قرض البنك

[linspire]

السلام عليكم . اخذت قرض من بنك في شهر فبراير 2004 وكان القسط 50% من الراتب وبعد فترة ارتفع القسط اكثر الى ان وصلت المشاكل الى القضايا ومجلس الامه.ورجع القسط مثل ماكان في السابق. قبل كم شهر اتصلوا على البنك وطلبوا مني اعادة جدولة القرض,, طبعا اول شي افكر فيه ان البنك ما يسوي شي لله. حاول الموظف اقناعي لان اساسا راتبي زاد ولكن انصدمت ان اقساط القرض الحالي تنتهي سنه 2033 .
ارجو الافادة الله يبارك فيكم اذا لي حق ولا اخليها على الله.

 

[fayoona74]

كم قسطك وكان على كم شهر والحين متى بدا قسطك اليديد بعد اعادة الجدولة وكم قيمة القسط بالشهر

 

[بومصعب]

اخوي حسب قرارت البنك المركزي الاقساط لاتزيد عن نصف المرتب والمدة لاتزيد عن 15سنة، ممكن اولا تقدم شكوى لدى البنك ( اطلب شهادة مديونية واذكر انك ستقدمها للبنك المركزي)فاذا لم يستجسبوا قدم شكوا لدى البنك المركزي، وللعلم ممكن ترفع قضية وان شاء الله تربحها

 

[linspire]

اشكركم على المرور. فيوونه القسط كان 300 دينار على 19 سنه وبعد فتره ارتفع وصار مو ثابت الى ان وصل 380 ولكن في الوقت الحالي رجع الى 299 وانا ما سويت اعادة جدولة.
بومصعب كلامك يطيب الخاطر والله. القسط مازاد عن نصف الراتب لكن السنين زادت في البداية 19 سنه من شهر فبراير 2004 والحين ينتهى القسط سنه 2033 يعني 29 سنه

 

[fayoona74]

حسبتي وتراني كسلانه بالرياضيات انه قرضك كان على 19 سنة يفترض تنتهي في 2022بقسط 300 دينار = 68400

وزاد اكثر معناه ان المبلغ الاجمالي هم زاد
وحاليا ينتهي في 2033 يعني زادت المدة 11 سنة خلنا نقول 299 مو 300 لان كان متذبذب بين الزول والصعود 300×24 سنة الباقي من المدة = 86400 + اللي سبق وانك دفعتهم خلنا نقول تقريبا 32400= 118800 بييييييييييييييييييييييييييه حتى ماعرف اقرا هالرقم
سالفتك يبيلها خبير حسابي اقول لاتنطر ولا دقيقة ومن الاسبوع الياي باشر اجراءات رفع قضية ضد البنك اشكره نصب

 

[linspire]

مشكوره فيوونه على الافادة. المشكله اني ما اعرف سوالف القضايا واللويه هذي لكن من كلامج امبين ان لي حق عندهم وانشالله يصير خير.

 

[fayoona74]

لاتسكت حرام انت مو مليونير وكل فلس انت احق فيه ارفع قضية واذا ماتعرف وكل محامي مع ان موقع خالد الزامل فيه كل الخطوات اللي تسويها وسبق وحطيناه بالقسم بمواضيع مشابهة بس اذا عزمت ترفعها قولنا شيصير معاك

 

[linspire]

انا دخلت على موقع خالد الزامل وشفت الخطوات المطلوبه وانشالله يصير خير , مشكوره فيوووونه على المرور والنصيحه

 

[fayoona74]

العفو اخوي وبالتوفيق بس قولنا شيصير معاك وانقل لنا الاحكام نقراها ونشاركك قضيتك ونستفيد

 

[مشعل العصيمي]

ودي ارفع قضيه عند المحامي نواف الفزيع على البنك بسبب الفوائد اللي زادوها يقولون مجانا بماذا تنصحوني

 

[fayoona74]

دام مجانا بعد مايبيلها نصيحة اكيد ارفع قضية اذا حاس انك وقعت ضحية للبنك بس عاد صج مجانا ولا وكالة يقولون

 

[مشعل العصيمي]

مدام مايبيله نصيحه بروحلهم هاليومين واخذ منهم الخبر الاكيد والنهائي يعطيكم العافيه على الرد وعساكم على القوه