شريت جهاز من الصين واحتاج اعرف كيف اخده ems

[Om Hind]

الاستلام من البريد الممتاز ems

السلام عليكم ياجماعة

احتاج مساعدة أهل الخبره بمواضيع البريد والشراء عن طريق النت

انا شريت لاب توب صغيييير من الصين وبعتوها عالبريد الممتاز ems، مع العلم اني اول مره اشتري شي من الخارج.

سؤالي:
كيف استفسر عن الشحنة وصلت ولا لأ؟؟
ووين مكانهم؟؟
ولما شريت الجهاز قالولي مافي رسوم شحن، هل عندنا حياخدوا مني شي؟؟
وسمعت انه في جمارك ما جمارك، هل مكانها غير مكان البريد ولا نفس المكان؟؟

تايهة الصراحة، اتمنى تفيدوني

ويعطيكم العافية جميعا

شكرا​

 

[DENALI_Q8]

بالنسبه للاستلام راح يكون من السنترال الرئيسي اللي منطقتك تابعه له كمثال سنترال كيفان
و ما ياخذون منك اي شي
واذا وصلت راح يدزولك مسج برقم الشحنه فلازم تنطر لمن توصل

 

[Om Hind]

بالنسبه للاستلام راح يكون من السنترال الرئيسي اللي منطقتك تابعه له كمثال سنترال كيفان
و ما ياخذون منك اي شي
واذا وصلت راح يدزولك مسج برقم الشحنه فلازم تنطر لمن توصل

اخوي شكرا للرد

بس انا عندي خلفية انه في تعقيدات بهالاشياء

يعني الاجراءات هذي فقط الي تصير؟

وشكرا مره اخرى

 

[أبوفلان]

اذا على البريد الممتاز اللي يوصل كيفان ، لا مافي شيء ، الامور سهالات ، اجهزة الكشف كلها متعطلة هههه

مافي جمارك على الاجهزة الاكترونية ،،

 

[Om Hind]

اذا على البريد الممتاز اللي يوصل كيفان ، لا مافي شيء ، الامور سهالات ، اجهزة الكشف كلها متعطلة هههه

مافي جمارك على الاجهزة الاكترونية ،،

يعطيك العافية

شكرا لردكم

ممنونة

 

[Kyokushin]

سلام عليكم
اذا عالبريد الممتاز بسنترال كيفان
اول ما يوصل الطرد يدقون عليك ويقولون لك ان في طرد واصلك تعال استلمه
اذا قالولك استلمهه معناته داش الجمارك والجمارك اهوا ببريد الممتاز نفسه
واذا ما يدخل الجمارك راح يوصلونه لك للبيت ويدقون عليك يقولون لك احنا برا
ان شاء الله افدتك.

 

[Om Hind]

سلام عليكم
اذا عالبريد الممتاز بسنترال كيفان
اول ما يوصل الطرد يدقون عليك ويقولون لك ان في طرد واصلك تعال استلمه
اذا قالولك استلمهه معناته داش الجمارك والجمارك اهوا ببريد الممتاز نفسه
واذا ما يدخل الجمارك راح يوصلونه لك للبيت ويدقون عليك يقولون لك احنا برا
ان شاء الله افدتك.

والله يعطيكم العافية افدتوني كلكم
انا عطوني Track # وقالولي اشيك من موقعهم وين وصل الجهاز
المشكله اني كنت اشيك امس ماكان يطلع شي لذلك ضيعت بس اليوم بين معي انه لسة ماوصل

وكل الشكر لمساعدتكم

 

[Om Hind]

السلام عليكم

من شوي دزولي مسج البريد الممتاز، عشان اروح استلم الجهاز

إذا مافيها ثقل سؤال زيادة، عندكم فكره يداومون العصر ولا لأ؟؟
دقيت عليهم مايردووون

شكرا

 

[أبوفلان]

اي موجودين العصر لين الساعة 8 اعتقد ،،

 

[Om Hind]

اي موجودين العصر لين الساعة 8 اعتقد ،،

يعطيك العافية

شكرا

 

[Om Hind]

السلام عليكم
انا رحت البريد الحمدلله لقيته فاتح
واستلمت الجهاز بدون اي تعقيدات

شكرا مره اخرى للجميع
وجزاكم الله خير

 

[fayed22]

مبروك عليكي الجهاز الحمد لله انك حصلتيه اخيرا

 

[بوناصر العجيل]

شنو السايت الي طلبتي منه ؟

قواج الله

 

[لاهوب]

يا ليت تعطينا معلومات عن الموقع لو سمحتى .

 

[Om Hind]

مبروك عليكي الجهاز الحمد لله انك حصلتيه اخيرا

الله يبارك فيك

شكرا

 

[Om Hind]

شنو السايت الي طلبتي منه ؟

قواج الله

يا ليت تعطينا معلومات عن الموقع لو سمحتى .

www.ebay.com

شكرا

 

[لاهوب]

www.ebay.com

شكرا

اختى ام هند هل كانت عملية الشراء صعبه وقصه طويله ام انها سهله وهل انتى من قام بالشراء او شخص آخر .. يمكن نستفيد من تجربتك وخصوصا كونها عن طريق البريد الممتاز وبالتالى فتكلفة الشحن سوف تكون أقل ..

والسلام ختام

 

[Om Hind]

اختى ام هند هل كانت عملية الشراء صعبه وقصه طويله ام انها سهله وهل انتى من قام بالشراء او شخص آخر .. يمكن نستفيد من تجربتك وخصوصا كونها عن طريق البريد الممتاز وبالتالى فتكلفة الشحن سوف تكون أقل ..

والسلام ختام

العملية انا لي سويتها بنفسي لكن كانت أول مره كنت تايهة شوي بس الحمدلله الواحد بيتعلم

انا سمعت عن هالموقع انه ثقة، وفيه مستعمل وجديد وسومات وكل شي
وفي جهاز في بالي دخلت الموقع ادوره ولقيته بس فيه شرط تشتري عن طريق الpaypal وانا ماعندي حساب فيه، قلت بجرب، سجلت في الpaypal عن طريق الebay طبعا في لينك يوديك عليه عشان الحساب، وادخلت بيانات بطاقة الفيزا وبيانات اخرى طلبوها و بس تم الاشتراك وسحب المبلغ، وبنفس اليوم دق علي البائع وقالي خلال 7 إلى 10 ايام بيكون عندك
وفعلا انا سويت الطلبية بتاريخ 21/05/2009 وصلتني أمس 27/05/2009
كان قالي اسم البريد الي حيبعت عليه عطاني اياه بس انا مافهمت لاني ما اعرف انواع بريد غير DHL و فيديكس او ارامكس، حطيت اسم الشركة بجوجل وطلعلي انه البريد الممتاز
وبالنسبة لتكاليف الشحن البايع قالي مافي تكاليف شحن، وسواء من هناك او من الكويت انا مادفعت شي غير قيمة الجهاز.
وجتني رسالة من البريد فيها رقم الطرد عشان استلمه رحت عطيتهم الرقم واخدوا بطاقتي المدنية، وبعدين الجمارك فتحوا الطرد قدامي شافوه وقالي اوكي، كل الوقت لاستلام الجهاز ما تعدى العشر دقائق.

شكرا

 

[لاهوب]

مشكوره على التوضيح الممتاز والله يباركلج بالسلعه اللى شريتيها

 

[Om Hind]

مشكوره على التوضيح الممتاز والله يباركلج بالسلعه اللى شريتيها

العفو حياك الله
والله يبارك فيك

شكرا