$$$$قصة شايب هواوي $$$$

الموضوع في 'إستراحة المنتدى' بواسطة وسيط اسهم, بتاريخ ‏8 يونيو 2009.

  1. وسيط اسهم

    وسيط اسهم عضو جديد

    التسجيل:
    ‏3 فبراير 2009
    المشاركات:
    1,788
    عدد الإعجابات:
    0
    مكان الإقامة:
    $$ الريــــ ض ـــــا $$

    بدايه القصه عن شايب هواوي ( قلبه خضر )
    ما يشوف بنت الا ينفتن ومشهور بانه حبيب
    وفيه بنت ملكعه وصاحبة مقالب قالت في نفسها انا ليه
    ما اروح للشايب وامزح معه واضحكه شوي واشوف ردة فعله كيف تكون
    راحت له وردت عليه السلام كيف حالك يا شايب رد السلام والله بخير
    وفجأه عطته ظهرها ومشت ولا استإذان ولا شي ....
    ولع الشايب من حركتها قال فيها كم بيت يستعطفها فيها
    ويقول انها ذكرته الماضي و اذا ما عطيتيني وجه لحقت باخوي
    الي في قبره ويذكر التاريخ واليوم اللي قابلها فيه....




    يقول الشايب :




    يا بنت خوذي خاطري وارحميني,,,,,
    ,,,,,,,لا تجرحين العود بعيونك السـود



    غضي نظرك وغطي الوجنتينـي,,,,,
    ,,,,,,, لعل يومٍ جدد الجرح مـا يعـود



    يوم انتهى مع مرمسات السنينـي,,,,,
    ,,,,, جتني صواديفه على غير مقصود



    باول شهر عشره نهـار الثنينـي,,,,,,
    ,,,,, حمدان مروا به على جنازة حمود





    البنت كانت تقصد من استفزازه انها تجاريه في الشعر وترد عليه
    والمسكين ما كان يدري انها شاعره وعلى باله ما خذ راحته في التغزل



    ردت عليه البنت وهزأته تقول .....





    يا شايب الرحمن وينـك ووينـي ,,,,,
    ,,,,,عزي لحالك قدمك الباب مسـدود



    قلبك عطوف وجاه قلـبٍ متينـي,,,,,,
    ,,,,, والبنت ما تشفق على مغازل العود



    حبل الرجا مقطوع بينـك وبينـي,,,,,,,
    ,,,,,, مثل الغليث اللي رعا قلبه الـدود



    اقفى شبابـك والعـرب مقبلينـي,,,,,,
    ,,,,,, يا عود ما يرجع من العمر مفقود





    حطمته يوم قالت له انك عود وان الشباب ما يرجع وان ما فيه
    امل تعطيه وجه حس العود انه تورط وقال كم بيت يقول لها صدي عني
    انه ما يبي الغزل بعد ما وصل عمره ثمانين سنه



    يقول حمدان .....





    يا بنت صـدي بالعيـون الظليلـه,,,,
    ,,,, لا صد عنـك الله نهـار القيامـه



    مالي ومالك يالفـروع الطويلـه,,,,,
    ,,,,, لو فيك من رسم البـداوه علامـه



    يابنت مـا لـي بالثمانيـن حيلـه ,,,,,,
    ,,,,,اهدف كما تهدف على البير قامـه



    اقفى شبابي والدهر شفـت ميلـه ,,,,,
    ,,,,,,يالله حسـن الخاتمـه والسلامـه



    اعطيك موجز والبضاعـه قليلـه ,,,,,,
    ,,,,,,واخذت لك من صافي الماء سنامه





    راحت الايام والشايب مسكين سنه خذله معها شايب
    وهي بنت وتقول له كيف اعطي شايب وجه
    بعد فتره مرته مره ثانيه وردت عليه السلام واستفزته
    وراحت وخلته ولع الشايب وقال ليه ما ابين لها في كم بيت
    انها بتشيب مثلي واني رجال طيب وان الناس تنصاني
    ومعروف بالكرم واني ما ابي منها غير التحيه والترحيب



    يقول حمدان .......





    يا بنت ما جاك الكبـر والخشونـه ,,,,
    ,,,,وعادت شباب اليوم يجفل من الشيب



    ياسرع ما وبلـك تمـزع مزونـه,,,,,,
    ,,,,,, يالفاتنـه يـا ام الثمـان الرعابيـب



    يا بنت مـا بينـي وبينـك مهونـه,,,,,,,
    ,,,,,, كلمة شرف نبي تحيـه وترحيـب



    الله مـن عـودٍ ثقيـلـه طنـونـه,,,,,,,
    ,,,,, ينصاه راع المشكلـه والمواجيـب



    على الكرم والديـن نفسـه حنونـه,,,,,,
    ,,,,,, تلقاه بالاجـواد شـرق وتغاريـب





    جهز الابيات وارسلها مع عجوز ووعد العجوز بهديه اذا وصلت الرساله لها
    راحت العجوز وعطت البنت الابيات شافتها البنت وقفلت على العجوز
    في غرفه وقالت مثل ما جيتي بابياته ترجعني بابياتي
    العجوز مسكينه قالت طلعيني ولا ابي منكم شي الله لا يعودكم انتم واوراقكم
    ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف ....




    تقول البنت .......




    العود عود وطايحـاتٍ سنونـه,,,,,
    ,,,, من كثر ما يرقد على جرة الذيب



    عودٍ مهرقل والعرب ما يبونـه,,,,,,,
    ,,,,,, ياعود ما لك في طويل المراقيب



    اقفى شباب العود راحت حتونه,,,,,,
    ,,,,,, مثل اليتيم اللي بكا ما له مجيب



    جداه ينثر دمعـة ٍ مـن عيونـه ,,,,,,
    ,,,,,,غريق موجٍ ما لقا له مقاضيـب
     
  2. NoOoOoR

    NoOoOoR عضو نشط

    التسجيل:
    ‏18 أغسطس 2008
    المشاركات:
    10,667
    عدد الإعجابات:
    9
    مكان الإقامة:
    الكــويـــت....:))
    محد قاله يركض ورى الحريم يالله حسن الخاتمه
     
  3. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    :) :)

    شكرا
     
  4. فضل

    فضل عضو مميز

    التسجيل:
    ‏25 يوليو 2008
    المشاركات:
    6,791
    عدد الإعجابات:
    98
    مكان الإقامة:
    بين السماااء والارض
    الا ليت الشباب يعود يوما :rolleyes:
     
  5. سارونا

    سارونا عضو جديد

    التسجيل:
    ‏6 يونيو 2009
    المشاركات:
    316
    عدد الإعجابات:
    0
    مكان الإقامة:
    الكويت فديتهااااا
    ههههههههههههه
     
  6. Bo 7MaNi

    Bo 7MaNi عضو جديد

    التسجيل:
    ‏13 يناير 2008
    المشاركات:
    3,139
    عدد الإعجابات:
    0
    مكان الإقامة:
    الكــــــويت
    اللهم اغفر له ولوالديه ما تقدم من ذنبهم وما تأخر

    وقِهم عذاب القبر وعذاب النار وثبتهم على الصراط

    وأدخلهم الفردوس الأعلى و أحسن خواتيمهم
     
  7. GMC يفرض هيبته

    GMC يفرض هيبته عضو جديد

    التسجيل:
    ‏26 مايو 2009
    المشاركات:
    203
    عدد الإعجابات:
    0
    مكان الإقامة:
    الكويت - محافظة الأحمدي
    لاهنت على القصة والابياااااااات الجميلة

    بيض الله وجهك ..

    لك تحياتي
     
  8. وسيط اسهم

    وسيط اسهم عضو جديد

    التسجيل:
    ‏3 فبراير 2009
    المشاركات:
    1,788
    عدد الإعجابات:
    0
    مكان الإقامة:
    $$ الريــــ ض ـــــا $$
    يسلموا على مروركم جميعا


    ونورتوا طرحي بدرر اقلامكم
    لكم جزيل الشكر اخواني