المطرقه تسولف مع المسمار

[q8designer]

طلع الفير والمسامير بعدها مو شايفه النور قاعده بعلبه النجار المسكره كل واحد فيهم خايف يسولف مع صاحبه يقوله انشالله اليوم ما تحوشنا المطرقه
واحد فيهم قالهم برزوني وخلوني اول مسمار وانا اخلي المطرقه ما تحوشني
المسامير استانسوا وقالوله شبتسوي قالهم مالكم شغل خلوا المطرقه علي
تعاونوا المسامير وبرزوا المسمار ....
تبطل الصندوق واول شي دخل فيه نور الفير وسمعوا النجار يقول بسم الله الرحمن الرحيم اصبحنا واصبح الملك لله
مدي ايده النجار وهبش بالمسامير ولا بيده اليسار المسمار اللي قال خلوا المطرقه علي وتجهز المسمار على الطوف والايد اليسار فيها المطرقه ونزل النجار ايده بطق المسمار المطرقه جربت المسمار قالها لحظه يامطرقه ليش اطقيني استغربت المطرقه وقالت محد تجرأ من المسامير وقالي ليش اطقني يامسمار انت شسمك رد عليه قاله انا الجرأه انا التحدي انا الشجاعه انا القوه عندي اسماء وايد تقدر تختار منها
المطرقه قالتله اخلص شبتقول
قالها ليش تبين اطقيني ردت وقالت اللي يحبك يطقك
بله شلون اللي يحبني يطقني ردت قالت من الله خلق آدم وحوا وعلم نوح النجاره وانا مسيره يرفعوني ويطقونك فيني وانت نفس حلاتي مسير من تنطق ادش بالمكان اللي تنطق فيه ... المسمار قال وشالعلاقه بالمثل ردت المطرقه شدراني المهم انت بتنطق وصار طربااااخ سكن المسمار بمكانه بعد الطقه وتعلقت عليه لوحه مكتوب عليها
يسخر من الجروح كل من لا يعرف الألم

 

[yoyo1983]

خوووووووش حوااااار

 

[نيويورك]

حوار جميل .. شكرا لك ..

 

[NoOoOoR]

الموضوع جميل بس اعتقد مغزاه غامض شوي
شكرا لك

 

[ابو الوليد خالد]

السلام عليكم .

في مثل قديم اتمني نستفيد منه يقول المثل
( الحائط يسأل الوتد لما تشقني قال اسأل الذي يدقني )

 

[q8designer]

ابن الوليد خوش مثل اول مره اقراه سويت ليلا نور نيويورك مشكورين على المرور والتعليقات