قالي فاشل وما همه شي

q8designer

عضو نشط
التسجيل
9 مايو 2009
المشاركات
363
اول كتابه لي وراح اخليها بلهجتي الكويتيه
قالي انت فاشل خسرت ضيعت وقتك على امور مالها داعي تاجرت والتجاره لاهلها وفشلت
قالي انت فاشل تحلم وايد وتتخيل يوم تصير كاتب ويوم تصمملك صوره ويوم تقرالك كتاب ويوم تقرا على الناس
قالي انت فاشل قلدت مشيتك ومشيت الحمامه ونسيت مشيتك ومشيت الحمامه
قالي انت فاشل اهملت بيتك وطالعت نفسك يعني بتصير شي كبير
قالي انت فاشل عمرك ما راح تصير ان استمريت على ما انت عليه سويت الللي براسك وما سمعت كلامي
قالي انت فاشل الطيبه بهالزمن ما تنفع خلك ذيب لا يقصون عليك
قال وقال الكلام يعور القلب يضايق وانا مستحي الخدود تحمر عند الاجانب وانا تصير عندي بنفسجيه تعرفون الشمس قالبه الصبغه واضحك بويهه الساني انربط مو عارف ارد العبره اخنقتني ودي ابجي كانوا يعلمونا واحنا صغار عيب الريال يبجي حط بقلبك ابلعها لين اتييك ذبحه صدريه ولا جلطه
صار صمت دقيقه
الدقيقه هذي مرت علي وانا مسبه الرد وصل مو مني الرد رحمة من ربي اللي خلقني
في مثل يقول دع الخلق للخالق
رد عليه قاله يا ملعون شتقول حق الريال
تقوله لا ادور على الرزق الحلال
تقوله لا تخيل ولا تخطط حق جدام
تقوله لا تصير عمود بيتك لا تكبر علشان لا تسند بيتك
تقوله اتكل على غيرك
تقوله لا ترحم خلق الله خلي قلبك جاسي
تقوله عيش بافكارك ومكانك سر
ما افلحوا اللي قبله ما شفت اينشتاين مو كان راسه درام رمل وبعدها وصل الخلق بعلمه لي منتجع المريخ ولا اديسون اللي غلط زليون غلطه وبعدها نورها عليكم ليتات زنون ونيون
انربط السان ابليس وما عرف يرد وفاز صاحبي واسمه صحوة العقل ...تمت بحمد الله
 

فضل

عضو مميز
التسجيل
25 يوليو 2008
المشاركات
6,792
الإقامة
بين السماااء والارض
كلام جميل

وفعلا ، مو عيب انك تخطىء العيب انك ما تستفيد من الاخطاء​
 

yoyo1983

عضو نشط
التسجيل
22 أبريل 2007
المشاركات
22,665
الإقامة
DaMBy
:)


شكرا
 

q8designer

عضو نشط
التسجيل
9 مايو 2009
المشاركات
363
مشكورين على المرور
 

asmreka

موقوف
التسجيل
16 أغسطس 2008
المشاركات
263
خوش كلام
 

acton

عضو نشط
التسجيل
22 فبراير 2008
المشاركات
6,337
الإقامة
UK-Acton-W3
الإنسان مو عيب يفشل
لكن الغلط ان ما يتعلم من هالفشل
شكرا على الموضوع
 

q8designer

عضو نشط
التسجيل
9 مايو 2009
المشاركات
363
الحمدلله القصه عجبتكم كلامكم يشجع الواحد يفجر الكيبورد ويكتب القصه الثانيه
 
أعلى