لدي طلب 93 بماذا تنصحوني

[تاجر]

اخواني انا ساكن في محافظة الاحمدي ولدي طلب 93 ومتردد كثيرا في تخصيص في مدينة سعد العبدالله الحكوميه بسبب البعد فهل بعد التخصيص احصل على بدل مع دفع الفرق....ولكم مني جزيل الشكر

 

[ابــوخــالــد]

على فكره

طلب + تخصيص = واحد

لما تاخذ كرت القرعه معناها لك بيت بالمنطقة الفلانيه

عندك تخصيص او طلب نفس الشي لو تقعد 20 سنه عادي

 

[عذبي 71]

لو انا محلك ما اشاور احد
واتوكل على الله
يا خوي الدنيا تلهي وباجر بتشوف نفسك في بيتك لما تستقر
واعويلك وياك
ويوم الزوارة ازهم على بيت اهلك الله يخليهم
واشدعوة ياخوي سعد العبدالله بالرياض وانت بالخبر
التعب عالسيارة وحالك من حال غيرك
لا تطوف دورك وباجر ان حصلك بدل كان بها
وان ماحصلك مالك الا بيتك وان شاء الله منزل مبارك

 

[اناصاحي لهم]

لاتتوهق؟ولا تحتار انطر شوي وبيوزعون منطقة صباح الاحمد وخذ فيها احسلك من سعد العبدالله وذلك لعدة اسباب
1-قريبه من منطقتكم الاحمدي
2-مساحتها 600م2
3-قسيمه تصممها على كيفك احسلك من بيت الحكومه الي يجيب المرض
4- لاتصير مثل الي صام صام وافطر على بصله
................................................................
نصيحه لوجه الله لاتوهق وتاخذ في سعد العبدالله وذلك لعدة اسباب منها
1- بيت حكومه يجيب المرض مثل ماذكرنا
2- بعيد عن منطقتكم
3- منطقة سعد العبدالله تابعه محافضة الجهراء

 

[تاجر]

الاخوه ابو خالد وعذبي 71 واناصاحي لهم اشكركم على النصيحه والله يكتب الي فيه خير

 

[بيبلوس]

توكل على اللة واخذ وعصفور فى اليد ولا عشرة على الشجرة ويمكن اللة يرزقك بيت موقع حلو وتبدل او بيعة طيبة وبالنسبة لمنطقة صباح الاحمد لحد الان كلام على ورق بعد سنتين تتوزع واللة العالم ويوم الحكومة بسنة وشكرا

 

[تاجر]

اخي بيبلوس شكرا على المرور والنصيحه

 

[أبـ عامر ـو]

السلام عليكم ورحمة الله

اخي العزيز نصيحة لك : اذا انت بخير ونعمة وما يهمك أن تأخذ قسيمة أو بيت في الوقت الحالي فأنصحك الاحتفاظ به لحين المشاريع الجديدة ... قد يكون هناك مشاريع تحت الدراسة قريبة من الديرة الي يحبها قلبك . وبالنسبة لطلبك الله يبارلك فيه يمشي بأي مكان وما راح تتوهق حسب رأيي ، أي نعم قد تتشابه في الطلبات الي بعدك ولكن الاولويه لك على كل حال

مع احترامي لرأي الجميع وتحياتي لكم

 

[الجود الاول]

اسمع النصيحه من اخوك واصبر يالغالى

عندك مشروع الصليبخات وهذا بالنسبه لك ذهب

تقدر تبدل وتاخذ الفرق لانها منطقه مرغوبه جدا

خصوصا للتجار وانت طلبك قديم ومميز جدا ولك الالويه

والا انتظر قسائم خيطان

والا انتظر مشروع غرب هديه

يا اخوى كل تأخيره وفيها خيره

نام على طلبك ولا تفرط فيه

اللى راحوا سعد العبدالله يبجون دم والله

ولا يكون تفكر فى مشروع صباح الاحمد

اصبر​

 

[بو_راشد]

انا مع اخوي الجود الاول اصبر في شمال الصلبيخات و خيطان ويمكن غرب هديه على الاقل اخذ فيهم وبدل واستفيدلك في مبلغ كويس

 

[أبو فهد عبدالله]

إلى الإخوة الكرام :

الجود الأول و أبو راشد .. بعد إذن صاحب الموضوع

وهل يوجد مشروع أسمه غرب هدية ؟؟؟

ألم يمت هذا المشروع حتى قبل ولادته ؟؟

 

[بو_راشد]

الى الاخ ابوفهد ان قلت يمكن غرب هديه لان كان في السابق في جهود لاقرار منطقة هديه لكن للااسف كل الجهود لم تصل الى نتيجه

 

[بـ مـبـارك ـو]

الاخ صاحب الموضوع نصيحتي لك اتشوف ظروفك تسمح لك بالاختيار اللي راح تختاره او لاونصيحه ثانيه وخلها بيني وبينك لحد يدري اهل المكاتب لاتاخذ شورهم

 

[الحريه وطن]

ماكو الاتشتري بيت

 

[الجود الاول]

إلى الإخوة الكرام :

الجود الأول و أبو راشد .. بعد إذن صاحب الموضوع

وهل يوجد مشروع أسمه غرب هدية ؟؟؟

ألم يمت هذا المشروع حتى قبل ولادته ؟؟

اخوى بو فهد

الانسان يتعلم من اخطاءه

والحكومه تلعب على الشعب

منو كان يتصور انها تبنى منطقه بين الصباحيه والرقه

واسمها فهد الاحمد ؟؟؟

شلون ضحكت على اصحاب الطلبات القديمه واجبرتهم

على القبول ام الهيمان

تصريحات بالجرايد انه والله ماكو قروض وراح نعطى المواطنين شقق

وخافوا هالعالم وقبّوا لام الهيمان وما ينلامون وقتها

منو كان يتخيل ان تقوم قسائم بالمنقف ؟؟؟

باختصار

حكومتنا ما ينقال عليها

شاميات عاميات

ومسأله غرب هديه تحتاج فقط انه عبدالناصر القلاف

وهو مدير فى احدى شركات النفط انه يتقاعد بس

اهو اللى موقّف المشروع ويضحك ويقول : قدرت اخرع الحكومه

وخليتهم يوقفّون مشروع غرب هديه

مشروع غرب هديه مشروع ناجح بكل المقاييس

واذا يتحججون بالنفط وبايبات النفط

هذه الفحيحل والاحمدى والظهر اقرب لبايبات النفط من غرب هديه

يقول لى مهندس بالنفط

حل مشكله مشروع غرب هديه يتوقف على تركيب

اجهزه تحكم فى بايبات النفط على اطراف المنطقه بس

وكلفه الجهاز 120 الف دينار بس وتنتهى المشكله

لكن حكومتنا دايخه ما تدرى شسالفه​

 

[fsg70]

لاتتوهق؟ولا تحتار انطر شوي وبيوزعون منطقة صباح الاحمد وخذ فيها احسلك من سعد العبدالله وذلك لعدة اسباب
1-قريبه من منطقتكم الاحمدي
2-مساحتها 600م2
3-قسيمه تصممها على كيفك احسلك من بيت الحكومه الي يجيب المرض
4- لاتصير مثل الي صام صام وافطر على بصله
................................................................
نصيحه لوجه الله لاتوهق وتاخذ في سعد العبدالله وذلك لعدة اسباب منها
1- بيت حكومه يجيب المرض مثل ماذكرنا
2- بعيد عن منطقتكم
3- منطقة سعد العبدالله تابعه محافضة الجهراء

ههههههههههههههههههههه
منطقة صباح الاحمد تابعه محافظة الخفجي

 

[محمد2000]

لاتتوهق؟ولا تحتار انطر شوي وبيوزعون منطقة صباح الاحمد وخذ فيها احسلك من سعد العبدالله وذلك لعدة اسباب
1-قريبه من منطقتكم الاحمدي
2-مساحتها 600م2
3-قسيمه تصممها على كيفك احسلك من بيت الحكومه الي يجيب المرض
4- لاتصير مثل الي صام صام وافطر على بصله
................................................................
نصيحه لوجه الله لاتوهق وتاخذ في سعد العبدالله وذلك لعدة اسباب منها
1- بيت حكومه يجيب المرض مثل ماذكرنا
2- بعيد عن منطقتكم
3- منطقة سعد العبدالله تابعه محافضة الجهراء

صح كلامك مدينة عريفجان ممتازة انا انتظرها بفارق الصبر .
والف الف الف شكر لصاحب فكرة مدينة صباح الاحمد ( عريفجان )​

 

[بـ مـبـارك ـو]

السلام عليكم اتوقع صباح الاحمد حجر اساس (يعني جرت رجل )لمدن جديده تقام هناك بس الفارق اللي راح يجي بعد صباح الاحمد راح يكون 400 متر عندك مثال الفحيحيل 600 و1000 والصباحيه بالمثل عدا قطعه 3 .وبعدها وزعت الاسكان مناطق.. الرقه وصباح السالم والاحمدي والمنقف وكل المشاريع اللي من بعدهم بمساحات 400 واقل ..