@@ خاااااص لطلبـــــــة الفلــــبـيــــن @@

الموضوع في 'إستراحة المنتدى' بواسطة MilaNi, بتاريخ ‏6 يونيو 2009.

حالة الموضوع:
مغلق
  1. MilaNi

    MilaNi عضو جديد

    التسجيل:
    ‏13 أغسطس 2008
    المشاركات:
    292
    عدد الإعجابات:
    0
    السلام عليكم ورحمة الله وبركاته ​

    اخواني اخواتي اعضاء المنتدى الطلبه الدارسين في الفلبين ,,

    بعد كثرة الأقاويل حول إلغاء الأعتراف بالجامعات الفلبينيه لمصالح معينه وخلافات تدور بين المتنفذين

    قررت مجموعه من الطلبه تأسيس اتحاد لطلبه الدارسين في الفلبين

    والحمدلله تم تأسيس اتحاد الطلبه ,,

    فعلى كل الطلبه الدارسين بالفلبين

    إرسال اسماؤهم وارقام هواتفهم على الأيميل q8er_@hotmail.com

    والرجاء من الأخوان ارسال ارقامهم واسماؤهم فقط ,

    (( الموضوع لايحتاج ردود ,, لذلك اتأسف عن عدم الإلتفات للردود وخصوصا ان بعضها يكون ليس له قيمه والبعض الآخر نحترمه :)

    الاتحاد لتقويه الموقف الطلابي ولمصلحتكم ويعلم الله ان ليست لي اي مصلحه والله ولي التوفيق

    :)
     
  2. كويتيه @

    كويتيه @ عضو نشط

    التسجيل:
    ‏30 يناير 2009
    المشاركات:
    874
    عدد الإعجابات:
    0
    مكان الإقامة:
    الكويت الغاليه
    موفقييييييييييين
     
  3. انطلق2

    انطلق2 عضو جديد

    التسجيل:
    ‏20 يناير 2007
    المشاركات:
    1,629
    عدد الإعجابات:
    1
    مسكينه ياكويت :(

    فوق شينكم قوات عينكم...نخرتوا البلد علشان مصلحتكم الذاتية...الطبيب إلي يلعب بصحة عيالنا و المهندس إلي ما يعرف إسم تخصصه بالإنجليزي و غيره وغيره.

    والله والله..واحد من الربع رايح يدرس بالفلبين(أنا منتقده) قدم إمتحانات لنفسه و عن أثنين من ربعه بس كتب أساميهم على ثلاث ورقات إجابة و نسخ الحل النموذجي و رجع ما طول إسبوع واحد.
    و هو نفسه يسولف بأنه شاف أثنين معاه يقدمون إختبار بنفس الطريقه و شافهم إمبرشمين على إيدينهم.... تدرون شنو كاتبين براشيم على إيدهم؟؟ إمبرشمين أساميهم بالإنجليزي لأنهم مو حافظين السبيلنج نفس جواز السفر...باجر ييون مهندسين و يمسكون مناصب قيادية بسبب عيال عمهم أعضاء بالمجلس و على روس العالم بجمعية المهندسين و يقودون إعتصامات لرفع مكافئاتهم المالية (يعتصمون لأنهم ما يعرفون يشتغلون و همهم الأول هو المادة و ليس العطاء للبلد).

    أنتم لستو سوى كالسوس ينخر بأسنان ,لستوا سوى خلايا فاسدة تفتك بجسد الوطن.
    و لن تتغير نظرت المجتمع لكم مهما فعلتم...شهاداتكم مزورة و معاشاتكم محرمة و حسبي الله هو نعم الوكيل.

    أنا لا ألومكم بالدرجة الأولى بل أنتم درجة ثانية و أقل بكل شي حتى الإتهام بالمسؤلية...أنا ألوم القياديين بوزارة التعليم العالي الذين سمحوا بالاعتراف لشهادات تلك الزرايب في الفليبين دون أدنى مسؤلية سوى مصالحهم الشخصية بالتكسب من خلال العمولات من تلك الجامعات.

    أنا أتحدث من منطلق حبي للكويت و خوفي على مستقبل البلد من بعض أبنائها المفسدين في شتى المجالات و أتحدى أي شخص ينكر تلك الحقائق المره التي ذكرت في الأعلى... الله يعينك يالكويت.
     
  4. الدنيا فانية

    الدنيا فانية عضو جديد

    التسجيل:
    ‏31 أغسطس 2008
    المشاركات:
    43
    عدد الإعجابات:
    0
    ^
    ^
    اخوي .. راح يطلعون لك ربع الفلبين .. وراح يقولون لك .. انت حسود !! :p

    مع الاسف .. البلد كل ما له وفي انحدار بجميع المجالات ..


    لكن صدقني اخوي .. باذن الله تعالى .. راح يطلع جيل واعد قيادي وفاهم ..

    افضل بكثير من الجيل الحالي اللي ماسك البلد ..

    اللي كثير منهم عاث الفساد في البلد .. وخلاها من تراجع الى تراجع


    الناس الان ولله الحمد واعية .. وتعرف الصح من الغلط

    والامل ان شاء الله في شباب المستقبل .. انا فعلا متفائل

    لاني والله قابلت الكثير من العقول والمواهب الموجودة في البلد .. لكن محد يدري عنهم

    والتغيير قادم باذن الله تعالى
     
  5. MilaNi

    MilaNi عضو جديد

    التسجيل:
    ‏13 أغسطس 2008
    المشاركات:
    292
    عدد الإعجابات:
    0
    اشكر اخواني اللي ردو :)

    وحبيت اقولكم شغله انا عن نفسي ما ادرس بالفلبين
    (( ولكن ))

    انتو تعرفون اذا اختلفو اثنين بالتعليم ينضر المواطن وتعرفون منو اقصد صح !!

    ليش الناس خسرت فلوسها وراحت واخرتها يصكرون الجامعه انا طالب في احد الدول العربيه بشكل منظم ولله الحمد ولكن حطيت الموضوع للإفاده والله ولي التوفيق

    (( يعني انا بسوي خير )) ليش قلبتو الموضوع !

    عشان جذي ماحب الردود اللي تكون من غير فهم
    ارجو عدم التسرع في الرد والاستفزاز للناس انا قادر على الرد ولكن الصمت في بعض المواقف افضل :) حياكم الله
     
  6. البواردي

    البواردي عضو جديد

    التسجيل:
    ‏28 فبراير 2005
    المشاركات:
    1,686
    عدد الإعجابات:
    0
    مكان الإقامة:
    المخ التجاري
    اصلاً اللي ياخذ شهاده بالالتفاف والغش والبخاشيش شلون يرضى على نفسه ان يوكل عياله مال حرام من وراء هالشهاده
    وبعدين يا جماعه اهل الكويت ما يعرفون شي اسمه رشوه ولا يعرفون اللف والدوران
    اللي يبي يدرس يشد حيله ويعيد الثانوي ويقدم على الجامعه في الكويت ولا بدوله محترمه

    تصدقون انعرضت علي اكثر من مره لكن كل ما افكر في بيتي اقول الله الغني عنها ان شاء الله راح اعيد 4 ثانوي واجيب معدل واقدم على جامعة الكويت ولا جامعه زينه برا الكويت واخذ الشهاده بذراعي مو بلفلوسي واوكل بنتي واهل بيتي الاكل الحلال الطيب

    واحد من الربع سجل بالفلبين قبل سنه والحين اهو برابعه جامعه هالصيفي يخلص ويصير مهندس ويرجع الكويت وياخذ مكان مهندس خريج الكويت ولا امريكا وياخذ كل مستحاقته التي لا يستحقها ويزيد معاشه دبلين تقريباً ويوكل اهله مال حرام
    ولكن يد الله فوق ايديهم
    الحمد لله ان الحكومه وقفت هالشهادات ووقفت هالمهزله الي قاعده تصير


    الله لا يوفق اي واحد يغش بلده وخاصتاً الكويت
     
  7. شيل و مشي

    شيل و مشي عضو جديد

    التسجيل:
    ‏11 يناير 2008
    المشاركات:
    379
    عدد الإعجابات:
    0
    اخوي عندك دليل ان الدراسة بالفلبين حرام ولا تفتي من راسك ؟
     
  8. MilaNi

    MilaNi عضو جديد

    التسجيل:
    ‏13 أغسطس 2008
    المشاركات:
    292
    عدد الإعجابات:
    0
    شكرا لفضيلة الشيخ >> لأي فتوى راسلوه بالخاص
     
  9. MilaNi

    MilaNi عضو جديد

    التسجيل:
    ‏13 أغسطس 2008
    المشاركات:
    292
    عدد الإعجابات:
    0
    ياشباب انا مو طالب بالفلبين بس حطيت الموضوع للإفاده
    والأخ البواردي شاب علي مادري شفيه :)
    شكرا لفضيلة الشيخ البواردي
     
  10. الدنيا فانية

    الدنيا فانية عضو جديد

    التسجيل:
    ‏31 أغسطس 2008
    المشاركات:
    43
    عدد الإعجابات:
    0
    اخوي ميلاني .. اخونا البواردي ما قال شي غلط .. بالعكس كلامه صحيح

    صدقني اخوي كل الكويت تدري ان الشهايد هذي مشبوه جدا وعليها الف علامة استفهام

    واكبر دليل ان التعليم العالي لغوا الاعتراف بهذي الجامعات ..

    اخوي الجامعات هذي ما فتحوا الاعتراف فيها .. الا بسبب الواسطة والمحسوبية وتنفيع الاقارب .. وهذي هي مصيبتنا في البلد منذ عقود

    لهذا السبب تشوف التخبط اللي حاصل .. مسؤول كبير (لا نريد ذكر اسمها) تفتح الاعتراف بهذي الجامعات بسبب الوسايط والمحسوبية والاقارب .. ولكن في نفس الوقت مسؤول اخر كبير رافض للمهزلة هذي .. لهذا السبب تشوف التخبط والصراع اللي حاصل .. مرة معترفين .. مرة لاغين الاعتراف في هذي الجامعات المشبوه


    اما بالنسبة لجامعات الفلبين واللي على منوالهم

    في الحديث الصحيح .. النبي عليه الصلاة والسلام قال: (لعن الله الراشي والمرتشي)

    وقال عليه الصلاة والسلام: (من غشنا فليس منا)


    وعلى العموم .. دام انك سألت عن الفتوى .. تفضل اخوي .. هذي الفتوى عن جواز الدراسة في الفلبين .. صادرة من مركز الفتوى لموقع اسلام ويب الشهير

    http://www.islamweb.net/ver2/Fatwa/PrintFatwa.php?lang=A&Id=119434


    واتمنى يا اخوي ان طلبك للفتوى كان بناءا على رغبتك الصادقة في اتباع الحق .. ليس لمجرد الجدل

    تحياتي لك وللجميع
     
  11. MilaNi

    MilaNi عضو جديد

    التسجيل:
    ‏13 أغسطس 2008
    المشاركات:
    292
    عدد الإعجابات:
    0
    عسى الله يوفق الجميع
    الدراس بالفلبين ولا غيره انا مافيني حقد على احد واتمنى الخير للجميع وهذا خبر وحطيته في المنتدى لإيصال الرساله فقط :)
     
حالة الموضوع:
مغلق