مؤجر لم ممتنع عن دفع الأيجار

الموضوع في 'قسم الإستشارات القانونيه' بواسطة ابوعمر2, بتاريخ ‏1 يونيو 2009.

  1. ابوعمر2

    ابوعمر2 عضو جديد

    التسجيل:
    ‏25 ابريل 2009
    المشاركات:
    528
    عدد الإعجابات:
    0
    السلا م عليكم جزاكم الله خير ابى نصيحة بالنسبة عندى مؤجر له ثلاث شهور مدفع ايجار السبب قالى قبل ثلاث شهور انه يبى يطلع من الشقة وابى منك شهر ماأدفع ايجار قلتله حاضر الى تبى تستاهل بعدين ماطلع بعد شهر طلبت منه الأيجار قال أخر الشهر سحب على شهرين مادفع لما طالبته مرة ثانيه بالأيجار قال القانون يعطينى ثلاث شهور من غير ماأدفع وصارت بينى وبينه مشادة بالكلام وقلت له راح أشتكى عليك ومو هامة وللحين قاعد بالشقة وما طلع مادرى شنو الأجراء الى أسوى وياه وما أدرى اذا أشتكيت عليه يطلعونه من الشقة ولا لا وعلى فكرة كان يدفع ايجار قبل وماياخذ وصل يعنى ماعنده وصل ايجا ر من سنة تقريباّ طبعاّ انا ماراح أطالبة الى بحقى ثلاث شهور فقط الحق حق مهما صار بينا من أختلاف والحين ابى شوركم ومسا عدتكم
     
  2. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    حبيبي .. قضيتك سهلة

    روح المحكمة التابع لها عقارك

    ارفع دعوى اخلاء لعد سداد الاجرة ..
    طالبه بايجارات الثلاثة شهور ... هناك يقولولك الاجراءات المطلوبة

    بس من الحين اقولك الله يعينك .. تحتاج 3- 5 شهور في الاجراءات على ما تخليه بواسطة التنفيذ اذا ما طلع من كيفه




    وحياك الله ( من زمان ما دخل علينا زبون في القسم :) )
     
  3. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    ( من زمان ما دخل علينا زبون في القسم )

    الظاهر صار في وعي قانوني محد قام يسأل
    ماكو الا نجاوب اجابة بو نص يعني يجوز ولايجوز انت عاوز ايييييييييه :)
     
  4. ابوعمر2

    ابوعمر2 عضو جديد

    التسجيل:
    ‏25 ابريل 2009
    المشاركات:
    528
    عدد الإعجابات:
    0



    5شهور وايد و3شهور من قبل مادفع ايجار يعنى 8شهور بدون ايجار

    مادرى يدفعونه بالمحكمة قيمة الأيجارات السابقة ولى جدام
     
  5. MTC

    MTC عضو نشط

    التسجيل:
    ‏8 نوفمبر 2006
    المشاركات:
    762
    عدد الإعجابات:
    0
    مكان الإقامة:
    الكويت
    لا اخوي انشالله ما تطول ابدا !!
    اجراءات وتمشي بسرعة وماراح يقعد ابلاش ابدا كل شهر يقعدة يقرة و مافي شي اسمة بلاش
    وانت راح اطالبة بال3 الشهور ولا راح يقدر ينكرهم لانة اكيد ماعندة وصل منك
    وبالتالي القاضي راح يتأكد من انة في ظرر والدليل الرجل ماقاعد يدفع اجارة

    بيني وبينك عسي هالامور تقث خاصة اذا كنت مأجرة في بيتك شقة يعني طلعتة و طلعتك وحدة وهالامور بيني وبينك تظايق

    عمومااا موفق خير وماتشوف شر
     
  6. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    اي شهر مو دافعة المستأجر تقدر ترجع عليه فيه بدعوى اخلاء+ ايجارات متأخرة يعني القاضي يحكملك باذن الله باخلاء وايجارات متاخرة ومايستجد لحين تمام الاخلاء ومايبيلها شي سهلة جدا حتى توقيع محامي عليها ماتحتاج وضباط الدعاوى عندهم نموذج الصحيفة والمشكلة اللي ممكن تواجهها اذا مارضى ينفذ ويطلع هني ممكن تطول السالفة بس بالنهاية تخلي وتسترجع فلوسك وبعدها ارفع دعوى مستعجلة باثبات حالة بالتلفيات بالشقة تتحول لخبير يطلع ويعاين ويقدر قيمة التلفيات وبعدها ترفع عليه قضية تعويض وسلامتك
     
  7. ابوعمر2

    ابوعمر2 عضو جديد

    التسجيل:
    ‏25 ابريل 2009
    المشاركات:
    528
    عدد الإعجابات:
    0
    مشكورين على الرد وجزاكم الله خير
     
  8. qanon

    qanon عضو جديد

    التسجيل:
    ‏16 ابريل 2009
    المشاركات:
    512
    عدد الإعجابات:
    0
    بو عمر انا نصيحتى لك حاول معاه مرة ومرتين وثلاثة
     
  9. ابوعمر2

    ابوعمر2 عضو جديد

    التسجيل:
    ‏25 ابريل 2009
    المشاركات:
    528
    عدد الإعجابات:
    0

    جزاك الله خير ياخوى على النصيحة بس ابى منك الحين مونصيحة ابى فزعة ياجماعة رحت اليوم المحكمة نفس ماقلتولى ورفعت علية قضية وحد دو جلسة بعد أسبوعين تقريباّ مستعجلة المشكلة والمصيبة الأكبر اليوم الظهر دق على الحارس يقول ان المؤجر يايب عمال ولورى قاعد يحمل أغراض يبى يهرب ومايدفع ايجار قتلة سئلة عن الايجار قوله وين ايجارك شلون تتطلع ونت مادفعت 3شهور قال المؤجر للحارس ماعندى اذا تبى عندى ايجار حق شهر واحد بس .

    ياجماعة اشرايكم شسوى الحين انا رفعت عليه قضية والجلسة بعد اسبوعين والمؤجر قب وأنحاش وما يبى يدفع الى ايجار شهر واحد ويمكن مايدفع المساعدة ياجماعة شقول للقاضى الحين
     
  10. qanon

    qanon عضو جديد

    التسجيل:
    ‏16 ابريل 2009
    المشاركات:
    512
    عدد الإعجابات:
    0
    بو عمر حبيبى ما عليك امر من باجر الصبح اتابع اعلان صحيفة الدعوى قبل موعد الجلسة علشان تضمن ان تحجز للحكم من اول جلسة وهم تاخذ شهادة بعدم ايداع الاجرة

    والباجى الاساتذة يفيدونك فيه ان شاء الله تعالى

    وبالتوفيق يا الغالى
     
  11. ابوعمر2

    ابوعمر2 عضو جديد

    التسجيل:
    ‏25 ابريل 2009
    المشاركات:
    528
    عدد الإعجابات:
    0
    مشكور أخوى قانون على متابعتك لى تقصد اذا بلوغة بالقضية سألت الموظفة الى بلمحكمة وعطتنى رقم الى حق القضية قالت تقدر أتابع عن طريق موقع الوزارة وبالنسبة حق الأيداع هم جزاها الله خير فهمتنى تقولى قبل الجلسة بجم يوم تروح الصندوق وتأخذ منهم أورقه اذا مودافع يطلبها منك القاضى المشكلة مو هنيه الحين شسوى باجر اروح المحكمة أبلغهم أن المؤجر هرب ولا المخفر ما درى والله مشكلة
     
  12. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    بالعكس عادي خله يطلع واستمر بالقضية والعداد شغال عليه لين ينفذ الحكم اذا طلع بعد احسن الاخلاء يكون اسهل لما يصدر ضده الحكم بس دير بالك لاتستلم منه اي مفتاح ووص الحارس بعد واذا دق عليك قوله عندك شي قوله جدام القاضي وراح ينحكم لك اخلاء وايجارات حتى تمام الاخلاء بايداع المفتاح المحكمة وتحرير محضر باثبات حالة
     
  13. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    !!!!!!


    لا اخوي ... لا تشتري سمك في بحر (اقصد لا تنتظر ايجارات جديدة كلها ديون غير مضمونة) :)

    بالعكس ... مبروك لانه طلع

    الحين لما تحضر المحكمة قول حق القاضي .. انا باعدل طلباتي ...
    لان المستأجر اخلى العين في يوم(كذا) واطالبة فقط بالاجرة المتأخرة

    طبعا راح يحولها لك دائرة ايجارات جزئي ..
    ويصدر لك حكم بالاجرة ... وانت مرتاح ما تحاتي هاللي قاعد والعداد يمشي على قولة فيونة .............. وبالاخير عمرك ما تحصل شئ

    اخوي ...
    النصيحة بجمل ...

    انسى اي تلفيات ..
    رمم شقتك بكم دينار
    واجرها

    وتابع حكمك .. اللي اتوقع انك راح تتعب بالتنفيذ .. لان هالاشكال يتهربون من التنفيذ سنواااااااااات


    وتذكر هالكلام ......... وبعد ما تنفذ ادعيلي وقول " رحالي/ بو نواف قالي قبل سنتين هالكلام :) "

    موفق
     
  14. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    نصيحة اكررها لاتستلم المفتاح منه وخل العداد شغال عليه والحكم مضمون باذن الله توني من جم شهر منفذة على مستأجر بنفس طريقة الاخ طلع وماقال
    وطبعا مع احترامي لراي استاذنا الكبير رحالي اللي هم صحيح اذا كنت مقتنع تكتفي بالثلاث اشهر
     
  15. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    سؤال ؟؟

    وليكن الايجار 300 د.ك مثلا ...
    واخونا راح المحكمة ومشت قضيتا .. ومشى العداد على قولتج ..
    خلص قضيته والاخلاء .. الخ ومجموع الايجارات 9 شهور (3 القديمو و6 الجديدة) ..
    وبدأ مشوار تنفيذ الحكم الطووووووووووويل ....
    ويمكن يقدر يحصل منه .. ويمكن يطلع معسر ... ويمكن .. ويمكن


    الاحتمال الاخر ...
    الان المستأجر طلع ..
    خلال اسبوع يضبط الشقة ... ويأجرها ب 300 د.ك (ما نبقي نقول اكثر)
    ويبدأ من بعد اسبوع بقبض الاجرة


    ايهما افضل واجدى واضمن ؟؟؟؟


    اكيد المسألة مو بالعناد والتحدي وكسر راس مع المستأجر .. الاهم مصلحتي ...


    تفضلي يا استاذه ممكن نسمع الاجابة ؟؟

    :)
     
  16. ابوعمر2

    ابوعمر2 عضو جديد

    التسجيل:
    ‏25 ابريل 2009
    المشاركات:
    528
    عدد الإعجابات:
    0
    مشكورين ياأخوانى على تفاعلكم مع موضوعى المشكلة ان المؤجر يقول حق الحارس عندى بس ايجار شهر واحد واذا تبيه عطنى وصولات حق الثلاث شهور ولا ماعطيك المفتاح طبعاّ انا مادقيت علية بشوف اشرايكم اشلون أتصرف وقاعد أفكر ممكن مايسلمنى الشقة الحين أذا ما خذيت منه ايجار شهر وماعطيته وصل واذا راح ودفع بالمحكمة وأنا ماأدرى وقالهم أنه أخلى الشقة شنو وضعى وشلون أتصرف بارك الله فيكم
     
  17. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    ما يقدر يقولهم انه سلم المفتاح

    لازم يسلم رسمي بالمحكمة ... وهذا من حسن حظك اذا سلم في المحكمة لانك راح تستلم شقتك رسمي وتطالب بالثلاثة شهور

    واذا ما سدد اكمل السير في قضيتك ... والله يعينك
     
  18. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    عزيزي استاذي الكبير اللي اعزه وايد وايد رحالي احترم وجهة نظرك بس اللي مايقدر ينفذ شهر مايقدر ينفذ سنة يعني نفس الشي بس ليش اليأس انشالله يقدر ينفذ
    انا لو منه ماستلم المفتاح واخلي العداد شغال عليه انشالله ينفذ بعد سنة عادي انطر جني ميمعه فلوس مرده بينفذ وترا السالفة ماتاخذ بالمحكمة وايد
    ويبقى الخيار لابو عمر انه يكتفي بال3 اشهر ويصير قنوع وياجر شقته خاصة اذا عليه التزامات ولا يخلي العداد شغال على المستاجر عشان يطيح بشر اعماله ووراه وراه لين ينفذ غصبا عليه لان هالنوعية ماتيي الا بالعين الحمرا
     
  19. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    انا اقول بعد لو بعمر يسوي استخارة بعد هم زين :)
     
  20. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    فيونة قانونية ... ماشي

    .................................. بس
    تاجرة .. اسمحيلي بقوة :)

    بس ممكن تجاوبين على سؤالي بالمشاركة السابقة .. عشان نستفيد ؟؟
    ;)