التأمين الشامل للسيارات *****

[mm7]

السلام عليكم
ارجو من الاخوه افادتي عن التأمين الشامل للسيارات من حيث:
1- أفضل شركه
2- افضل معامله
3- أفضل عرض
4- أفضل الاسعار
وتقبلوا مني فائق الاحترام والتقدير

 

[بوعبدالله 11]

اخوي عندك شركه عنايه مسوين عرض تامين ذهبي شامل 4.7 بالميه من قيمة السياره بالسوق مثال : اذا قيمه السياره 10000 تدفع تامين 470 دك وهم عندهم الدفع بالاقساط بشرط السياره موديل 2004 وفوق
واذا كان حسابك علي بنك الخليج بس ود الدفتر وهم يضبطون امورك وهم بالاقساط عن طريقهم
وسلامتك والله يكفيك شر الحوادث

 

[mm7]

اخوي عندك شركه عنايه مسوين عرض تامين ذهبي شامل 4.7 بالميه من قيمة السياره بالسوق مثال : اذا قيمه السياره 10000 تدفع تامين 470 دك وهم عندهم الدفع بالاقساط بشرط السياره موديل 2004 وفوق
واذا كان حسابك علي بنك الخليج بس ود الدفتر وهم يضبطون امورك وهم بالاقساط عن طريقهم
وسلامتك والله يكفيك شر الحوادث

تسلم اخوي عبدالله 11 والشر مايجيك ان شاءالله

بس تعرف احد مأمن عندهم شامل يعني شغلهم عدل ولا على البركه
لان اكثر الشركات تعطيك كلام حلو بس توقع العقد تبدي تقول لا هذا مو من ضمن الشروط وانت تدري
تحياتي

 

[بوعبدالله 11]

اي نعم واحد من ربعي مامن عندهم
وثاني شي في عقد مبينه في كل الشروط الائتمانيه وطريقة التصليح وتشمل طبعا كل قطع السياره بدون استثناء
وتقدر تروح وتستفسر منهم
وعندك الخليج للتأمين لاباس فيهم بس غالي تامينهم وسلامتك يالغالي

 

[UNIX]

أفضل شركات التأمين بالكويت تقاس بقوة سيولتها...

الشركات هي:

1- الخليج للتأمين "تقليدية"
2- الأولى للتأمين التكافلي "شرعية"
3- المثنى للتأمين التكافلي التابعة لبيت التمويل الكويتي.

أبتعد كل البعد عن الوطنية و الخليجية للتأمين التكافلي و كذلك الهندية و الضمان اللبنانية.

 

[LITERATURE]

الخليج للتامين احسن وحده

 

[mm7]

اخواني وش رايكم بالغانم للتامين
انا اتصلت على كذا شركة الاهليه والوطنيه والكويت وغيرها اكثرهم تامينهم ضد مجهول من50 الى 75 في الميه وسياره بديله لمدة 15 يوم فقط
أما الغانم تأمينهم ضد مجهول 100% وسياره بديله بدون تحديد وقت يعني لما تخلص سيارتك وقطع الحادث تبديل بدون تصليح وش رايكم أأمن عندهم وخلاص
وتحياتي للي عطوني من وقتهم وأفادوني جزاكم الله خير الجزاء

 

[z-75]

اخوي دير بالك دير بالك دير بالك تأمن عند (عناية للتأمين) اللي تابعه للغانم
والله والله والله وثم والله حراميه ونصابين
دير بالك ياالغالي
اول شي تأمينهم غالي ياخذون 225 دينار بالسنه
ثاني شي على كل حادث وتدش سيارتك كراجهم تدفع 25 دينار عليك الحق او معاك مالهم شغل
ثالث شي سياره بديله في حالة توفرها واذا ماعندهم يقولك ماعندنا عادي دبر نفسك
ورابع شي مايبدلون القطع اللي ممكن تتعدل يعني مثال لو عندك ستوب شويه مشعور اول مكسور من الزاويه مايبدلونه وعاادي يقولك مافي شي شغال
وخامس شي صبغهم بو طقه ومعجون بو طقه يتفصخ بعد شهر بس من الشمس
وسادس شي السياره اللي تحتاج 3 ايام تصليح ينقعونه عندهم اسبوع ويقولك عندنا زحمه
وسابع شي يوم يسلمونك السياره ماتوقع انك استلمتها بحاله جيده او غير جيده راح يقولك ادفع اللي عليك وخذ المفتاح والسياره موجوه بالمواقف وانت وشطارتك تدورها
وثامن شي ماتقدر تشتكي عليهم واصلين حدهم لأنهم تابعين للغانم
وتاسع شي 80% الجام الامامي مشعور او مكسور بالطرف من العده مالتهم او ماتدري من شنو وصارت مرتين وياي ويردونلك السياره الكشنات راده لوره مادري نايم فيها احد والمسجل مطول على الاخر الظاهر كان يسمعون اغاني بالكراج
واخوي وكل اللي ذكر اعلاه صار وياي ويه هم سيارة اخوي وهو الموظفين داخل الغانم يوم تشتر منهم سياره نفسهم ماينصحونك امانة"
وهذا من واقع تجربه مريره والتوبه اني اتعامل بعد معاهم
وعاشر شي

 

[MilaNi]

اخوي دير بالك دير بالك دير بالك تأمن عند (عناية للتأمين) اللي تابعه للغانم
والله والله والله وثم والله حراميه ونصابين
دير بالك ياالغالي
اول شي تأمينهم غالي ياخذون 225 دينار بالسنه
ثاني شي على كل حادث وتدش سيارتك كراجهم تدفع 25 دينار عليك الحق او معاك مالهم شغل
ثالث شي سياره بديله في حالة توفرها واذا ماعندهم يقولك ماعندنا عادي دبر نفسك
ورابع شي مايبدلون القطع اللي ممكن تتعدل يعني مثال لو عندك ستوب شويه مشعور اول مكسور من الزاويه مايبدلونه وعاادي يقولك مافي شي شغال
وخامس شي صبغهم بو طقه ومعجون بو طقه يتفصخ بعد شهر بس من الشمس
وسادس شي السياره اللي تحتاج 3 ايام تصليح ينقعونه عندهم اسبوع ويقولك عندنا زحمه
وسابع شي يوم يسلمونك السياره ماتوقع انك استلمتها بحاله جيده او غير جيده راح يقولك ادفع اللي عليك وخذ المفتاح والسياره موجوه بالمواقف وانت وشطارتك تدورها
وثامن شي ماتقدر تشتكي عليهم واصلين حدهم لأنهم تابعين للغانم
وتاسع شي 80% الجام الامامي مشعور او مكسور بالطرف من العده مالتهم او ماتدري من شنو وصارت مرتين وياي ويردونلك السياره الكشنات راده لوره مادري نايم فيها احد والمسجل مطول على الاخر الظاهر كان يسمعون اغاني بالكراج
واخوي وكل اللي ذكر اعلاه صار وياي ويه هم سيارة اخوي وهو الموظفين داخل الغانم يوم تشتر منهم سياره نفسهم ماينصحونك امانة"
وهذا من واقع تجربه مريره والتوبه اني اتعامل بعد معاهم
وعاشر شي

ماكملت عاشر شي




الله يعينك للأمانه ماعاد في شركات نوثق فيها بهالوقت لاتوجد مصداقيه والتلاعب في المراجعين صار امر طبيعي وفن يتفننون فيه ,, لاحول ولا قوة الا بالله .. يبيلهم رجال ينفشهم << صارت معاي وعفست مكتبهم فوق تحت بس بدون ذكر اسم الشركه بس جنه بدايتها الاتحاد للتأمين
بالتوفيق للجميع وعسى الله يبعد عنكم الحوادث

 

[العشير1]

اذا بغيت تأمن شامل يحطون الشمس بيد والقمر باليد الثانيه
اشرط عليهم واذكر شرطك كتابة على العقد
وأكد على موضوع السياره البديله ( مجانا ) لازم تشوف العباره مكتوبه بالعقد
وابحث عن مصلحتك تراك دافع فلوس
ومايهمك البنك ترى المهم عند البنك الفوائد اللي راح يأخذونها منك
للعلم مافيه مصداقيه عند شركات التأمين ولا أمانه
احرص
احرص
احرص

 

[Camaro]

ابعد عن البحرينيه دبسوني فيها الغانم تدبيسه موطبيعيه ودفعوني تصليح مع انه ماقالي البايع اني ادفع شي والسياره البديله اي حاجه وفوق كل هذا السياره البديله لها عدد معين من الكيلو ميترات واذا زد فوقها يحسب عليك فلوس انحش انحش انا من ناحيتي حرمت التامين الشامل

 

[z-75]

اخوي تذكرت عاشرا والاقوى واللي يبط الجبد
قعدت السياره تتصلح بالكراج شهر كامل لأنه دعمتها شويه جايده
وانا معتمد انه خلاص راح يخلون السياره البديله وياي لمدة شهر ولكن الحبيب بمكتب التامين
يدق علي ويقولي صار على السياره البديله عندك اسبوع تحب تمدد وتدفع ايجاره اليومي ولا تردها لنا قلتلى ليش طال عمرك السياره البديله من غير فلوس قال لا عيوني لمدة اسبوع فقط مو اكثر
قلتلى مو مذكور هالشي بالعقد قال اي نعم مو مذكور وهم مومذكور المدة وهذا شي يرجعلنا لو نخليها عندك بالكثير 3 ايام ولا يومين ولااسبوع هذا الشي راجعلنا
وطير عندهم ورد عليهم السياره وباقي الشهر كسدرتها على سيارات الربع
واقول حق الكراج تكفه استعيل بالسياره ولا يطردني بره الكراج ويقولي احنا مانعرفك وتعاملنا مع شركة التامين مو معاك واذا عندك اي شكوي راجع شركة التامين واحنا مالنا شغل
واطير شركة التامين ويقولون احنا مالنا شغل تفاهم مع الكراج
واطير الكراج وامسك بصاحب الكراج وعناد معاي نقع السياره ومارضا يشتغل فيها وكل ماحاشيه يتيمعون علي العمال بالكراج على اساس يخرعوني وافلام هنديه
والسياره قعدت بالكراج شهر و10 ايام زياده عناد بالعامل اللي مسؤول بالكراج وقوم لوط وماادراك بقوم لوط الله ياخذهم
والشركه اهيه شركة التامين التكافلي اللي مكانهم بالمرقاب الدور الرابع او السابع المقابل للمتحف العلمي
والله شاهد على مااقول
ومو خايف من احد وخلي الشركه تحاسبني بالتشهير فيها ولكن الحق ينقال
واللي ذكر بالرد الاولاني شركة عنايه
واخوي وخر عن شركات التامين كلهم نصابين والبتصليحات الصغيره مايقصرون وياك
ولكن بالحوادث القويه حدث ولاحرج ياكلون مال النبي ويلفون ويدورون

 

[mm7]

الله أكبر
كل هذا مو باقي الا يقولون اذلف ما لك عندنا سياره

اخوي اتوقع لكل سبب مسبب ويمكن انت داش عليهم بعنف وعشان جذي قاموا يعاندونك بالحكمه والعقل تاخذ اللي تبيه وما اعتقد ان بالوقت الحالي في شركة ودهها تخسر عميل خصوصا الازمه الماليه ويخافون من الجرايد لا تكتب فيهم مقاله اقل شي تطير عليهم مئات العملاء
تحياتي وحنا عندنا قانون ولله الحمد نزيه وعدنا اعضاء وعندنا وعندنا يعني حقك تاخذه تاخذه حتى لو بالواسطه
ومشكور على المشاركه