اتـرك ميزان ريـخـــتر.......اذا هـــج التــيـــس هـــج . لطرافته نقلته

الموضوع في 'إستراحة المنتدى' بواسطة وسيط اسهم, بتاريخ ‏23 مايو 2009.

  1. وسيط اسهم

    وسيط اسهم عضو جديد

    التسجيل:
    ‏3 فبراير 2009
    المشاركات:
    1,788
    عدد الإعجابات:
    0
    مكان الإقامة:
    $$ الريــــ ض ـــــا $$

    السلام عليكم ورحمه الله جميعا
    --------------






    مسااااااااكم الله بالخير جميعا

    من يوم ما بدأت الهزات في حره ( لونيير ..اللي اول مره اسمع عنها العام وكنت احسبها في فرنسا ) ...من
    يوم ما بدأت الاحداث ..وان فيه زلازل وبراكين تبي تثور ....قلت ياولد لازم تتابع وش صاير ...ولا الصراحه
    اني انا والاخبار مانتفق ....لكن الوضع غير .....كل ما اقابل واحد يقول حسيت بالزلزال..اقول لا ....جاتكم هزه..لا ...ما حسيت اليوم...لا ....وبعضهم قاللي صحتني الهزم من النوم ماحسيت فيها ....قلت مدري يمكن حسيت....

    والحمد لله... ان الاحساس عندي شوي
    ضعيف .. لان رده فعلي عند الخطر ماش ..ما تجمل ..يثور البركان ويطفي وانا راقد.....والحمدلله على هالنعمه .

    المهم اني صرت اتابع المنتديات ....ولقيت اخبار لاهي على البال ولا على الخاطر ....اشكال والوان وصور
    ودروس جيولوجيا وكيميا وطب وهندسه
    اللي يقول بكره البركان .....واللي يقول نار ودخاخين ...واللي يقول فيضان ..وانهار متفجره ...وابيار تطبخ
    وغاز الراديو والكبريت .....وغاز h3n1..يتحد مع.vhs. ..يطلع رماد يعمي اللي على بعد 200 كيلو...
    وعلوم مالها اول ولا اخر .

    وصراحه لقيت المنتديات اللي استغلت هالفرصه لزياده التسجل صايره ..ميدان معارك ....وميدان دعايات ...وترويج
    للصحف ورسايل الجوال .....حتى منتديات خارج السعوديه كاتبه اخبار مدري من وين .

    رحت لمواقع الصحف ...ولا الوضع مثل المنتديات ....كل صحيفه تحلل على كيفها ....حتى ان بعضها حدد ساعه
    انفجار البركان ..ومنين ...وكم كيلو النار بتوصل ,!!
    والجيولوجيين ذكروني بمحللين الاسهم ....قبل وبعد انهيار السوق ....هزه بدرجه 3 على عمق 8 كيلو....وهزه
    على ارتفاع 4 كيلو بميزان رختر على صفيحه ساخنه تحت القشره الصلبه الموجوده في الحزام القاري جنوب شمال
    البحر الاحمر .........دخت .

    دخلت موقع هيئه المساحه الجولوجيه السعودي ....لقيت مالهم شغل ...شغلتهم اكتشاف معادن بالانقليزي
    مالهم شغل بالبراكين وحره الشاقه او لونيير



    دخلت مواقع الزلازل الاجنبيه ...شي روسي ..وشي بريطاني...وشي امريكي ...ومالقيت الا دواير حمر وصفر
    ذكرتني بشهاده ثاني متوسط ......ورموز وارقام وخطوط ...طلاسم دمعت عيوني وما فهمتها





    جبت قاروره ماء صحه وحطيتها قدامي ...قلت لا شفت الماء تحرك ...هذا زلزال ...لكن غلطت وشربتها.


    المهم قلت لازم القى طريقه موثوقه اعرف فيها الزلزال ....او بمعنى احس فيه....حتى اللي يقابلني اقوله حسيت
    بالزلزال ...وبدرجه 3.345 على مقياس رختر .....لكن من وين اجيب ميزان رختر هذا .....دورت عليه قالو
    ما ينباع هنا ....يمكن لو تطلبه من اليابان احسن .

    وانا ادور ميزان رختر في النت ...لقيت شرح وصور له ...وانه بسيط تقدر تسويه بنفسك ....مايحتاج
    الا ...سسته او زي ماهم كاتبين زنبرك ...وثقاله....وقلم ...وورقه......





    افااااا ....بس هذا وانا دايخ ادور
    باشتريه...يخسا رختر ...الحين اضبط واحد في دقايق ........واماهي الا لحضات الا رختر شغااال....


    وصرت اراقبه ...رغم اني ماشوف له فايده الا انه يوضح انه صار زلزال....لكن مايحذرني قبل




    و حدث مالم يكن بالحسبان ......اول تريله مرت من الشارع ....سجل رختري درجه برا الورقه ...طلع ماينفع
    للي بيتهم قريب من شارع فيه شاحنات .....لكني انصح فيه للي عندهم هدوء في حركه السير....وهذا الكاتلوج
    للي يبي يستفيد




    طيب والحل .........تذكرت اني قريت في بدايه الاحداث ...واحد كاتب ان الحيوانات والدواب صارت تهج من منطقه
    الحره .....وقابلت واحد قاللي الصيد هناك تمسكه بيدك .....واسوي بحث في النت ....لقيت هالموقع اللي اعطاني
    الحل ......لا وموقع الماني اصلي ومترجمينه لنا بالعربي....لتبادل المعرفه....قلت ان شاء الله نترجملكم موقع
    الهيئه الجيولوجيه حقنا قريب للغه الالمانيه حتى نفيدكم .



    لكن هم حاطين فيل ...ماعندنا افيال ....عندنا بعارين .....اكيد تنفع .....وقلت بشتري بعير
    بس وين اوديه ....احط بعير في البيت !!!...........وبعد تفكير وبحث عميق استقر الاختيار على شراء
    تيس



    التيس من الحيوانات مرهفه الحس .....اكيد انه بيحس بالزلزال بدري ويعطيني اشاره الاخلاء ...حتى
    قبل ميزان رختر اللي في الحره
    خاصه ان عليه صوت رخيم مميز ....يتغير بتغير مزاجه ....والدليل ان صوته عن طلب الشعير غير
    صوته عند التزاوج .
    كما ان التيس لايعرف الاشاعات ...وليس له مصلحه في اعطاء اخبار غير صحيحه او قول غير مؤكد
    احاسيسه صادقه ....لذلك فهو ثقه

    ونصيحتي لك عزيزي المواطن ...ان تشتري تيس..........ويفضل ان يكون من منطقه الزلزال
    لحداثه خبرته بالزلازل .....وان تقوم بمراقبته

    واذا هج التيس.........هججججججججج معه .



    الله يكفينا شر الكوارث والفتن وكل شر .....

    ويهدينا للعمل والقول اللي فيه الخير ...



    امين

    امانة منقول لطرافته
     
  2. .:. عطر .:.

    .:. عطر .:. عضو جديد

    التسجيل:
    ‏1 مارس 2009
    المشاركات:
    317
    عدد الإعجابات:
    0
    مكان الإقامة:
    الـنـ الـعـ الكويت ـالي ـجـم
    الله يكفينا الشر

    اضحك الله سنك و عساك سالم .
     
  3. وسيط اسهم

    وسيط اسهم عضو جديد

    التسجيل:
    ‏3 فبراير 2009
    المشاركات:
    1,788
    عدد الإعجابات:
    0
    مكان الإقامة:
    $$ الريــــ ض ـــــا $$


    وسنك وعساها دوم هالضحكه
    وتسلمين على مرورك
     
  4. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    :)

    شكرا
     
  5. وسيط اسهم

    وسيط اسهم عضو جديد

    التسجيل:
    ‏3 فبراير 2009
    المشاركات:
    1,788
    عدد الإعجابات:
    0
    مكان الإقامة:
    $$ الريــــ ض ـــــا $$



    عساااها دوم هالابتسامه


    والعفو ومشكوووره ع المرور
     
  6. ياسر الروقي

    ياسر الروقي عضو نشط

    التسجيل:
    ‏11 يونيو 2007
    المشاركات:
    3,830
    عدد الإعجابات:
    14
    مكان الإقامة:
    بلدة طيبة ورب غفور
    ههههه حلووه
    تصدق يا وسيط سنة 2006 كنت بالقاهره وكنت ادرس بالشقه حزة الظهر ولا يوم قمت اتمايل على جنب والقلم طاح من ايدي وقدامي بعض الاثاث مثل الساعه والابوجارات قامت تتحرك بشويش وانا اقوم اسمي بالرحمن قلت الظاهر اني دايخ يوم وقفت بغيت اجي على الجنب ما قدرت اوقف احس اني معكوس رجلي بجه وجسمي بجه ثواني دعدلت الامور
    ولا واحد من ربعي ساكن بالشقه اللي فوقنا كان نايم وطاح فيه السرير وجاى يركض يقول زلزال زلزال حنا ساكنين بالدور السادس يوم طلينا من البلكون ولا العماره كلها بالشارع متعودين
    ودقايق ولا خبر عاجل على قناة العربيه زلزال يضرب اليونان ومن قوته يشعر به سكان القاهره
    سبحان الله العظيم الله لا يورينا قوته
     
  7. وسيط اسهم

    وسيط اسهم عضو جديد

    التسجيل:
    ‏3 فبراير 2009
    المشاركات:
    1,788
    عدد الإعجابات:
    0
    مكان الإقامة:
    $$ الريــــ ض ـــــا $$


    اللهم امين و الشكر موصول لك لحضورك الطرح اخووووي
     
  8. وافى الوافى

    وافى الوافى عضو نشط

    التسجيل:
    ‏26 مارس 2008
    المشاركات:
    696
    عدد الإعجابات:
    1
    مكان الإقامة:
    الكويت
    بصرااحه الموضوع جداا طريف واضحكنى طريقة الكاتب


    الف شكر لك اخوى وسيط اسهم


    وعسا الله يوسع صدرك مثل ماوسعت صدورنا
     
  9. NoOoOoR

    NoOoOoR عضو نشط

    التسجيل:
    ‏18 أغسطس 2008
    المشاركات:
    10,667
    عدد الإعجابات:
    9
    مكان الإقامة:
    الكــويـــت....:))
    :) :) شكرا
     
  10. وسيط اسهم

    وسيط اسهم عضو جديد

    التسجيل:
    ‏3 فبراير 2009
    المشاركات:
    1,788
    عدد الإعجابات:
    0
    مكان الإقامة:
    $$ الريــــ ض ـــــا $$


    الله يعطيك العافيه اخوي
    وشرفني مرورك
     
  11. وسيط اسهم

    وسيط اسهم عضو جديد

    التسجيل:
    ‏3 فبراير 2009
    المشاركات:
    1,788
    عدد الإعجابات:
    0
    مكان الإقامة:
    $$ الريــــ ض ـــــا $$



    العفو نووور وشرفني مرورك
     
  12. Om Hind

    Om Hind عضو جديد

    التسجيل:
    ‏8 أكتوبر 2008
    المشاركات:
    606
    عدد الإعجابات:
    0
    هههههههه
    اهم شي اول تريلا مرت، سجلها مقياس ريختر :p

    يعطيك العافية
     
  13. وسيط اسهم

    وسيط اسهم عضو جديد

    التسجيل:
    ‏3 فبراير 2009
    المشاركات:
    1,788
    عدد الإعجابات:
    0
    مكان الإقامة:
    $$ الريــــ ض ـــــا $$



    هههههههههههههههههههههههه
    الله يرج ابليسك


    الله يعافي قلبك

    والشكر موصول لتشريفك طرحي
     
  14. q82007

    q82007 عضو نشط

    التسجيل:
    ‏21 مايو 2008
    المشاركات:
    569
    عدد الإعجابات:
    0
    عجيب كاتبها وشكرا على النقل

    والله يحفظهم
     
  15. fabulass

    fabulass عضو جديد

    التسجيل:
    ‏17 أغسطس 2006
    المشاركات:
    2,011
    عدد الإعجابات:
    2
  16. وسيط اسهم

    وسيط اسهم عضو جديد

    التسجيل:
    ‏3 فبراير 2009
    المشاركات:
    1,788
    عدد الإعجابات:
    0
    مكان الإقامة:
    $$ الريــــ ض ـــــا $$



    يسلموووا على المرور خيوووا
     
  17. وسيط اسهم

    وسيط اسهم عضو جديد

    التسجيل:
    ‏3 فبراير 2009
    المشاركات:
    1,788
    عدد الإعجابات:
    0
    مكان الإقامة:
    $$ الريــــ ض ـــــا $$



    ويعافيك أبووي