مؤجر لم ممتنع عن دفع الأيجار

ابوعمر2

عضو نشط
التسجيل
25 أبريل 2009
المشاركات
528
صبحكم الله بالخير مشكورين على الردود وبصراحة ياأختى فيونة
أنا ما ودى المشكلة تكبر والتوسع ابى أخذ حقى منه 3شهور و يفارجنى يمعودة الحمدالله انه طلع من نفسه وبينى وبينج فكرت فى حال المؤجر ريال كويتى وابو عيال وما ودى أستغل الظروف عليه ويتبهذل صج انه غلطان وانا أعذره لجهله وممكن الناس الى حواليه يقصون عليه سوى جذيه وسوى جذيه وهم قاعدين ببيوتهم وهو الى تورط هاذى مشكلت الدواووين عموماّ أشرايكم اروح اليوم المحكمه أشوف ممكن دفع بالمحكمه
 

fayoona74

مستشار قانوني
التسجيل
31 يناير 2009
المشاركات
2,071
الإقامة
الكويت
اللي تشوفه مناسب يابو عمر سوه الرأيين صحيحين ويبقى الخيار لك وماظن اللي اسلوبه جذي بيكون دافع بالمحكمة لا وبعد يساوم الحارس صج ناس ماتستحي انا اقول لاتعطل نفسك وارفع قضية عليه بالاتجاه اللي تشوفه انسب لك اساسا باول جلسة القاضي يطلب منك كتاب من التنفيذ انه الريال بعدم مااودع شي
ورحالي اي مشاركة سابقة تبيني اجاوب عليها كله جاوبته مابقى شي بعد
 

rahaly

مستشار قانوني
التسجيل
13 أبريل 2005
المشاركات
7,455
الإقامة
الكويت
اللي تشوفه مناسب يابو عمر سوه الرأيين صحيحين ويبقى الخيار لك وماظن اللي اسلوبه جذي بيكون دافع بالمحكمة لا وبعد يساوم الحارس صج ناس ماتستحي انا اقول لاتعطل نفسك وارفع قضية عليه بالاتجاه اللي تشوفه انسب لك اساسا باول جلسة القاضي يطلب منك كتاب من التنفيذ انه الريال بعدم مااودع شي
ورحالي اي مشاركة سابقة تبيني اجاوب عليها كله جاوبته مابقى شي بعد

اشوة ان الريال قال بنفسه ما يبي مشاكل وطوالة (عشان تعرفين ان الناس تحب تخلص قضاياها بالهون وبالسرعة وبدون مشاكل ومخافر ونيابات ;) )

والسؤال اللي ما جاوبتيه ...
وودي تجاوبينه لان هذي المشاركات تعتبر مراجع للغير ..

تفضلي

سؤال ؟؟

وليكن الايجار 300 د.ك مثلا ...
واخونا راح المحكمة ومشت قضيتا .. ومشى العداد على قولتج ..
خلص قضيته والاخلاء .. الخ ومجموع الايجارات 9 شهور (3 القديمو و6 الجديدة) ..
وبدأ مشوار تنفيذ الحكم الطووووووووووويل ....
ويمكن يقدر يحصل منه .. ويمكن يطلع معسر ... ويمكن .. ويمكن


الاحتمال الاخر ...
الان المستأجر طلع ..
خلال اسبوع يضبط الشقة ... ويأجرها ب 300 د.ك (ما نبقي نقول اكثر)
ويبدأ من بعد اسبوع بقبض الاجرة


ايهما افضل واجدى واضمن ؟؟؟؟


اكيد المسألة مو بالعناد والتحدي وكسر راس مع المستأجر .. الاهم مصلحتي ...


تفضلي يا استاذه ممكن نسمع الاجابة ؟؟

:)
 

qanon

عضو نشط
التسجيل
16 أبريل 2009
المشاركات
512
ها بو عمر شنو صار عليك علمنا :)))
 

kwaity1978

عضو نشط
التسجيل
8 يناير 2008
المشاركات
1,109
سؤال ؟؟

وليكن الايجار 300 د.ك مثلا ...
واخونا راح المحكمة ومشت قضيتا .. ومشى العداد على قولتج ..
خلص قضيته والاخلاء .. الخ ومجموع الايجارات 9 شهور (3 القديمو و6 الجديدة) ..
وبدأ مشوار تنفيذ الحكم الطووووووووووويل ....
ويمكن يقدر يحصل منه .. ويمكن يطلع معسر ... ويمكن .. ويمكن


الاحتمال الاخر ...
الان المستأجر طلع ..
خلال اسبوع يضبط الشقة ... ويأجرها ب 300 د.ك (ما نبقي نقول اكثر)
ويبدأ من بعد اسبوع بقبض الاجرة


ايهما افضل واجدى واضمن ؟؟؟؟


اكيد المسألة مو بالعناد والتحدي وكسر راس مع المستأجر .. الاهم مصلحتي ...


تفضلي يا استاذه ممكن نسمع الاجابة ؟؟

:)


انا اقول رايك صح خلها على الله اجر الشقه الحين على واحد ثاني واسترزق الله مدام طلع بالطيب
 

ابوعمر2

عضو نشط
التسجيل
25 أبريل 2009
المشاركات
528
ها بو عمر شنو صار عليك علمنا :)))


السلام عليكم جميعاّ ومساكم الله بالخير أشكرك اخوى قانون على سؤالك عنى الله يطول عمرك رحت اليوم المحكمة وسألت بقسم الصندوق أستعلمو بالكمبيوتر عن أسم المؤجر أذا دافع أيجارات ولا مسلم المفتاح طلع مو دافع شئ ولا مسلم المفتاح وعطونى أورقة أنه مودافع وقالو راح يطلب منك القاضى هاذى الورقة المشكله الحين المؤجر مقفل الشقة ومو هامة الموضوع مطنش مادرى شنو نيته ويمكن قاط المفتاح بزباله وأنا مادرى أشرايكم شسوى وياه أنطر جم يوم ولا أروح أبلغ عليه ساعدونى جزاكم الله خير
 

qanon

عضو نشط
التسجيل
16 أبريل 2009
المشاركات
512
بو عمر يا الغالى الحين انت بينك وبينه المحكمة

وباجر من الصبح اتروح قسم الاعلان وتتأكد ان الصحيفة تم اعلانها للمؤجر

علشان اول جلسة ما تتأجل ويضيع عليك الوقت ابلاش

هذى المهمة الاولى ومن تعلن الصحيفة علمنا ونتابعك خطوة ابخطوة

وتحياتى لك حبيبى
 

ابوعمر2

عضو نشط
التسجيل
25 أبريل 2009
المشاركات
528
اروح ماعندى مشكلة بس المؤجر أساساّ طلع من الشقة وانا مسجل عنوانه عليها يعنى راح يطلع المندوب وما يلقى احد
 

rahaly

مستشار قانوني
التسجيل
13 أبريل 2005
المشاركات
7,455
الإقامة
الكويت
اروح ماعندى مشكلة بس المؤجر أساساّ طلع من الشقة وانا مسجل عنوانه عليها يعنى راح يطلع المندوب وما يلقى احد

بو عمر ...
مع احترامي للاخوان ما يقصرون ..

بس ترا لكل شيخ طريقته .. وكلها صح
بس الطرق ما يصير تجتمع مع بعضها ...

خذ طريقة وحده وتابع فيها بدل لا تتشتت

وهم اعطيك فكرة نهائية

روح المخفر ...
قولهم ابي اسوي اثبات حالة ..
شنو ؟؟
قول المستأجر سلم الحارس الشقة وما عطانا المفتاح وتعالوا شوفوا ان الشقة خاليةة وسجلولي بدفتر الاحوال ( طبعا فيونة مستحيل تعرف هالطريقة .. هم عطيناها طريقة تستفيد منها :) )

( ترا ساعات يقلسون ويطلعون اعذار شوفلك عسكري معرفة يسويها بدقيقة)
اذا سوولك اثبات حالة .. مبروك .. تقدر تتصرف بالشقة عادي ...


وتستمر في قضيتك ان حبيت للمطالبة بالثلاثة اشهر بهدوء وراحة (( وما في عداد شغال .. ما بعض الناس :) ))
وكل يوم ادخل المنتدى وانت تشرب فيمتو باااااارد وأسأل وببطنك بطيخة صيفى ... مو مشلوط والعداد شغال ;)


موفق
 

qanon

عضو نشط
التسجيل
16 أبريل 2009
المشاركات
512
بو عمر شوف باجر من الصبح اتروح قسم الاعلان واتغير عنوان المؤجر واتخليه على محل عمله

علشان يتم الاعلان عرفت
 

ابوعمر2

عضو نشط
التسجيل
25 أبريل 2009
المشاركات
528
ايه بس ياخوى رحالى صحيح ان المؤجر أخلا الشقة وأهيه فاضيه الحين مافيها أغراضه لكن أهوه مقفل الباب بالمفتاح مادرى المخفر يقدرون يكسرون الباب اخاف اهوه متعمد عشان يرفع على قضيه وعلى فكرة توه دق على الحارس يقول ان المؤجر دق عليه يقوله خل أمعزبك يدق على تلفون قاله الحارس دق عليه انت قال انا مضيع رقمه قاله الحارس بسيطه خذ رقمه ودق عليه وتوه الحين قبل خمس دقائق دزلى رساله كاتب اذا فيه مجال دق على طبعاّ انا مدقيت عليه الى أستشيركم يالله ياجماعة اشرايكم يخوفى أنه داش علينا فى المنتدى وعارف شنسوى الله يستر
 

ابوعمر2

عضو نشط
التسجيل
25 أبريل 2009
المشاركات
528
على فكرة أخوى قانون اهوه يشتغل بالداخلية عسكرى بس مادرى وين
 

rahaly

مستشار قانوني
التسجيل
13 أبريل 2005
المشاركات
7,455
الإقامة
الكويت
ايه بس ياخوى رحالى صحيح ان المؤجر أخلا الشقة وأهيه فاضيه الحين مافيها أغراضه لكن أهوه مقفل الباب بالمفتاح مادرى المخفر يقدرون يكسرون الباب اخاف اهوه متعمد عشان يرفع على قضيه وعلى فكرة توه دق على الحارس يقول ان المؤجر دق عليه يقوله خل أمعزبك يدق على تلفون قاله الحارس دق عليه انت قال انا مضيع رقمه قاله الحارس بسيطه خذ رقمه ودق عليه وتوه الحين قبل خمس دقائق دزلى رساله كاتب اذا فيه مجال دق على طبعاّ انا مدقيت عليه الى أستشيركم يالله ياجماعة اشرايكم يخوفى أنه داش علينا فى المنتدى وعارف شنسوى الله يستر

:) :)

شدعوة قاعد يقرأ بالمنتدى !!!


بو عمر ... اتصل على الريال

ونصيحتي ... خلص معاه حتى لو تتسامح عن جزء من المبلغ

وخلص نفسك وارتاح
 

ابوعمر2

عضو نشط
التسجيل
25 أبريل 2009
المشاركات
528
أبشركم ياجماعة توى دق على سبحان الله رحالى جنك تقرئى أفكارى قال أنا طلعت من الشقة وشنو تبى منى الحين قلتله ابى اجارى 3شهور قال لا انا طلعت من الشقة وانا وانا المهم يبى يكبر الموضوع قلت يبه خلاص انزلك شهر قال وغيره قلت بس خلاص قال خير ان شاء الله انا بروح اعطى الحارس المفتاح قلت خير بس ماياب طارى وبعطيه الأيجار حق شهرين اشرايكم ياجماعة الخير عموماّ يبين بعد شوى رحالى مشورتك بارك الله فيك هم انتو ياربع
 

rahaly

مستشار قانوني
التسجيل
13 أبريل 2005
المشاركات
7,455
الإقامة
الكويت
ما في الا الخير ..
اهم شئ تستلم المفتاح .. وتساهل .. ترا وراك تأجير والله يعوضك



...................... بس هم ناطر فيونة تجاوب على سؤالي :)
 

ابوعمر2

عضو نشط
التسجيل
25 أبريل 2009
المشاركات
528
الله يجزاك خير ياخوى رحالى زين اذا دفع اشلون ألغى القضية
 

fayoona74

مستشار قانوني
التسجيل
31 يناير 2009
المشاركات
2,071
الإقامة
الكويت
انا لو منك بو عمر ماسامحة ولا بفلس احمر دام هذا اسلوبه وهم لومنك ارفع عليه قضية باسرع وقت ممكن اجراءات سهلة ومايبيلها شي خليه يتأدب عشان مايعيدها مع احد ثاني قوله ادفع 3 اشهر ولا ارفع عليك قضية واذا رافعها فعلا وتبي تلغيها عادي لاتحضر الجلسة وتنشطب


رحالي صاير طيب الخيار الثاني بسؤالك زين للي مايحب عوار الراس وأليف بطبعه بالنسبة لي انا افضل شخصيا الخيار الأول وفعلا لما صارت لي نفس مشكلة بو عمر بالضبط اخترت اليار الأول ومو ندمانه تدري ليش لانه هالريال راح يتأدب مع غيري ومايعيدها يعني كسب مادي ومعنوي فيها اجر
 

qanon

عضو نشط
التسجيل
16 أبريل 2009
المشاركات
512
بو عمر دام المؤجر داش علينا بالمنتدى


معليك منه


انا معاك افا عليك


واخذ اللى تقدر عليه منه


والقضية لا تحضر الجلشة تشطب تلقائيا


ومبروك على ايجار الشهرين مقدما


ونبيك بالمنتدى كل يوم مع قضية يديدة :)
 

ابوعمر2

عضو نشط
التسجيل
25 أبريل 2009
المشاركات
528
مشكور والله يجزاك خير ياخوى قانون قول مبروك على ايجار شهر 1 فقط يامعود دق على جارنا لا وجار قديم يعنى ابوه رفيج ابوى الله رحمه وامه رفيجت امى أخوانه ربع أخوانى يتوسط له مادرى هل المؤجر مو سهل ذبحنى المهم يترجانى عشان اطيح كل الأيجارات صرت انا اترجاه خله يعطينى شهر واحد تصدق لما نشف ريجى وانا رايح المسجد اصلى المغرب اخر شئ لما اصريت على انه يدفع شهر واحدتدرى شسوى الواسطة سكر التلفون وماقالى مع السلامه وانا مطيحله شهر عشانه وترى ايجارة موبسيط بعد يعنى طلعت بشهر 1 فقط
 

qanon

عضو نشط
التسجيل
16 أبريل 2009
المشاركات
512
يالله الله كريم يا بو عمر

ودام عطاك ايجار شهر نب انشوفك بالبورصة عيل


ويا بو عمر نصيحة منى لك اى مؤجر لا تنطر عليه اكثر من شهرين

يعنى من الشهر الاول اشتغل عليه زين
 
أعلى