!!!! لمشتركي زين (((( باقة لنا أو لانا )))) تم تخفيض عدد الدقائق بدون سؤالكم !!!!!!

[Moto]

ليست كويتيه مقرها الرئيسي فى البحرين وسبب نقلها للبحرين نكايه فى الحكومه الكويتيه ليش يوافقون على شركه ثالثه

والقواطي الخضر

 

[Boufaress]

قمت بالاتصال اليوم مرة اخرى مع شركة زين لسؤالهم عن سبب عدم استلامي اي اتصال منهم كما ذكروا مسبقا !
فكان الجواب اليوم لاتنتظر اي اتصال من قبلنا في الوقت الراهن !!!! حيث أننا حاليا نقوم بدراسة الموضوع نظرا لكثرة المعترضين وبناء على احصاء عدد الشكاوي والمعترضين على قرار تخفيض الدقائق سيتم اتخاذ قرار آخر مناسب خلال اسابيع !

التفسير عليكم يا اخوان(-:

 

[كورسر]

الصراحة

بسم الله و بالله

حالي حال الكثير الي سمعو هالخبر قمت بالاتصال بشركة زين للوصول للحقيقة و حيث اني مشترك جديد اقل من سنتين في الشركة و مشترك في باقة ال 29 دينار...

جاءت الافادة ان المشتركين الجدد و ( انا منهم ) لم تشملهم هذه الالية بس المشتركين القدامة و بهدف حثهم على الاشتراك في الباقات الجديدة و هالشي لصالح العملاء.

وسلامتكم

 

[المقرود]

ولازلنا باانتظار تفعيل قانون وزارة المواصلات بخصوص التحويل من شركه

الى شركه مع الاحتفاظ بنفس الرقم

لان مو ملزمنا معاهم الا رقم التلفون ..!!

وأنا بانتظار هذه القرار لأن حسافة على الرقم يروح ، صار له أكثر من عشر سنوات

 

[حبيب]

لا تعورون راسكم رفعو عليهم قضية

 

[مستمع]

التلفونات النقاله بجميع شركاتها ( شر لا بد منه )

والا حسابك عندهم والفلوس عندهم ان قلت واجد قالوا تكلمت وان قلت اثبتوا لي قالوا ادفع

 

[fawaz69]

الحمد لله كنسلت كل خطوطي بزين حتى الايغو يوم لغيته قلت للموظف عطني
براءة ذمة قال مايصير عليك 3 فلوس قلتله اخذ امية فلس وماابي الباقي قال مايصير
وقام يتلكك المهم فبفا ابرك اغلب اهل الكويت مساهمين فيها ودهنا بمكبتنا وجة نظر

 

[خبير المؤشر]

انا عندي زين من 13 سنه وقدرت اني اتركه شريت رقم نفسه بالوطنيه
وقمت استقبل من زين واتصل من الوطنيه
والمسجات والمباركات والتهنئات كلها من الوطنيه
وخلال سنه صار خط زين محد يدق عليه والوطنيه شغال من اروع ما يمكن

شين صارت نفس البنوك رفعت على الناس الفوائد بدون علمهم

 

[الشاهين1]

لا تعورون راسكم رفعو عليهم قضية

وكلت محامي لمباشرة الاجراءات القانونيه برفع القضية

 

[faisal11]

انا كنت مشترك بخدمة زين1500دقيقة وكنت معاهم اكثرمن 5سنوات ولامرة يبقي دقائق زيادة لا ادفع زيادة
كنسلتة ورحت الوطنية1600دقيقة ب30دينار وعطوني رقم ذهبي مجانا بس اني اكون بالخدمة لمدة سنتان وقسما باللة اني مرتاح ورقم زين مخلية استقبال وراح اكنسلة للابد

 

[Moto]

عندي 3 خطوط زين واحد منهم لنا ان شاء الله مكنسلهم يوم الاحد, ورايح للوطنية حسب كلام الشباب. مافيه احترام للعملاء.

 

[ibrahimi]

وازيدكم من الشعر بيت ولهم الحق انهم يسحبون رقمكم بدون لايردونلكم

 

[بوعلي11]

والله انا ملاحظ هالشي من زمان وكل ماروح الشركه بحول خطي الي خدمه الوزارات الموظف يقولي هذي احسن اقص على نفسي واقول هذا موظف يمكن يبي مصلحتي بس الحين بينت الحقيقه اااااخ منكم يا زين

 

[AL_nasser]

من يومين قمت بالاتصال علي شركه زين واستفسرت من الموظف ليش الغيتوا ويانا واجبرتونا علي خفض ال 1500 الي 1196 وتوحيد اوقات الذروه باليوم صباحا ومساءا بالتساوي 23 فلس مع البقاء بنفس الاشتراك 27,500 من غير احم ولادستور هذا مو افتراء وظلم ,,,, رد الموظف اذا حاب تقدم شكوي سوف يقوم المسؤل بالاتصال بك وزين تشكر اتصالك وسلامتكم , هذي حركه واسلوب متوقع لامتصاص قضب وردة فعل الناس وبعدها يرضي العميل بالواقع وينسي وكأنه شي لم يكن ما يلامون ( زين ) متأثرين بالازمه الاقتصاديه مساكين i]

 

[bokhalid4242]

السلام عليكم
المفروض كل واحد من المشتركين المتضررين يتصل ويسجل شكوى علشان تصير في ردت فعل عندهم
هذا اقل شي نسويه

 

[Moto]

سالت الموظفة ليش تقصون الساعات بدون ماتخبروني, تبلعمت وقالت يعني مع الوقت راح اتحس ان دقايقك صارت اقل من غير مانقولك ( العن ام العذر شنو اقبح من الفعل ) قلت يعني صرتوا تعاملون مع زباينكم بالاحاسيس , تحسسونا ونحسسكم ( شر البلية مايضحك) هنية ضحكت من الاحراج. سألتها المكالمة هذي مسجلة صح؟ قالت نعم. قلت خوش , فية شركات تبوقنا بأدب وتبلغنا انها باقتنا لكن مثل حرمنة زين ماشفت , بوق وقلة ادب وذوق. وراح اكنسل خطوطي منكم قالت مو مشكلة روح اقرب فرع وكنسلهم.

 

[Boreem]

شباب انا احول فيفا الاسبوع الياي

اشرايكم فيهم ؟؟؟

 

[Boufaress]

للرفع..

 

[أبو عبدالرزاق]

يا جماعة شرايكم بفيفا؟

شلون السيرفس عندهم؟

لأني مليت من شين

 

[علي يحيي]

تم تسجيل شكوى وانا معاكم