فضل
عضو مميز
ياشايف نفسك على الناس وشفيك
ماتدري انك مثلنا شخص عـادي
من يرفعك يافلان بكـرا يوطيـك
لا لاتكبركـبـرك الـيـوم زادي
تزعل بدون اسباب وارجع اراضيك
وانا ادري انك بالخطا دوم بـادي
قلبي يحبك جعل ربـي يجازيـك
اصبحت له مثل الغريم المعـادي
عز الله اني كنت اصونك واداريك
وياللاسف ماجيت حسب اعتقادي
واليوم ابترك لك جفاك وتعاليـك
واذوقك طعـم الجفـا والعنـادي
مثل البحر طبعي عطا لكن اوصيك
لاتامنه لو صار في يـوم هـادي
امواج غيضي لو تمـرك تنسيـك
ايامك اللـي عشتهـا فـي ودادي
اشره علي ان كان في يوم اناديك
شلون اعاشر شخص خان المبادي
ان رحت ولا جيت قلبي مجافيـك
من باعني بعته برسـم المـزادي
الشاعره ( بحر )
