت نار قهاويهم بالمقرات وتوهم ناجحين وقابضين من ورى اصواتنه
    هذا وقتهم خل يضغطون عالحكومة تخصص للرعاية السكنية اراضي وتوزعها على الناس وتتعمر هالصحراء القاحلة ببيوت لاهل الكويت المخلصين وسمها حملة نبيها تعمر
    خل يضغطون النواب على الحكومة تشيل هالكراجات بشرق وبالشويخ والفحيحيل وتوزعها قسايم للناس وخل السيارات تتسكرب احنه اوله من السيارات وسمها حملت نبيها تسكرب
    خل النواب يضغطون على الحكومة وينجزون البنية التحتية في صباح الاحمد وشرق القرين بستة شهور بدال سنتين وثلاث واربع حط بدال الشركتين خمس وست شركات واختصر المدة ووزع على الناس قسايم وسمها حملة نبيها اسرع
    وعندك حملة نبيها اوسع يكبرون لنه المساحة اشوي ويرغبونه بالبعد
    ونبيها اقرب يشيلون هالمعسكرات بصبحان
    ونبيها ابرد يكيفون بيوت الحكومة بالتكييف المركزي
    ونبيها اشلههه يعني يشيلون الشاليهات ويسون مكانها بيوت عالبحر
    مو تضبب وتجربع... يا خوي :)
     
  7. musad

    musad موقوف

    التسجيل:
    ‏22 فبراير 2009
    المشاركات:
    393
    عدد الإعجابات:
    0
    بوعذبي صح لسانك كفيت ووفيت وهذي بوسه على خشمك :p
     
  8. Bu-Sultan

    Bu-Sultan عضو نشط

    التسجيل:
    ‏17 أكتوبر 2005
    المشاركات:
    155
    عدد الإعجابات:
    0
    الله يهديك داش فينا عرض وبقوه بعد ...امممم يا ترى ليش؟ شكلي دست لك على طرف ...اكيد انته من المتربحين والمتاجرين بالعقار مثل صاحبك مساعد , وكل همكم العقار يرتفع حتى لو كان على ظهر المواطن البسيط...

    بعدين انا سميت الحمله "خلوها تضبب" مو تصدي وتزنجر ..اذا كان عندك اقتراح لاسم افضل كان ممكن تعرضه باسلوب افضل من الاسلوب هذا ..وعلى فكره تصدي وتزنجر الاسامي هذه تلقاها عند البنشرجيه ..شكلك تقعد معاهم بالشموس واجد لين اثروا على تفكيرك.
    شكل البنشرجيه اللي تقعد معاهم يدخنون تنباك ..قلتلك لا تتأثر فيهم حيل

    كان ممكن تسأل وتناقش باسلوب افضل عشان الواحد يتوسم فيك خير ويرد عليك باسلوب افضل ..
    الحكومه مو جاده لانهاء موضوع الرعايه السكنيه وكله هذا لمصلحة المتنفذين والمتاجرين بدماء الشعب الكويتي مثلك ومثل صاحبك مساعد.

    اكيد طبعا تبيها تسكرب ..لانها من مصلحة ربعك البنشرجيه
    عموما , ارد واقول الحكومه مو جاده ..لانها لو جاده جان حلت الموضوع من زمان ...ليش ننتظر ونخلي مصيرنا بايد غيرنا واحنا قادرين نفعل ونأثر؟!

    اللي نعيده نزيده؟؟ قلنالك الحكومه مو جاده !! لكن الظاهر عقلك مصدي ومزنجر ويبيله تشحيم عند ربعك اللي تقعد معاهم كل يوم...
     
  9. Bu-Sultan

    Bu-Sultan عضو نشط

    التسجيل:
    ‏17 أكتوبر 2005
    المشاركات:
    155
    عدد الإعجابات:
    0

    انت شهادتك مجروحه باعتبارك احد اصحاب مكاتب العقار والمتاجرين بدماء الشعب الكويتي ...انت وغيرك من المتربحين ما يرضيكم لين تشوفون معاشاتنا كلها اقساط ما يبقي لنا منها الا 200 دينار
     
  10. Bu-Sultan

    Bu-Sultan عضو نشط

    التسجيل:
    ‏17 أكتوبر 2005
    المشاركات:
    155
    عدد الإعجابات:
    0

    حياك الله اخوي , ونتمنى تفاعلك اكثر بالموضوع ردا على المتربحين بدماء المواطن البسيط
     
  11. Bu-Sultan

    Bu-Sultan عضو نشط

    التسجيل:
    ‏17 أكتوبر 2005
    المشاركات:
    155
    عدد الإعجابات:
    0
    توضيح وافي وكافي لمعاناة المواطن البسيط من جشع التجار وطمع الشريطيه امثال مساعد وربعه...
     
  12. musad

    musad موقوف

    التسجيل:
    ‏22 فبراير 2009
    المشاركات:
    393
    عدد الإعجابات:
    0
    Bu-Sultan يالطيب عذبي عرض رايه بسلوب فكاهي ما سبك ولا جرح أحساسك كل واحد يأخي حر برأية أو ماقال عنك بنشرجي وعلى فكرة أنت أسلوبك كلاش مو شي خلها تضبب وما دري وتعشش مو ناقص الا تقول خلوها تفلوز والله ياطيب أنا استغربت من كلامك بالموضوع ليش الاراضي بالربع الخالي وأنا أقولك خل الحمله بسم حلانكش - بيض الخعنفق.......مثل فرخ الخعنفق أو عيش وحليب وجباتي .......... شاهي وبالأخير تراهي غشمره يعني ضحك ماله داعي تشفط علينا .
     
  13. Bu-Sultan

    Bu-Sultan عضو نشط

    التسجيل:
    ‏17 أكتوبر 2005
    المشاركات:
    155
    عدد الإعجابات:
    0
    الموضوع هذا يخص كل شاب كويتي , ومافيه مجال للغشمره ..

    اللي يبي يناقش , يناقش بأدب من غير احتقار لرأي الغير.
     
  14. مساهم11

    مساهم11 عضو نشط

    التسجيل:
    ‏29 سبتمبر 2008
    المشاركات:
    2,234
    عدد الإعجابات:
    0
    مكان الإقامة:
    الكويت
    يا شباب اصبرووووووووووووووووا والله المنه لكم

    والي يدش ينكت او بحبط العزايم صدقوني تلاقون عقاره ناشب بحلقه

    اتركوهم انسوهم علي الاقل سنه وشوفوا النتايج
    والله انتوا الربحانين من الناحيتين

    اولا الاسكان بدت تتحرك وتبني المدن
    ثانيا الاسعار غصب طيب راح تنزل
    لان الاغلب ماسك مو راضي يشتري والبايع راح يضطر يبيع
     
  15. musad

    musad موقوف

    التسجيل:
    ‏22 فبراير 2009
    المشاركات:
    393
    عدد الإعجابات:
    0
    ماسك متى الفطور :d
     
  16. عذبي 71

    عذبي 71 عضو جديد

    التسجيل:
    ‏21 ابريل 2009
    المشاركات:
    1,617
    عدد الإعجابات:
    0
    ههههههههههههه بوسلطان انا بنجرجي هههههههههههه حلوه منك
    بس تقول
    عقلي مصدي ومزنجر ويبيله تشحيم
    عيب عيب عيب هذا غلط انت كبير مو صغير
    انت متربي ولد عايله واهلك تعبو بتربيتك وشرولك كمبيوتر وحطولك انترنت وعلموك تشبك وعلموك تدخل منتديات محترمه تناقش فيها مواضيع مهمه
    عيب تغلط على الناس يا بو سلطان عيب
    الله يهديك وتكبر وتعقل وتتعلم من الناس شلون تتكلم
     
  17. MUSAED77

    MUSAED77 عضو جديد

    التسجيل:
    ‏13 ابريل 2007
    المشاركات:
    1,134
    عدد الإعجابات:
    0
    الله يجزاك خير انت اخ عزيز انا والله العظيم لا عندي مكتب ولا اعرف بالمنتدي والله العظيم بس قلت راي


    بس ما يصير الافتراء علي الناس ظلم ومني والدرب ..

    وبس ما اقول انت اخ عزيز فكرتك صحيحه بس انا قلت راي انها ما تنفع للاسباب اللي انا قلتها اذا تتفق معاها اوكي واذا لا خلاص ما انت الدنيا
    .
     
  18. fawaz69

    fawaz69 عضو نشط

    التسجيل:
    ‏29 أغسطس 2007
    المشاركات:
    454
    عدد الإعجابات:
    2
    الله يجزاك خير bu-sultan وانا اايد طرحك وان شاء الله العقار بينزل
    والله يرزق الشباب الكويتي السكن اللي طال انتظاره اما تجار العقار والشريطية
    الله يهديهم وينظف قلوبهم من الجشع الطمع والغل والمكابر والمثل يقول من طمع طبع
     
  19. Bu-Sultan

    Bu-Sultan عضو نشط

    التسجيل:
    ‏17 أكتوبر 2005
    المشاركات:
    155
    عدد الإعجابات:
    0
    مستانس انك بنشرجي؟ وتضحك على نفسك بعد؟
    اكيد الشموس مأثره فيك حيل ...الله يعينك على نفسك.

    تبيعه على خرابه؟

    شكلك متأثر بسبيس تون حيل ..الله يفك عوقك

    هذه عرفتها من نفسك والا احد قالك؟

    العيب تلقاه بمداخلتك الاولى بالموضوع , روح اقرأ مداخلتك عدل بعدين تعال تكلم ..
    بعدين انا ما غلطت عليك بالكلام , انا مجرد قاعد اوريك حجمك الطبيعي ..
    وتأكد ان اللي يتربحون بدم الشعب الكويتي مثلك ومثل مساعد صاحبك ما رح نسكت عنهم ورح نبين نصبهم واحتيالهم لكل الناس ..لين ربي يهديهم ويرضون بالربح المعقول بعيدا عن الطمع والجشع اللي ماكل قلوبهم.
     
  20. Bu-Sultan

    Bu-Sultan عضو نشط

    التسجيل:
    ‏17 أكتوبر 2005
    المشاركات:
    155
    عدد الإعجابات:
    0

    حياك الله اخوي فواز , نتشرف بمرورك ياخوي..
    ونتمنى التفاعل اكثر بالموضوع ردا على المتربحين بدماء المواطن البسيط.
     
حالة الموضوع:
مغلق