تبي ربح 100%100 خلال 6 اشهر

[gulf]

السلام عليكم
عادل جزاك الله خير , إذا أمكن تنصحني ب 3 شركات أقل من درهم لهم مستقبل ولك الحلاوه ,,,, وشلون طريأقة شرائهم وأنا بالكويت ,,,
تحياتي

 

[عادل12]

وعليكم السلام حياك الله اخوي ابشر بالنصيحة اللي تسرك

السلام عليكم
عادل جزاك الله خير , إذا أمكن تنصحني ب 3 شركات أقل من درهم لهم مستقبل ولك الحلاوه ,,,, وشلون طريأقة شرائهم وأنا بالكويت ,,,
تحياتي

اولا الطريقة شلون تشتري وانت بالكويت فيه اكثر من شركة واظن كل البنوك عندهم بيع وشراء الاسهم اسواق الخليج وكلهم يقدمون الخدمات مجانية انا اشتري عن طريق بنك الكويت والشرق الاوسط فقط فاتح حساب ومحفظة تداول جميع الخدمات عندهم مجانية ادري فيه ناس راح تقولك بنك ربوي وغيره وانت ماراح تاخذ منهم قروض ولا لك شغل فيهم اشتر وبيع وفلوسك في محفظتك

 

[عادل12]

ومن الخدمات اللي عندهم الارباح تنزل بحسابك بدون ان تتعنا وتسافر واذا بعت فلوسك تنزل برصيدك بنفس اللحظة ما تنتظر ايام وشيك وتقدر تحول العملة الى بورصة اخرى بضغطة زر وتشتري وتبيع بأكثر من سوق وأكثر من بورصة بكذا عملة بنفس اليوم

 

[عادل12]

اما ثلاث شركات فأنا انصحك اولا بالشركات الاسلامية لانه يوجد شركات مربحة لاكن شغلها لا يخلوا من الحرام عندك في ابو ظبي شركة اغذية للمياه المعدنية سعرها اكثر من درهم لاكنها زينة وعندك في دبي دريك اند سكل شركة البحر التاجر الكويتي توها نازلة السوق قبل كم شهر قاعدين يجمعون عليها علشان يرفعونها ويبيعون بربح 50% هذا اللي عندي

 

[عادل12]

انصحك اذا شريت اي شركة وجاك فيها ربح 10% بيعها ولا تنطر خلك جذي لا تطمع اشتر وبيع لاتصير مثل نظام الشياب يشتري سهم وبعد سنه يجي يسأل عنه ارتفع ولا نزل ولو مظارب عليه طلع اضعاف اضعافه وترا الاسواق الحين كلها ماتطمن الاوضاع الحالية غير صحية اغلب التصاريح والافصاحات غير سليمة لكن الله يتر علينا

 

[عادل12]

الله يستر علينا

 

[عادل12]

الله يعافيك اخوي شطبت الرسالة اللي بالخاص ونسيت الاسم

 

[عادل12]

يا جماعه ترا الشركة عندها وديعه بالملايين راجع التقرير المالي للشركة

 

[قندهار]

فى شركه تفتحلك حساب فى سوق ابو ظبى وتشترى وتبيع على كيفك وتبع لك اسهم دانه غار
فى ابو ظبى وهذا تليفونهم\\\ 22419455

 

[عادل12]

انحاشوا عن هالشركات اللي يستغلون الناس
الحين كل البنوك موفره خدمت تداول والخدمات كلها مجانية علشان يكسبون زباين
فلوسك بحسابك وكل عندك لا دق تليفون ومااحد يرد عليك وانطر الشيك
وعمولات وهميه يأخذونها منك بحجة بريد او عمولة اصدار وغيره من الحركات اللي ينغش فيها
قليلي الخبره

 

[TABBAZ]

اخوي هذي الشركة في بورصة ابوظبي لما كتبت الموضوع كان سعرها نص درهم تقريبا والحين سعرها درهم تقريبا او اقل شوي يعني السعر اندبل مرة واحدة خلال شهر وان شاء الله راح تندبل بس على فترة زمنية طويلة شوي ممكن 3 اشهر او اكثر حسب الاوضاع المالية العالمية والاماراتية بالذات وسعر النفط كل ما كان فوق 40 دولار البورصات بخير وفيه سهمين احسن منها بس ما اذكر لاحد لاني مو متأكد منهم حيل بس لو عندي فلوس شاريهم شاريهم بئذن الله

السلام عليكم اخوي عادل وتقبل الله طاعتك
ولو ان السؤال متأخر بس حبيت اعرف شنو هالشركتين وشنو وضعهم الحين مع توقعاتك واكون لك من الشاكرين

 

[ياسر الروقي]

ترى بنك الراجحي عنده خدمة تداول الاسهم الخليجيه عن طريق النت
عادل اتوقع ان دانه غاز فيها خير ان شاء الله السهم ارباحه طيبه
وسوق دبي انهى تصحيحه والله اعلى واعلم
لكن مشكلة ايران هي الهاجس الاكبر على الاسواق

 

[مضارب ضايع]

جزاك الله خير وبارك فيك

 

[عادل12]

الله يعطيك العافية اخ ياسر بس لا تزعل مني كانت نظرتك قريبة وهذا يدل على قلة خبرتك شوف تصريحك بأي تاريخ وشوف الوضع اليوم انكشفت كثير من الاوراق ولا زال الوضع غير صحي ولا زال هناك تصاريح مكذوبة لكثير من الشركات بتحقيق ارباح وبعد ما ينشفونها يقطونها بكبد مجلس الادارة الجديد ... ومع ذلك من الخطورة الحين افضل وقت للمضارب المحترف فكل ازمة للسوق فهي مكسب للمضارب المحترف نسأل الله الرزق الحلال الطيب

 

[عادل12]

ان شاء الله 2010 سنة خير وتصحيح
والابتعاد عن المخاطر

 

[عادل12]

مستمرين وجايينكم بشي جديد ان شاء الله

 

[حبيب]

مستمرين وجايينكم بشي جديد ان شاء الله

شنو الشى الجديد

 

[السهم الفضي]

وينك ياعادل

السلام عليكم ورحمة الله وبركاته​

الله يعطيك العافيه اخوي عادل علي التوصيات الجيده علي راس الخيمه العقاريه

انا شريته لما وصل 50 وبعته لما وصل 80 هل تنصح بشراء مره ثانيه

علي هذا السعر حاليا وكم المده وماهي توصياتك اللي قلت عليها 2010

ومشكور علي مجهودك لخدمة اخوانك الاعضاء

 

[عادل12]

والله شوف السهم يتداول بأقل من سعره وخصوصا ان الشركة ربحانة اكثر من 100 مليون بس الي كسر سوقها انها كانت تأخذ منح حكومية وتم وقف صرف المنح لسبب مجهول والى الان يطالبون بأعادة صرفها ولا يضر الشركة اذا ما انصرف شي واخذها مرة ثانية بخمسين فلس وبيع بخمس وسبعين وما تندم بيكون ربحك 50% ان شاء الله اما وقت صعودها والله اعلم اذا اعلنت ارباح في الربعين الاوليين والصعود يقاس على حجم الارباح او اذا حلو مشاكل دبي العالمية راح ترجع رؤوس الاموال والناس الي خايفة

 

[عادل12]

الشي الجديد هو انت يا الحبيب

شنو الشى الجديد

حياك الله انا طبعي عدم الاستعجال واعطي الشي بالدقة ولا امشي على الاشاعات