عاجل:التعليم العالي يلغي الاعتراف لـ37 جامعة-بمصر البحرين الاردن الهند الفلبين وغيرهم

شاب محترم

عضو نشط
التسجيل
3 مارس 2008
المشاركات
1,061
السلام عليكم ورحمة الله وبركاتة



الجمعة 29 مايو 2009

أوقفت وزيرة التربية والتعليم العالي نورية الصبيح التحاق الطلبة الكويتيين بالمراحل الجامعية والدراسات العليا والمعاهد في 37 جامعة بتسع دول، يأتي في مقدمها جامعات في ثلاث دول عربية هي مصر والبحرين والاردن، وأخرى في ثلاث دول أوروبية هي اوكرانيا وسلوفاكيا وبلغاريا، اضافة الى جامعات في ماليزيا والهند علاوة على كل جامعات الفلبين.


وأوضحت الصبيح في قرارها أن 'الطلبة الملتحقين بالجامعات المذكورة قبل تاريخ إصدار القرار لا ينطبق عليهم هذا الحظر، مع عدم السماح بالتحاق وتسجيل الطلبة الكويتيين في أي جامعة أو كلية يتم إنشاؤها بعد صدوره ما لم يتم اعتمادها من قبل وزارة التعليم العالي'


المصدر:-

جريدة الجريدة

http://www.aljarida.com/aljarida/Article.aspx?id=113564
 

شاب محترم

عضو نشط
التسجيل
3 مارس 2008
المشاركات
1,061
بالنسبة للطلاب الكويتيين الدارسين في مصر .. تخصصي طب الاسنان والطب البشري في الجامعات الخاصة


لتخصص طب الاسنان .. فقط جامعة مصر الدولية .. معترف فيها حاليا

لتخصص الطب البشري .. فقط جامعة مصر للعلوم والتكنولوجيا .. معترف فيها حاليا


الجامعات الحكومية كما هو الوضع .. لم يتغير
 

شاب محترم

عضو نشط
التسجيل
3 مارس 2008
المشاركات
1,061
البحرين
وعن الجامعات البحرينية، اشتمل القرار الوزاري على إيقاف التحاق وتسجيل الطلبة الكويتيين بالمراحل الجامعية والدراسات العليا في كل من الجامعة الأهلية، جامعة AMA، كلية البحرين الجامعية، إضافة الى جامعة العلوم التطبيقية وجامعة دلمون للعلوم والتكنولوجيا، والجامعة الخليجية.



الأردن
كما أوقفت الصبيح تسجيل والتحاق الطلبة بالدراسة بمختلف المراحل الجامعية والدراسات العليا في جميع التخصصات بكليتي الهندسة والعلوم الإدارية في كل من جامعة العلوم التطبيقية وجامعة فيلادلفيا في الأردن، إضافة الى جامعة جرش الأهلية في جميع التخصصات بكليات الهندسة والعلوم والإدارية والحقوق وكلية الشريعة.



الهند
وللطلبة الكويتيين الراغبين في الدراسة بالهند، قررت الصبيح الاستمرار في قرارها السابق بإيقاف التحاق وتسجيل الطلبة في جامعة بيريار Periyar University، وجاناردان راي ناغار Janardan Rai Nagar University، وإضافة عدد من الكليات الهندية في منطقة بنغالور على لائحة إغلاق باب التسجيل فيها، وهي كلية سري فينكاتيشوارا - درجة أولى Sri Venkateshwara first Grade College، كلية بي تي ام – درجة أولى B.T.M first grade college، وكلية بنغالورسيتي Bangalor City College Chelitere، وكذلك كلية نافيا لعلوم الإدارة Navya College of management Science ومعهد ناغير للهندسة والتكنولوجيا Nadgir Institute of Engineering & Technology.



المصدر:-

جريدة القبس

http://www.alqabas.com.kw/Article.aspx?id=504006&date=29052009
 

maax1

عضو نشط
التسجيل
5 مارس 2009
المشاركات
367
الإقامة
KUWAIT
مادة خامسه: على جميع الطلبه الملتحقين بالجامعات والكليات الهنديه الغير معتمده
الانتقال الى جامعه معتمده من قبل وزارة التعليم العالى



والى خلص سنه هناك الحل ياشباب نرجو الافاده
 

كويتيه @

عضو نشط
التسجيل
30 يناير 2009
المشاركات
874
الإقامة
الكويت الغاليه
لا راحمين ولا مخلين رحمة ربي تنزل
 

نبيها اخضر

عضو نشط
التسجيل
12 مايو 2009
المشاركات
40
الإقامة
الكويت
بسكم حسد خلو ا الناس تعيش ولى بس على المساكين وينكم اول ماتكلمتو عن هالجامعات ولى عقب ما استفادو الكبارية هم وعيالهم من هالجامعات وبعدين اقطعو ارزاق العالم بس ماقول الى حافظو على بوزكم الديرة فيها قانون ولى سجل بالجامعات وعندهم قبول انا اقولة توكل على اللة وكمل دراستك واللة يوفقق ترى مو بس انت وياك لايقل عن 7000 طالب وطالبة بهل جامعات وحقك تاخذة بالقانون قصب طيب وابشرك اكثر المحامين يتنطرون احد يشتكى على التعليم العالى لان عندهم الف ثغرة وثغرة
 

maax1

عضو نشط
التسجيل
5 مارس 2009
المشاركات
367
الإقامة
KUWAIT
وراهم وراهم لو يدرسون بجامعه بالقمر يلحقونهم بصاروخ
والله بلشه المشكله لو تبطل ملفات مسؤلين كثير
60% شهاداتهم من وحدة من هلجامعات سوا بكالريوس او ماستر او دكتوراه


(صدق الى قال من صادها عشا عياله) 0000
مافى مشكله راح يدورون ويلقون جامعات ثانيه بس هم وراهم وراهم بذكركم

اوكى خل يخلصون وعند الاعتماد سو لهم اختبار مستوى والى يجتازه خلاص بعد (طلابه) :)

الله معاكم ياشباب ارتاحو فى بيوتكم بس الى عنده مليون يروح بريطانيا او امريكا يكمل
والى ماعنده (عليه العوض ومنه العوض)
 

TAHOE

عضو مميز
التسجيل
7 يوليو 2008
المشاركات
4,260
احسن :) عيل ديره نص شعبها قبل اسمهم حرف د ,, وين صارت ,, واذا

ييت اتناقشه ما يعرف كوعه من بوعه ,, حتى في مجال تخصصه ما يعرف

وين الله قاطه ,, خلها على الله عمي ,, كله شهادات مزيفه وبرشاوي

وبفلوس ,, ما تشوف ديرتنا بجميع المجالات متأخره ,, من هالشكال اللي

ماخذين شهاداتهم ما ادري من وين وماسكين مناصب ,, بعضهم اعرفهم

وما ابالغ حتى الماوس ما يعرف يمسكه ,, زين يسوون فيهم التعليم العالي,, :mad:
 

^(ولد الكويت)^

عضو نشط
التسجيل
2 أكتوبر 2008
المشاركات
425
الإقامة
الكويت - العاصمة
المفروض من زمان

تعال شوف زوير و عيوير و منكسر مافيه خير

كلهم عندهم شهادات على الطل ,, ومايفهم شي وأسلوب مافي

والله زمن خذ وخل !!
 
التسجيل
14 يناير 2009
المشاركات
156
ماليزيا شكو ليش كثر الحسد بالديره والله ملينا كل يوم جامعه مو معترفين فيها ليش هالظلم والقرارات التعسفيه واللي ايقول احسن علشان محد يشتري الشهادات اقوله غلطان اللي يبي يشتري بكل مكان يقدر حتن بالكويت والواسطه فوق الكل بس في ناس تبي تدرس وتجتهد شلي يمنع كل انسان حر في تصرفاته محد يقدر يفرض رايه عليه بس اتمنا عدم التجريح اللي بيقول خير ولا يصمت
 

الـعـتـيـبـي

عضو نشط
التسجيل
7 يناير 2009
المشاركات
368
يا اخواني احد يجاوبني انا الحين في سنة ثانيه في مصر في اخد المعاهد الموقوفه شنو يصير على عقب القرار هذا
 

MilaNi

عضو نشط
التسجيل
13 أغسطس 2008
المشاركات
292
يالعتيبي كمل ماعليك شي
:) راحت نوريه وبيجي غيرها وياخذ فلوس ويبطل الاعتراف مره ثانيه ^&^
لاطبنا ولا غدا الشر ^&^
قريبا بفتتح جامعه بنيجيريا وخصم خاص للطلبه الكويتيين
 

المزين

موقوف
التسجيل
27 يناير 2009
المشاركات
158
لحين موضي الحمود وزيره التربيه و التعليم ،

اتوقع انها ما تلغي القرار ، و اتمنى انها ما تلغيه ،

كل من هب و دب صار دكتور و مهندس و طبيب هو حتى ما يفهم شي بمجاله ، و محد يذبح عيالنا بالمستشفيات و يوهقهم غير هالناس إلي مو فاهمه ماخذه الشهاده بفلوس او يروح سنتين يدرس و ما يروح إلا وقت الامتحان و يضبط الدكتور و ينجحه ،

و المظلوم المسكين إلي يكد و يدرس كل هالسنين على ما يصير مهندس يعني على ما يحصل شهاده الدكتوراه يقعد 10 سنين او 12 سنه، و بعض لناس يجي جنبه بارده مبرده و يصير مثله لا وبعد يمكن يصير فوقه ، و تلقاه يوصل منصب اكبر منه و مسكين هالكفاءه قاعد محد ملقيه ويهه بعد كل هالتعب ،

اتمنى انهم ما يلغون القرار ، و اتمنى منهم يحققون بالشهادات المشتريه من قبل بعض الناس ، و يشددون عليهم ، مثل ما سوو على كم شهاده من الفلبين ،


و إلي يبي يوصل خله يتعب عشان يحس بمعاناه الحصول على الشهاده العليا ، و يعلم عياله انهم يتعبون على ما ياخذون الشهاده ، عشان باجر لا يقعد الابو يقول حق عياله بس خلص الثانويه و روح بره ادرس سنتين و صير مهندس ولا طبيب و بعد يدرس سنتين و ياخذ مسمى دكتور ، و يجي الديره و تصير الديره سمهلله بسبة هالشغله ،

و هاذي مافيها حسد ، الموضوع هذا فيه مظلوميه لناس كثيره و كويتين و كفاءات للأسف ،
 

kazamezaa

عضو نشط
التسجيل
3 يناير 2008
المشاركات
1,074
الإقامة
kuwait
عدل كلامك يا المزين
 

maax1

عضو نشط
التسجيل
5 مارس 2009
المشاركات
367
الإقامة
KUWAIT
ذبحنا الحسد واكل قلوبنا عشان جذى احنا متأخرين مو من سالفه الجامعات
ولا الى يبى شهادة بكل ديره بلعالم يقدر يشتريها وفى جامعات سهاله حط فلوسك توصلك بالبريد
المشكله المرض الى بقلوبنا الحسد اهو الى مرجعنا للخلف مو بس بمجال الدراسه بكل شى
(ياجماعه دعو الخلق للخالق) كل واحد يتحمل ذنبه اذا اخذها بفلوس وبيوكل عياله حرام
بيجى اليوم الى بيدخل قبره وبيلقا كل خطاء جدامه وبيتحاسب عليه


وللعلم واحد من الربع بلهند بلغنى انه حول اوراقه من جامعته باريار ينيفيرسرى
الى جامعه اخرى معترف فيها لآن الاولى كنسلو الاعتراف فيها مع انه قبل لا يدرس
مرهم وقالو انها معترف فيها وروح ادرس عادى ؟

المشكله مستمره ياجماعه تركو العالم حسابها عند الله
صفو قلوبكم وكل من ذنبه على جنبه بس انتو (فجو) عن النحاسه ذبحتنا واخرتنا


مع احترامى للجميع ولكل من طرح رائيه بلموضوع
 

الدنيا فانية

عضو نشط
التسجيل
31 أغسطس 2008
المشاركات
43
^
^
اخوي شنو ذنبي لما يكون عندي مشكلة بضرسي العقل ولابد من خلعه .. واروح عند طبيب .. علشان اتعالج .. اكتشف بعد ما طلعت من عنده .. بنفس اليوم .. ان صارت عندي التهابات باللثة والام شديدة .. قعدت اسبوع اعاني .. لا قادر اكل ولا اتكلم .. والسبب .. انه حضرة الدكتور شايلي الضرس بطريقة غلط

منو يعوضني ؟ انت تعوضي على الالام الشديدة والتعب النفسي اللي صار لي ؟

رحت ادارة المستشفى الاميري واشتكيت على الدكتور هذا .. والى يومك هذا .. محد كلمني ولا احد عطاني اي رد .. اذكر ربك بس

الدكتور هذا من احدى الدول العربية .. اللي شراء الشهادات في بلده مثل شرب الماي




والله انصدمت لما قرات ردود البعض في هذا الموضوع


مع الاسف .. في ناس عندنا بالبلد .. والله العظيم انانية .. ما تهمها الا مصلحة نفسها

اما مصلحة البلد والاخرين طز .. المهم اني انا اشتري شهادي .. واترقى وخلاص .. حتى لو انا ثور وما افهم شي .. المهم الفلوس

صدق الله العظيم لما قال (وتحبون المال حبا جما)
 

المزين

موقوف
التسجيل
27 يناير 2009
المشاركات
158
^
^
اخوي شنو ذنبي لما يكون عندي مشكلة بضرسي العقل ولابد من خلعه .. واروح عند طبيب .. علشان اتعالج .. اكتشف بعد ما طلعت من عنده .. بنفس اليوم .. ان صارت عندي التهابات باللثة والام شديدة .. قعدت اسبوع اعاني .. لا قادر اكل ولا اتكلم .. والسبب .. انه حضرة الدكتور شايلي الضرس بطريقة غلط

منو يعوضني ؟ انت تعوضي على الالام الشديدة والتعب النفسي اللي صار لي ؟

رحت ادارة المستشفى الاميري واشتكيت على الدكتور هذا .. والى يومك هذا .. محد كلمني ولا احد عطاني اي رد .. اذكر ربك بس

الدكتور هذا من احدى الدول العربية .. اللي شراء الشهادات في بلده مثل شرب الماي




والله انصدمت لما قرات ردود البعض في هذا الموضوع


مع الاسف .. في ناس عندنا بالبلد .. والله العظيم انانية .. ما تهمها الا مصلحة نفسها

اما مصلحة البلد والاخرين طز .. المهم اني انا اشتري شهادي .. واترقى وخلاص .. حتى لو انا ثور وما افهم شي .. المهم الفلوس

صدق الله العظيم لما قال (وتحبون المال حبا جما)

أخوي والله ان هذه الامور تدخل البلد و المواطنين في نفق مظلم ،

الحين انا اتحداك اخوي اذا في مواطن كويتي يثق و يتطمن حق أي مستشفى حكومي ،

والله ثم والله ان الاغلبيه يخافون يودون عيالهم او انفسهم لي المستشفيات الحكوميه عشان لا يصير فيهم شي ولا بعيالهم ،

تلقا الكويتين اغلبيتهم مستشفيات خاصه بسبب البلاوي إلي تصير بالحكومه ، عيالنا يموتون بسبب اهمالاتهم ، بس عشان الاخ إلي ماخذ شهادته بفلوس او حتى يكون ماخذ شهادته و هو مو فاهم شي بمجاله ولا يعرف كوعه من بوعه عشان ياخذله جم فلس زياده مقابل حياة الناس و آلامهم ،


يا أخي والله المواطن الكويتي ما يحس بالامان بكل مجال بكل مكان ، بعد تزيدون علينا الطين بله و تخلونه كلش ما يحس بالامان الحمد لله على كل حال إلي عندنا احسن من غيرنا ،

فلا تلومون وزاره التربيه اذا اصدرت هالقرار ، تبي توصل ادرس و اتعب ، اما تبي توصل بدون تعب و تاخذلك جم فلس زياده على حسابنا احنا المواطنين فهذا ما يصير ،


يعني كل همك تبي تمص فلوس الديره و تقعد حاط ريل على ريل لا شغل ولا مشغله ، يعني دوامك حاط ريل على ريل و بدراسك هم حاط ريل على ريل و الشهاده جايبها بدون تعب ، ما يصير و تاخذ مكان غيرك !!


و يجون بعض الناس و يرددون الكلمه الشهيره و يقولون حسد !! يعني ليش يحسدونك انت و ما يحسدون إلي مثلك و تعب و درس و حصل على العليا ؟؟ فعلا شيء غريب ،


انا والله بس اقول حرام على الناس الكفاءات الكويتين إلي عندنا ينظلمون والله ،


لكن شنقول ما باليد حيله ،
 

maax1

عضو نشط
التسجيل
5 مارس 2009
المشاركات
367
الإقامة
KUWAIT
ياجماعه نقصد الثانويه والبكالريوس ما نقصد الماستر والدكتوراه هذى صعبه بصراحه والمفروض مافيها تهاون ارواح الناس مولعبه
بو بكالريوس شبيسوى يقدم على وظيفه يقعد سنه وبتالى مكانه معروف مو حساس ولا له علاقه برواح الناس يصير موظف عادى بوقتنا الحين
واذا تعبان فيها ومجتهد فلوسه حلال عليه واذا من تحت لى تحت فلوسه حرام وحسابه عند رب العالمين


وانا معاكم بخطوره الوضع
 

ameer

موقوف
التسجيل
23 أبريل 2003
المشاركات
334
الإقامة
الكويت
من زمان كثير من حملت الؤهلات لايحملون الا الاسم ولما اكتشف عامة الشعب اللعبة غير اصحاب
المصالح الاتجاة من امريكا لحقتوهم الى بقية دول العالم لان الشهادة هى الوظيفة والمركز والبعض
يريدها لنفسة بس وليس قصدة العلم والنخبة ستجد لنفسها المخرج واللاعيب ليحرم العامة من الامتيازات
 

الطـبـيـب

عضو نشط
التسجيل
16 مايو 2008
المشاركات
2,344
الإقامة
النعيم
د. موضي الحمود ستصلح الخطأ إن شاء الله
 
أعلى