ولدي طقه جني

[متداول غشيم]

بسم الله الرحمن الرحيم
انا عيالي قاعدين يلعبون واحد يطق الثاني بكسات اثنين على واحد بعدين طلعلهم جني من الطوفه كبرهم ولابس دشداشه مثلهم قعد يطق مع الاثنين يشوت بريله حيل وطق الولد طراق صوته وصل اخر الدنيا قالهم ولدي شفيكم اطقوني حيل قالو له ما طقيناك حيل قال لا طقتونى حيل وشتوني وايد وبسرعه
بالصدفة كان ولد عمهم يصور
قالوا خل انشوف التصوير علشان نعرف منو اللي كان يطق ولا هل الياهل الي طلع من الطوفه وقاعد يطق معاهم ويشوت بريله ينو اليهال وانا بعد ينيت لمن شفت التصوير
هذي السالفه صارت قبل اسبوع مع اذان المغرب وانا عندى التصوير واللي بحب يشوفه مستعد اوريه وانا خايف بصارحه علي الولد
شنو تقترحون علي اوديه لمطوع يقرأ عليه ولا عادى أذا مابين عليه شئ
وجزاكم الله خير​

 

[ياسر الروقي]

اعرض التصوير على الشيخ بدر الفيلجاوى يصلي بمنطقة اممم لكني نسيت اسم القطعه
مع تحفظي على سالفة التصوير انت متأكد ولا خاف مسويلك عيالك مونتاج ومسوين دقه فيك
ترى الصغار يعرفون يسوون شغلات بالهواتف النقاله ما يسوونها فنيين

 

[متداول غشيم]

اعرض التصوير على الشيخ بدر الفيلجاوى يصلي بمنطقة اممم لكني نسيت اسم القطعه
مع تحفظي على سالفة التصوير انت متأكد ولا خاف مسويلك عيالك مونتاج ومسوين دقه فيك
ترى الصغار يعرفون يسوون شغلات بالهواتف النقاله ما يسوونها فنيين

لا والله التصوير حقيقي
وعيالنا صغار مايعرفون سوالف المونتاج
والتصوير واضح
واذا تعرف رقم او عنوان الشيخ بدر الفيلجاوي طرشه لي الله يجزاك خير​

 

[ابو ريتاج]

نبى نشوفه اشلون ---- ياليت ترفعه

 

[ياسر الروقي]

والله ما اعرف رقمه لكن روح لمسجد جمعية بيان الرئيسيه القديمه
صل العصر او المغرب تلقى شيخ اسمه حاى الحاي اعرض عليه السالفه وان ما لقيت الشيخ اسئل المصلين عن الشيخ بدر الفيلجاوى ..... ولا انتظر مني رساله باجر بأذن الله لان الموقت متأخر الحين اجيب لك رقم مشايخ لها معرفه بهل الامور الله يكفينا شرها ويحفظ ابنائنا وابنائك وابناء المسلمين

ولاعليك ترى الامر هين جدآ مجرد دعابه من جني

 

[ابو عبير]

اخوى كثر من الايات بالصوت بالبيت وخل شيخ دين يقرا ماى مقرى بالبيت

 

[ابو عبير]

والله يحفظ عيالك يارب

 

[مليونير بعد سنه]

التصوير الله يرحم والديك

ويكافينا وياكم شر الجان

 

[بو شيوخة]

أكيد هناك مواقف كثيرة يتعرض لها الأطفال من قبل الجن ونحن لا نعلم بها ,
واظن إن الجن لا يؤذي الطفل - ما دام الطفل لا يؤذيه - وفي بعض الأحيان قد ينتقم الجن من الوالدين بأذى الأولاد إذا تعرض له الوالدين بالأذى .
المهم
حبيبنا رسول الله صلى الله عليه وآله وسلم كان يرقي الحسن والحسين رضي الله عنهما - كان يقول
(( أعيذكما بكلمات الّله التامة من كل شيطان و هامة ،ومن كل عين لامة ))

لا تشيل هم دام الولد الحين صحته ونفسيته زينه -
وعسى الله يحفظهم لك
واذكر نفسي واذكر الاخوان بأذكار الصباح والمساء
أذكار دخول المنزل والخروج منه
والأهم من ذلك قراءة القرآن الكريم

 

[متداول غشيم]

التصوير الله يرحم والديك

ويكافينا وياكم شر الجان

تسلم ياالغالي
اسمحولي ياجماعه ترا في بعض الناس تستغل التصوير في طريقه سيئه ساعه وحده والقي تصوير العيال في العالم كله
واذا تحبون تشوفونه نتواعد على يوم في مكان وانا مستعد اوريكم التصوير لان صورة عيالي واضحه بالتصوير وانا مااقدر انزله او اطرشه لاحد
السموحة​

 

[يوسفاني]

أرحمو عقولنا

 

[zoya_y]

هاو
حتى لو كان يني شلون يطلع بالفيديو ؟!!!

 

[BuFawaz]

بالله اعيالك يتهاوشون بكسات يصورهم ولد عمهم اشحقه، انا اقول مثل الاخ الى قالك هذى دقه مسوينها فيك... عادى

 

[al.jamly91]

اخوى فى واحد من الشباب كان فى جنى فى بيتهم وكان هم صغير ويلعب مع العيال بس كان ماذى الهنديه ويطقها بس ما يسوى شى للعيال وما يشوفونه بس يشوفه واحد من العيال
والحين يقولون راح ما يبين والله انا سامع القصه وترى مو بعيده يصيربس انت شغل القران بالبيت
وخاصتا سورة البقره
الله يحفظ الجميع

 

[LITERATURE]

فيديو بليز

 

[away1979]

ممكن الفيديو ​

 

[متداول غشيم]

تسلم ياالغالي
اسمحولي ياجماعه ترا في بعض الناس تستغل التصوير في طريقه سيئه ساعه وحده والقي تصوير العيال في العالم كله
واذا تحبون تشوفونه نتواعد على يوم في مكان وانا مستعد اوريكم التصوير لان صورة عيالي واضحه بالتصوير وانا مااقدر انزله او اطرشه لاحد
السموحة​

انا عرضت الفيديو على شيخ وقاللي لا تعرضه ولا تطالعونه وايد
وقال بعد انه يعتقد ان اليني من صغار الجن وشاف العيال يلعبون وحب انه يلعب معاهم وقرا على الولد الحمدلله
والموضوع مايحتاج كل اللي الضجه اللي صارت
انا بغيت آخذ رايكم لا اكثر ولا اقل
واللي قاعد اتكلم عليهم عيالي ومحد يتمنى لعياله الشر ​

 

[acton]

الله يحفظ اولادك من كل شر
اخوي لي نصيحه لك اتمنى اذا وريت الفيديو ولو انا ماافضل توري احد واذا وريت احد ماياخذ كوبي مهما يكون هالشخص على فكره من باب الخبره اخذ الشريط ولفه بضرف واكتب على الظرف ايه الكرسي وحطه تحت مخدتك لمده 3 ايام وقبل لاتنام اقرأ ايه الكرسي 3 مرات وعند قرايه ولايووده حفضهما اقراها 3 مرات وان شاءالله محفوظ ولدك محفوظ وماعليه شر

بِسْمِ اللّهِ الرَّحْمنِ الرَّحِيمِ

‏﴿ اللّهُ لاَ إِلَهَ إِلاَّ هُوَ الْحَيُّ الْقَيُّومُ لاَتَأْخُذُهُ سِنَةٌ وَلاَ نَوْمٌ لَّهُ مَا فِي السَّمَاوَاتِ وَمَا ‏فِي الأَرْضِ مَن ذَا الَّذِي يَشْفَعُ عِنْدَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ ‏يُحِيطُونَ بِشَيْءٍ مِّنْ عِلْمِهِ إِلاَّبِمَا شَاء وَسِعَ كُرْسِيُّهُ السَّمَاوَاتِ وَالأَرْضَ وَلاَ يَؤُودُهُ‏ حِفْظُهُمَا وَهُوَ الْعَلِيُّ الْعَظِيمُ ​

 

[Rap Soul]

الحمدلله ان الشيخ قرأ على الطفل والحمدلله ان الطفل بخير
وياخوي ماله داعي تتواعد مع احد ولا توري احد الفيديو
الموضوع مو فرجه ..

واسئل الله ان يحفظك ويحفظنا ويحفظ جميع امة المسلمين

 

[ابو ريتاج]

اخوى الله يحفظ لك عيالك --- بس نصيحه لا تشهر بولدك عند الناس---- دام انه طيب فلله الحمد --- ولاتقول حق احد انى اوديه حق لمطوع ترا موزينه -- الناس بتخلى ولدك انه مريض بنظرهم وولدك راح يتأثر من هالكلام---- نصيحه فقط والله يحفظ عيال المسلمين