الأنتقال من سهم إلى سهم ..؟

الموضوع في 'السوق الكويتي للأوراق الماليه' بواسطة الخلف, بتاريخ ‏1 سبتمبر 2004.

  1. الخلف

    الخلف عضو جديد

    التسجيل:
    ‏5 أغسطس 2004
    المشاركات:
    32
    عدد الإعجابات:
    12
    مكان الإقامة:
    الكويت
    يا جماعة الخير نصيحة أخويه إذا أنت غاص بسهم وباط جبدك أنتقل إلى سهم أخر مقارب إلى سعرة وبنفس الكمية ،
    حصل معي ليس صدفة ولكن بتوفيق من الله (( بين المشاريع والصناعات المتحدة )) حيث قلت مع نفسي أن الصناعات
    نازله من 380 والمشاريع من 270 على هذا الأساس تولكت على الله وأنا أعرف أن مو شرط ، حيث أني شاري المشاريع
    ب260 وبعته ب 204 وأنا نادم وأستبدلته بالصناعات المتحدة ب 198 وبنفس الكمية وبنفس اليوم وبعته اليوم ب 242 وأنا نادم ولكن
    الحمد لله ربحان فيه فحاولت أسترجعه بأقل من 240 فلم أقدر فحولت على الأسماك ب222 بأخر 10 دقايق من تسكيره
    السوق بأعتقادي وظني أنها سوف ترتفع مع الصناعات المتحدة وأحاول أنشالله أسترجع الصناعات بعد التوفيق أنشالله مع
    الأسماك وهذي مجرد نصيحة من القلب .
    (( يا تصيب يا تخيب ))
    والله يوفق الجميــــــــــــع
     
  2. المهذب جداً

    المهذب جداً عضو مميز

    التسجيل:
    ‏28 مارس 2004
    المشاركات:
    3,017
    عدد الإعجابات:
    48
    مكان الإقامة:
    مانشستر يونايتد
    .

    يرحم والديك ياشيخ؛ خليك على نفس سهمك و فك عمرك!

    .
     
  3. شراره

    شراره موقوف

    التسجيل:
    ‏10 مارس 2004
    المشاركات:
    354
    عدد الإعجابات:
    0
    مكان الإقامة:
    مراقب
    كلامك صحيح 100% يا الخلف ويامااااااااا صارت معاي وبدلت السهم اللي غاص فيه بسهم مقارب لسعره أو أقل من سعره على أن تكون فرصه السهم المراد الانتقال عليه أكبر في الصعود

    فا أنا صارت معاي في المشاريع نفسك كنت شاري بسعر 265 وبعت المشاريع عند سعر 208 ودشيت على الفجيره بعد ماتفصخ وشريته بسعر 170 فلس وبعت الفجيره بسعر 280 فلس

    فا كلامك يا أخوي الخلف صحيح ولاتنامون على السهم وتقولون السهم اللي خسرني أهووووو اللي لازم يربحني

    ومن رأيي يتم فتح موضوع طلب أستشاره من المتخصصين لكل شخص غاص بسهم وينوي تبديله بسهم أخر أوفر حظ من سابقه
     
  4. ابو وليييييييد

    ابو وليييييييد عضو جديد

    التسجيل:
    ‏11 مارس 2004
    المشاركات:
    17
    عدد الإعجابات:
    0
    :) 'طريقه حلوه والله صارت معاي انا بعد كنت شاري الانابيب بسعر دينار واميه وتعلقة فيه وبعد كم شهر بعته 840 وشريت السفن 435والحمد لله عوضت بعض الخساره
     
  5. الخسران

    الخسران عضو جديد

    التسجيل:
    ‏4 يونيو 2004
    المشاركات:
    13
    عدد الإعجابات:
    0
    مو دايم صحيح

    أنا صارت معاي بالعكس لاكن
    أنا شاري أصول ب275 فلس وبعد أنتظار أكثر من عام وطول أنتظار وأحباطات و قهر بعته 196 وبعد يومين ارتفع .
    شريت بداله تمويل خليج 375 فلس وبعد انتظار شهرين ونص وقبل اسبوعين بعته 360 وشوفو وين صار 390
    شريت الأنماء قبل 8 أيام يوم الجمعيه العموميه 265 و الحين أقفل يوم الأربعاء 250

    والله ما صدق ان في ناس ترتفع معاهم الأسهم 30 و40 فلس أنا والله العظيم أبي أشتري سهم يرتفع بس 20 فلس هذي أمنيتي الوحيده
     
  6. خالدة

    خالدة عضو جديد

    التسجيل:
    ‏13 يونيو 2004
    المشاركات:
    57
    عدد الإعجابات:
    0
    مكان الإقامة:
    الكويت
    الاخ الخسران الله يوفقك انشاء الله
    بس مو دائما الخير في الشركات الرخيصة
    احيانا الشركات الغالية تربح اكثر
    وراح نشوف مثال على ذلك الرابطة الان سعرها ممتاز 970
    جيزان 1240
    وحتى السفن 485 مو معقولة تنزل بس لازم ترتفع

    ادرس سعر السهم دائما لا تهب مع الهابين معاهم معاهم

    وانت الان بالمنتدى اقرا للناس الثقة وتابعهم
    والله يوفق الجميع