!!!! لمشتركي زين (((( باقة لنا أو لانا )))) تم تخفيض عدد الدقائق بدون سؤالكم !!!!!!

[ابو محمد 2007]

يااخوان انا سويت شكوى والمفروض كل واحد يسوى شكوى على هالشركه النصابه

 

[ابو نواف666]

فيفا وبس

 

[علي يحيي]

بعت اسهمي والسبه هذا الموضوع وراح يوصل الخبر للجميع انا قاعد فيها والسبه الخدمه هذى ويقول اللى اتصل عليه في 107 راح يلغونها بعد
المهم راح ادخل على الوطنيه بو 1600 بسعر 30 وشكرا

 

[Boufaress]

السلام عليكم
المفروض كل واحد من المشتركين المتضررين يتصل ويسجل شكوى علشان تصير في ردت فعل عندهم
هذا اقل شي نسويه

للرفع.

 

[GRAND]

قمة السخريه وقمة السرقه وعدم احترام العميل وناس اللي يحطونهم على الكونترات تقول بينهم وبين الكويتيين عداوه مع انهم كويتيين بصراحه شركة زين مسخره بمسخره وما يتادبون الا لما يروحون منهم العملاء والمشكله معاملتهم بالبحرين والسعوديه زوينه وناس ما تقدر العملاء اللي وياهم من 88 الحل بمحاربتهم بقطع كل الخطوط والله تشوف العروض تهل من كل صوب
الشهاده لله كلمة حق بواحد بالمكتب الرئيسي لو كل فرع فيه واحد نفسه كل الامور بخير الرجل جزاه الله خير ما اعرف اسمه لكن دق علي مره من سنتين وقالي اخوي رقمك حلو وذهبي والحين مقطوع وعندي يبون يسحبونه شرايك اشغله لك واوصله لك البيت مع كم هديه بعد جزاه الله الف خير

 

[بو فواز]

كذلك انا انخفضت شريحتي من 1500 الى 1196 بدون الرجوع لي يعني اخلال بالعقد والعقد كلنا نعرف انه شريطة المتعاقدين بمعنى لو ابي اضيف خدمة يلزموني بالحضور لدى اقرب فرع للتوقيع على العقد ؟؟ السؤال كيف يتم تغيير العقدبتقليص عدد الدقائق مع ابقاء التعرفة 27.5 دون الرجوع لي يمكن انا لا ارغب حتى ولو كان لديهم حق الفسخ لا يحق لهم الزامي بالعقد الجديد بعد التغيير

 

[kuwait1977]

انا 15 سنه مع شين للاسف والعام جربة الوطنية مجموعة هلا 20 دينار 850 دقيقه لا وآخر الشهر يزود 120 دقيقه تقريبا

 

[Boufaress]

يااخوان انا سويت شكوى والمفروض كل واحد يسوى شكوى على هالشركه النصابه

للرفع

 

[علي يحيي]

جم رقم الاتصالات سوف اتصل بهم للارى عروضهم

 

[Boufaress]

107

 

[علي يحيي]

اعرف رقم شين انا طلبت الاتصالات وليست شين للاني ناوي اطلع بعد مرور اكثر من 15 سنه او اكثر


ويا اخوان شنو احسن اشتراك انترنت فيفا او اتصالات للاني خلاص بطلع من شين

 

[abubatoul]

اليوم رحت لغيت المجموع
ونصحتني الموظفة "اللي كان تعاملها جدا جدا راقي " اني ما الغي المجموعة
قلت لها انا ناوي الغي الخط كله لاني اخذت خط من الوطنية ، بس المشكله ان شغلي وناسي ما يعرفون غير خطي وصعب ادز مسجات للناس .
سالت شنو السبب ؟
قلت لها : البوق اللي صار عندكم ..
اول شي قللتوا الدقايق بدون علمنا ، قالت : اقرا العقد عدل تلقى ان للشركة الحق بتغيير المجموعات ..
ثاني شي : معقوله خلال اول 8 ايام من الشهر اكون خلصت ال1190 دقيقة ...
قالت طلع كشف حساب واتأكد والكشف الورقة الوحده بدينارين على ما اذكر.. قلت لا اطلع ولا ابي ادفع لكم حتى 100 فلس زياده بعد ...
المثل المصري ايقول : شيل ده عن ده .. يرتاح ده من ده ..

 

[علي يحيي]

ابو بتول جم رقم الشركه الوطنيه للاتصالات باخذ رقم منهم
سمعت عنده باقه اسمها هلا 1600 دقيقه بمبلغ 30 دينار

 

[Boufaress]

121

 

[BO NASSER40]

السلام عليكم

اشلون نشتكي اذا مو موجوده ورقة العقد اللي بينا وبينهم

 

[bu3teeg72]

مدرسة تقول حق وحده من الاهل انه لمن تكون فاتورتها عالية وماعندها تدق على ولد عمها يشتغل في زين ويقوم بتحويل تكلفة فاتورتها على المشتركين كل واحد دينار دينارين
ما شاء الله عالامانة والضمير:d
***********************************
الموضوع الاهم:
سمعنا من وزير سابق للمواصلات انه راح يخلون تحويل الرقم من شركة لأخرا في القريب !!!
ابي هالقريب متا يعني؟::verymad::

أخوي اسمحلي بس هالكلام ما يدخل العقل.. ولا جان تلاقي أمة لا إله إلا الله كلها شغالين على هالموضوع مو بس المدرّسة!! يعني بصريح العبارة صاروخ أرض فضاء..

 

[Moto]

أخوي اسمحلي بس هالكلام ما يدخل العقل.. ولا جان تلاقي أمة لا إله إلا الله كلها شغالين على هالموضوع مو بس المدرّسة!! يعني بصريح العبارة صاروخ أرض فضاء..

انت اسمحلي اخوي صارت قصة العن من هالسالفة, شايب مسافر للعلاج بعد مارد لقى علية 400 دينار والموبايل فى التجوري نعم 400 مو اربعين , وسين وجيم ومخفر , طلع موظف في زين محول الخط بكبرة لواحد من ربعة, وصادوه من رقم ديوانية كانت اكثر الاتصالات لها, وتخيل وصل لل 400 ماقص الخط, وواسطات وحب خشوم مارضى الشايب الا ب5000 دينار تعويض.اخوي ترى السالفة كلها كبسة زر كمبيوتر .

 

[abo-noof]

السلام عليكم

مرحبا شباب أنا دقيت على شين توني وسألت الموظف عن الخدمة اللي حاطها أنا بالشهر 29 دينار قالي بالحرف الواحد أنتوا مو من ضمن المجموعة اللي خفضوا عدد دقايق مكالماتهم

ما أدري صاج وإلا ياكل بعقلي حلاوة

وإذا بشيك لازم أروح للشركة أشيك وإلا أعتمد على كلام الموظف

 

[Navigator]

فيه فرق بين مجموعة لنا (تم التخفيض عليها)

ومجموعة ويانا ( لم تتغير )

لنا الاقدم وتم تخفيض عدد الدقائق بصوره كبيره مع ابقاء الاشتراك السعري كما هو !!!!

السبب واضح

وجود نية لالغاء هذه الاشتراكات كما تم الغاء الاشتراك المجاني بعد الساعه 11 وفي العطل الرسمية

ومحاولة منهم لانجاح عرضهم الجديد ويانا 49

لكن بالنهاية شنو نقول ؟

خسارة 17 سنه وياهم

في امان الله زين

 

[Boufaress]

فيه فرق بين مجموعة لنا (تم التخفيض عليها)

ومجموعة ويانا ( لم تتغير )

لنا الاقدم وتم تخفيض عدد الدقائق بصوره كبيره مع ابقاء الاشتراك السعري كما هو !!!!

السبب واضح

وجود نية لالغاء هذه الاشتراكات كما تم الغاء الاشتراك المجاني بعد الساعه 11 وفي العطل الرسمية

ومحاولة منهم لانجاح عرضهم الجديد ويانا 49

لكن بالنهاية شنو نقول ؟

خسارة 17 سنه وياهم

في امان الله زين

صحيح كلامك اخي ابو النصح 100%
وزيادة عليه ان مجموعة لنا كان سعر (د) تقريبا واحد اما اليوم مجموعة ويانا سعر الاتصال فيها 3 انواع ذروة وعادي واهم شي على غير مشتركين زين السعر اغلى وكان هذا هدفهم..