كيفية الحصول على وكالة منتج من خارج الكويت

الموضوع في 'الوظائف والأعمال التجاريه' بواسطة كحيلان العازمي, بتاريخ ‏24 مايو 2009.

حالة الموضوع:
مغلق
  1. كحيلان العازمي

    كحيلان العازمي موقوف

    التسجيل:
    ‏20 مايو 2009
    المشاركات:
    43
    عدد الإعجابات:
    0
    السلام عليكم ورحمة الله وبركاته

    وجدت في اوروبا عصير طازج جدا غير متوفر في الكويت والخليج كله

    واود الحصول على الوكيل الحصري لهذا المنتج واقوم بتوزيعه في الكويت والخليج

    فهل لاحدكم ان يخبرني كيف هي الطريقه لذلك ؟

    اقصد مبدايا يجب ان تكون لدي اي رخصه بالضبط ؟

    وماهي باقي المستندات المطلوبه

    ولكم كل الاحترام والتقدير

    اخوكم ابو فيصل العازمي
     
  2. ساحل الليل

    ساحل الليل موقوف

    التسجيل:
    ‏4 ابريل 2008
    المشاركات:
    258
    عدد الإعجابات:
    0
    والله يااخوك انا مثلك ابي اعرف
    اتمنى من الاخوه انهم يساعدونا
     
  3. خسران جداً

    خسران جداً موقوف

    التسجيل:
    ‏25 ابريل 2006
    المشاركات:
    1,334
    عدد الإعجابات:
    0
    سهله اكتبولي اسم المنتج وانا اقولكم الطريقه ههههههههههه

    اكيد بوزارة التجاره السالفه كلها
     
  4. Broker2009

    Broker2009 موقوف

    التسجيل:
    ‏3 ابريل 2009
    المشاركات:
    94
    عدد الإعجابات:
    0
    يا خوي الموضوع حسب معلوماتي السابقه يكون عن طريق وزارة التجاره بالاضافة الى الملحق التجاري الموجود بسفارتهم والاهم من هذا محامي قوي

    وموفق اخوي
     
  5. هامور 2000

    هامور 2000 عضو نشط

    التسجيل:
    ‏7 نوفمبر 2007
    المشاركات:
    1,778
    عدد الإعجابات:
    1
    عطنا نمونه من العصير عشان نذوقه وبعدين نقول لك شلون تكون الوكيل الحصري للعصير
    موفق
     
  6. احمد العبدالله

    احمد العبدالله موقوف

    التسجيل:
    ‏4 ابريل 2008
    المشاركات:
    3
    عدد الإعجابات:
    0
    موفق ياابن العم العازمي وباذن الله تحصل على مرادك
     
  7. .:. عطر .:.

    .:. عطر .:. عضو جديد

    التسجيل:
    ‏1 مارس 2009
    المشاركات:
    317
    عدد الإعجابات:
    0
    مكان الإقامة:
    الـنـ الـعـ الكويت ـالي ـجـم
    الله يوفقك و يحقق مرادك
     
  8. الشكوىى لله

    الشكوىى لله عضو نشط

    التسجيل:
    ‏23 ابريل 2009
    المشاركات:
    441
    عدد الإعجابات:
    0
    مكان الإقامة:
    الكويت
    عساَك تحصل مطلبك ..
    تستاهل كل خير ياولد عطا
     
  9. ساحل الليل

    ساحل الليل موقوف

    التسجيل:
    ‏4 ابريل 2008
    المشاركات:
    258
    عدد الإعجابات:
    0
    يااخوان اللي يعرف يساعد الرجال بدون فلسفه
     
  10. Biz-Link

    Biz-Link عضو جديد

    التسجيل:
    ‏26 ابريل 2008
    المشاركات:
    146
    عدد الإعجابات:
    0
    - مبدئيا يكفي وجود ترخيص مكتب استيراد وتصدير - مع استخراج ترخيص استيراد مواد غذائية من البلدية .

    - الاهم في الموضوع الحصول على اي وكالة هو موافقة الشركة في الخارج على اعطاء الوكالة - لانه عادة الحصول على الوكالات صعب جدا ويكون لدى الشركات شروط صعبة وكلما كانت الوكالة معروفة كانت الشروط اصعب مثل وجود منافذ بيع وتوزيع - او شراء كميات كبيرة - امكانية تسويق معينة .
    وغيرها من الشروط والطلبات والتي تختلف من وكالة لاخرى .
    وهذا لايمنع انه يمكنك الحصول على الوكالة - اذا توفرت الشروط المطلوبة
    مع خبرة في المراسلات والتفاوض مع الشركة .
    وبعد الاتفاق والحصول على الوكالة سواء للكويت فقط او للكويت مع دول اخرى - يتم توقيع عقد الوكالة مع الشركة - وتسجيل الوكالة في وزارة التجارة لحماية حقوق الوكالة .



     
  11. ahmadxk8

    ahmadxk8 عضو جديد

    التسجيل:
    ‏27 يناير 2009
    المشاركات:
    770
    عدد الإعجابات:
    0
    مكان الإقامة:
    الكـ الروضه ـويت
    والله انا اتوقع انهم يجبرونك انك تاخذ كميه معينه كل اشهر مثلا وبعض الاحيان يطلبون انك تفتح اكثر من فرع

    طبعا هذا اذا وافقو يمكن مصنعهم مايتحمل انتاج كميات كبيره

    وبالتوفيق
     
  12. خالد خلف

    خالد خلف عضو جديد

    التسجيل:
    ‏27 مايو 2008
    المشاركات:
    6
    عدد الإعجابات:
    0
    الله يوفقك ...
     
  13. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    وانا قاعد احوس في المنتدى لقيت موضوعك و الجواب الاكيد عندي :)

    الخطوات :-
    يجب اصدار رخصة استيراد وتوزيع المواد الغذائيه ...
    ثم :-
    1- الذهاب شخصيا (يعني لازم تسافر عشان تاخذ وكالة ) الى الشركة المصنعه للعصير و التفاوض معاها على الوكالة للحصول على وكالة قانونيه من الشركه ..

    2- تصدق عقد الوكالة في الدولة التي بها الشركه , ثم تأخذ العقد الى السفارة الكويتيه في الدوله التي بها الشركه لتصديقه بالسفاره (او تاخذ العقد الى وزارة الخارجيه بالكويت للتصديق عليه )

    3- ترجم عقد الوكاله بالكويت من مكاتب معترف بها و تصديق العقد الاصلي والمترجم للغه العربيه في المحاكم الكويتيه

    4- تصديق عقد الوكالة بعد الحصول على التصديقات السابقه من وزارة التجاره و الصناعه (احتمال يطلبون موافقة البلديه على العصير او الصحه لانه مواد غذائيه .... )

    5- الحصول على شهادة من غرفة تجاره و صناعة الكويت (اتوقع شهادة المنشأ و تحديد العرف التجاري )

    6- ربما وللاحتياط قد يطلب صوره من ترخيص الشركه المنتجه للعصير ..

    7- موافقة ادارة التأمين في وزارة التجارة والصناعه على الوكالة ..


    ملاحظه :-

    لا بد ان يكون بلد المنشأ غير محظور من الجمارك ..........
     
  14. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    والصراحه ما انصحك بالوكاله مشاكلها وايد و نهايتك اخيييييه


    انصحك بالاستيراد بكميات على دفعات احسن لك ...
     
  15. shocked

    shocked عضو نشط

    التسجيل:
    ‏4 فبراير 2008
    المشاركات:
    822
    عدد الإعجابات:
    0
    مكان الإقامة:
    الكويت
    أخوي نفس نصيحة أخونا

    خلك من الوكالة ومد ريولك على قد لحافك ، استورد كميات بسيطة وصرفها،
    وإذا نافسك وياب نفس المنتج فالأرزاق بيد الرزاق
     
  16. Rap Soul

    Rap Soul عضو جديد

    التسجيل:
    ‏2 سبتمبر 2007
    المشاركات:
    966
    عدد الإعجابات:
    0
    الله يوفقك ويوفق جميع امة المسلمين اللهم آمين يارب العالمين
     
  17. الباحث بوفيصل

    الباحث بوفيصل عضو نشط

    التسجيل:
    ‏6 سبتمبر 2009
    المشاركات:
    231
    عدد الإعجابات:
    0
    اتمنى لك التوفيق بوفيصل
    بس اذا تبي تصير وكيل
    لازم تتفاوض مع مدير هالشركة ويمكن يوافق او ما يوفق وله حق يستفسر عنك بدولتك مثلا هل تملك وكالات معينه او غيره لكي يضمن انتاجه...
    وبالنسبة للقطع كل شي منهم مثلا ثلااجات للعصير وغيره ,,, ولازم يوجد عقد بينكم يعني اتفاقات ويمكن هالاتفاقات بند واحد او 50 بند واذا خالفة هالبنود لها اجرائتها حسب قوانين المبرم من العقد
    بأختصار شي جيد للمغامره يجب تكون الخبره موجوده والعلاقات مهمه جدا. موفق انشاءالله
     
  18. louzany

    louzany عضو جديد

    التسجيل:
    ‏28 أغسطس 2007
    المشاركات:
    521
    عدد الإعجابات:
    0
    اعطيك الخطوات بترتيب:
    1: لازم يكون عندك رخصة تجاره عامه ومقاولات.
    2: تفتحلك منها رخصة تصدير واستيراد.
    3: وبعدين تكلم الوكيل مال المنتج وتتفق معاه على العصير وهل مافي احد ماخذ وكالته بالكويت وهل شروط العصير او المكونات مكطابقه للشروط الاسلاميه.
    4: تحط شروط التزام يعني صاحب المنتج الرسمي تحطله شروط يمكن تاخذ منه وبعدين يكسر فيك وجذي تخسر كل شي. وبعدين لازم تروح البلديه الي بصليبخات علشان تفتح رقم كمبيوتر حق الشركه.
    5: تاخذ عينه وتوديها حق البلديه علشان يفحصونه ويقولولك اوكي تقدر تيبه ولا لأ.
    وبعدين تستوردها من بره

    هذا الخلاصه واذا كنت ناسي شي اعتذر منك
     
  19. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    اخوي انا حطيتله الخطوات التفصيليه بالضبط :d


    بس اخونا العازمي ما ردلنا الجميل ولا قدم لنا شكر
     
حالة الموضوع:
مغلق