ياجماعه نبي نصيحتكم

[bo_7moo00ood]

انا متزوج 2003 ومسجل بالأسكان انطر ولا ادور بيت على قدي بالعارضيه الاندلس القرين طبعا بيت حكومه هذا الي اقدرله معاشي صافي الحمدلله من غير اقصاد اخذ قرض واتوكل على الله ولا هم اتوكل على الله وانطر شوي

 

[المنظور الشامل]

هلا بالغالى من وجهة نظري اذا امورك المادية 100 % توكل على ربك لأنه مأعتقد راح يحوشك الا في 2018 أنا طلبي سنة 1995 للحين ما جاء دوري

 

[يوسفاني]

و هذا يبيله تفكير أشتر و أنت مغمض

 

[اناصاحي لهم]

اذا ناوي تشتري نصيحه لاتشتري في هل وقت وانطر اشوي راح تطيح الاسعار
وانا من رايي اذا مالله حادك على الشراء وامورك طيبه لاتشتري انطر دورك وفلوسك الي بياخذها البنك منك فوائد انت اولى فيها
وفي الاول والاخير القرار لك وفكر مليون مره قبل لاتسوي شي وحسبها صح وخلنا نحسبها معك مثل اذا نويت تشتري بيت لازم تشتري بيت موقعه مناسب ولا تطيح بحفره بس بمجرد انك شريت والموقع المناسب يبيله فلوس زايده مثل في العارضيه بيت موقع مناسب ومجدد اعتقد مايقل عن 115الف يعني يبيلك فوق قرض التسليف 45 الف من وين تجيبهم اكيد من قرض وراح يطلع عليك مع الفوائد تقريبن 70الف يعني طلع عليك البيت الي قيمته 115الف طلع عليك ب140 الف يعني دافع فوق قيمته الي احتمال كبير راح تنزل دافع 45الف.
انا اشوف ان شراء البيت مايقدم عليه الشخص الا مضطر وحاجه ضروريه اما الشخص الي اموره طيبه وعايلته صغيره وعياله صغار ودك مايقدم على هل خطوه الخطيره الي تصب في مصلحة البنك والتاجر وسمسار العقار في الاول والاخير ويحمل نفسه ديون هو في غنى عنها .

 

[عذبي 71]

والله يا بوحمود انت بعينك شايف الاسكان وتوزيعها يعني جاوب على الاسئلة الاجاية وراح تتخذ القرار بنفسك و من خبرتك السابقة
-متى بيحوشك بيت اسكاني؟؟
اذا مو اكثر من 5 سنوات اصبر
-وين بيحوشك التوزيع؟؟
اذا قريب من دوامك ومن بيت اهلك اصبر
-اذا القروض ماتقدر عليها؟؟
وفر بيزاتك واصبر

بعدين سو ميزان ابو كفتين
الكفه الاولى السلبيات:
فوائد البنوك + يمكن تنزل هههههه

الكفة الثانية الايجابيات:
صار عندك بيت تسكنه او تاجره او تبيعه+اختصرت الفترة الزمنية+استقليت بحياتك+فتكيت من الاجار+وبديت حياة جديدة بنفسية جديدة+والعقار ذخر لك ولعيالك+والعقار يمرض مايموت+وضمنت وين انت بتسكن واخترت بكامل ارادتك +مو بالقرعه +ولا بمكان الله الوحيد يعلم وين بتسكنفيه+ وبتجاور منو +وموقعك شنو+ ومتى تحصله+ وسعره راح يرتفع مع السنين

 

[ودي اربح]

انا برايي اذا بيطلع لك بيت بيطلع في منطقة انت تتقبلها او لا يعنى 2003 لا تفكر اقرب من صباح الاحمد اللى هى بعريفجان وبالنسبة للقرض فكر عشان الموضوع يسوه حتى لو عليك فوايد يا خوك الفوايد مو نفس قبل واذا انت مؤجر جم قاعد تدفع واحسبه واحسب هالاجار اللى راح تدفعه جنك قاطه بحر واذا قسط البيت اول وتالى لك والخيار لك والله

 

[المشكاة العقاري]

انا متزوج 2003 ومسجل بالأسكان انطر ولا ادور بيت على قدي بالعارضيه الاندلس القرين طبعا بيت حكومه هذا الي اقدرله معاشي صافي الحمدلله من غير اقصاد اخذ قرض واتوكل على الله ولا هم اتوكل على الله وانطر شوي

السلام عليكم ورحمة الله وبركاتة

عزيزى انصحك لاتنتظر كتير
واذا انتظرت ليس امامك غير هذا الصيف وبعدها 2007 سوف تعود مرة اخرى
عارف لية المشكلة مش فى القوانيين الداخليية نحن الان نعانى من قلة السيولة فى السوق بسبب الازمة العالمية المالية ومن المتوقع انها تنتهى مع نهاية 2009 يعنى السيناريو 2007 يعيد نفسة مرة اخرى
حاول انك تتصرف فى الطلب الى عندك تبادل بية تبيعة مش 2003
وتشترى بيت حكومة يعنى فى حدود 120 الف فى عموم القرين او الاندلس

لاتفكر كتير لانى اذا انتهى الصيف يتبقى معك شهرين قبل الطوفان
وسلامتك​

 

[وافى الوافى]

السلام عليكم ورحمة الله وبركاتة

عزيزى انصحك لاتنتظر كتير
واذا انتظرت ليس امامك غير هذا الصيف وبعدها 2007 سوف تعود مرة اخرى
عارف لية المشكلة مش فى القوانيين الداخليية نحن الان نعانى من قلة السيولة فى السوق بسبب الازمة العالمية المالية ومن المتوقع انها تنتهى مع نهاية 2009 يعنى السيناريو 2007 يعيد نفسة مرة اخرى
حاول انك تتصرف فى الطلب الى عندك تبادل بية تبيعة مش 2003
وتشترى بيت حكومة يعنى فى حدود 120 الف فى عموم القرين او الاندلس

لاتفكر كتير لانى اذا انتهى الصيف يتبقى معك شهرين قبل الطوفان
وسلامتك​

كلن يدنى النــــار قرب قرصه ....!!

 

[الحريه وطن]

هلا بالغالى من وجهة نظري اذا امورك المادية 100 % توكل على ربك لأنه مأعتقد راح يحوشك الا في 2018 أنا طلبي سنة 1995 للحين ما جاء دوري

والله انت متفائل حيل اخي انا طلبي 2003 نفس الاخ وتوقعاتي راح يحوشني الدور اذا لم امت تقريبا 2030 للميلاد هذا اذا ماخرج المهدي المنتظر قبل هذا التاريخ


اخي السائل اشتر وريح بالك وتهني ببيتك والله يعوضك بيت بالجنه بدل الدنيا الفانيه

ياجماعه توزيع الحكومه بالقطاره يعني بالسنه 200 الي 300 بيت بحسبه بسيطه تقديمي 2003 بالضرب في معامل العدد 200 يطلع لي بيت عام 2049
اثاريني طلعت متقائل انا بعد كنت اعتقد 2030 وبالحسبه الصح يحوشني مابين الاعوام 2049 الي 2053

لا يبا اشتر بيت وارتاح لان علامات الساعه الصغري كلها طلعت
انا ناطر قصدين يطيحون مني السنه الجايه وراح اشتري لو عشه بالصليبيه واكتب لافته تولع وتطفي منزل الاحلام وبقص من قذلتي البيضاء شعرتين واعلقها علي اللافته مع وردتين صفر وزيتونه سوداء


اه اه اه ابي ابكي من القهر

 

[Abdulla990]

طلبك يا بو حمود اقدم من طلبي شوي و مع ذلك انا ناوي اصبر
انصحك تصبر و إن شاء الله يكون القادم افضل
و بالتوفيق

 

[naf]

اشتر وريح بالك......أقل شى اتأجره

 

[bo_7moo00ood]

والله انت متفائل حيل اخي انا طلبي 2003 نفس الاخ وتوقعاتي راح يحوشني الدور اذا لم امت تقريبا 2030 للميلاد هذا اذا ماخرج المهدي المنتظر قبل هذا التاريخ


اخي السائل اشتر وريح بالك وتهني ببيتك والله يعوضك بيت بالجنه بدل الدنيا الفانيه

ياجماعه توزيع الحكومه بالقطاره يعني بالسنه 200 الي 300 بيت بحسبه بسيطه تقديمي 2003 بالضرب في معامل العدد 200 يطلع لي بيت عام 2049
اثاريني طلعت متقائل انا بعد كنت اعتقد 2030 وبالحسبه الصح يحوشني مابين الاعوام 2049 الي 2053

لا يبا اشتر بيت وارتاح لان علامات الساعه الصغري كلها طلعت
انا ناطر قصدين يطيحون مني السنه الجايه وراح اشتري لو عشه بالصليبيه واكتب لافته تولع وتطفي منزل الاحلام وبقص من قذلتي البيضاء شعرتين واعلقها علي اللافته مع وردتين صفر وزيتونه سوداء


اه اه اه ابي ابكي من القهر

والله مت من الضحك على هالتعليق بس كلامك الصراحه عدل شكلي مولازم انطر بس والله محتار انت تدري الخطوه هذي يبيلها نصيحه ويبيلها تفكير الدقه المساحات الي بالتوزيع تغري وانا حيل متفائل بالي بالصبيه اذا بطلوا الجسر لأنه عزمو عليه والله كريم