استشاره ...مدينة صباح !

الموضوع في 'اعلانات العقار' بواسطة kuwwait, بتاريخ ‏11 يونيو 2009.

حالة الموضوع:
مغلق
  1. kuwwait

    kuwwait عضو نشط

    التسجيل:
    ‏4 أغسطس 2008
    المشاركات:
    108
    عدد الإعجابات:
    0

    السلام عليكم ..

    اتمنى من لديه خبره ان يدلو بدلوه في هذا الموضوع ..
    عندي طلب اسكاني 1995 وطلبونا تخصيص مدينة صباح الاحمد ورحت وخصصت وواعدوني 12/7/2009 وبكل صراحه ماني راغب في صباح الاحمد
    لانها بعيده وقريبه من المناطق المتلوثه ام الهيمان والمصانع

    لكن هذا هو الخيار المتاح امامي ..حاليا

    سؤالي هو هل لو انتظر يحوشني دور في مدينة جابر
    وماهي البدائل المتاحه امامي ..وهل عندكم اقتراحات
    اتمنى من الجميع المشاركه ولكم الشكر مقدما ​
     
  2. qanon

    qanon عضو جديد

    التسجيل:
    ‏16 ابريل 2009
    المشاركات:
    512
    عدد الإعجابات:
    0
    اول شى اقولك مبروك يا الغالى

    ونصيحتى لك ان عصفور باليد احسن من عشرة بالشيرة

    وبعدين الحين الكل عنده سيارة

    والشوارع كبيرة وحلوة من جنوب الكويت لى شمالها

    وهم ما يمنع انك تسال بالاسكان عن الفرص المتوفرة لك
     
  3. kuwwait

    kuwwait عضو نشط

    التسجيل:
    ‏4 أغسطس 2008
    المشاركات:
    108
    عدد الإعجابات:
    0
    الله يبارك فيك يا qanon

    ومشكور على هالنصيحه الطيبه وان شاء الله راح اسأل الاسكان
    ونشوف الخيارات ..عساك على القوه

    ومنتظر مشاركات الاخوان
     
  4. المنظور الشامل

    المنظور الشامل عضو نشط

    التسجيل:
    ‏30 مايو 2009
    المشاركات:
    1,161
    عدد الإعجابات:
    0
    مبروك وان شاء الله تلاقي الموقع الطيب والكويت أول وأخيرا صغيره ومثل ما قال اخونا عصفور باليد ولا مليون بالشجره بس سؤالي تدري مته راح تبني تاكد من الاسكان ولد عمي أخاف العمليه مطوله
     
  5. الحريه وطن

    الحريه وطن عضو نشط

    التسجيل:
    ‏31 يوليو 2008
    المشاركات:
    2,022
    عدد الإعجابات:
    3
    بما ان المستشار مؤتمن

    انا اقول لك بالفم المليان هج عنها ويرزقك الله الناس زهقانه من المنطقه العاشره ويبون يقلعون الناس لجنوب الكويت
    البصمه علي الابواب والشوارع تعيسه وزحمه

    وبصرك
     
  6. kuwwait

    kuwwait عضو نشط

    التسجيل:
    ‏4 أغسطس 2008
    المشاركات:
    108
    عدد الإعجابات:
    0

    الله يبارك فيك اخوي المنظور الشامل وجزاك الله خير ..وصدقت العمليه شكلها مطوله وعلى الخرايط
    يعني اقل شي سنتين 3 سنوات واليوم الصاله فاضيه دليل على ان مافيها اقبال ..والله يكتب اللى فيه الخير ..وشاكر لك على المداخله الطيبه
    ولك الشكر
     
  7. kuwwait

    kuwwait عضو نشط

    التسجيل:
    ‏4 أغسطس 2008
    المشاركات:
    108
    عدد الإعجابات:
    0

    اشكرك على النصيحه الغاليه ..انا اكثر شي مخليني اتردد ان مافيها اقبال ثانيا عندها تلوث غير طبيعي وتوني قاري موضوع عن قربها من مكان ردم النفايات السائله ؟؟

    لكن اللي فيه الخير ربك يجيبه ان شاء الله وماقصرت يالغالي
     
  8. kaled9977

    kaled9977 عضو جديد

    التسجيل:
    ‏4 فبراير 2009
    المشاركات:
    138
    عدد الإعجابات:
    0
    السلام عليكم اخذ النصيحه

    اخوى اول شى فكر بعيالك شبعد المعاهد والجامعات عنهم
    ثانى شى متى تخلص الخدمات والناس تسكن خلك واقعى
    فهد الاحمد من وزعوها 2006 لها 3 سنوات للحين ماسكنوها مع العلم لما توزعت كانت الخدمات جاهزه
    يعنى صباح الاحمد مو اقل من 6 سنوات الى 8 سنوات
    وبعدين روح شوف المنطقه وينها قلع مدى منطقه ملوثه ومعج ومقطوعه عن العالم اقرب منطقه عندك ام الهيمان بحدود عشرين كيلو
    حتى الوزيره رايحه لها بهيلكوبتر من بعدها
    لو تشترى ابركلك وهذى نصيحتى لك
    فكر بمستقبل اعيالك والخدمات مثل الكليات
    والله يوفقك
     
  9. kuwwait

    kuwwait عضو نشط

    التسجيل:
    ‏4 أغسطس 2008
    المشاركات:
    108
    عدد الإعجابات:
    0
    وعليكم السلام اخوي خالد ..
    صدقت في كل كلمه قلتها ..المشكله درب وتلوث وغير مرغوبه ؟
    يعني الواحد يستخير ويشوف له مشروع ثاني ابرك من هالمدينه
    الدايخه اللى ماادري منو مختار موقعها وعلى اي اساس !؟

    ونصايحك في محلها وكفيت ووفيت ..
    شاكر لك مرورك وتقبل تحياتي
     
  10. بو متعب

    بو متعب عضو جديد

    التسجيل:
    ‏29 يناير 2009
    المشاركات:
    709
    عدد الإعجابات:
    0
    لو ينبني يمها المطار والجامعة ونادي اعتقد بتحيا المنطقة مو ما فيها شي
     
  11. saket

    saket عضو جديد

    التسجيل:
    ‏15 ابريل 2009
    المشاركات:
    514
    عدد الإعجابات:
    1
    الحين الواحد يدوور البيت دووره ويفتك من الايجارات الصايره نار وووماكو بعد على السياره مثال ام الهيمان مكان احد يتقدم عليهااااااااااااااااا وشووف الحين
     
  12. المنظور الشامل

    المنظور الشامل عضو نشط

    التسجيل:
    ‏30 مايو 2009
    المشاركات:
    1,161
    عدد الإعجابات:
    0
    كفو شاب ناس تعاونوا ما ذلو ومن شاور ما ضاع
     
  13. بوناصر10

    بوناصر10 عضو جديد

    التسجيل:
    ‏11 أكتوبر 2007
    المشاركات:
    918
    عدد الإعجابات:
    0
    السلام عليكم


    اخوى اذا ماعندك تشترى بيت انا اشور عليك تبنيه على 70 الف اربع شقق واذا تقدر اتخليها 6 هم احسن لاانه افتكر توزيعكم اذا مانى غلطان 600 متر يعنى مساحه طيبه للبنيان واجره كله فى البيع يسوه لاانه امقسم اجارات واذا ودك اتخليه اطلع سكنه بالعاصمه ابلاش وهم اتحط مصرف جيب وانت صاحب القرار ياخوى ومبروك وموفق




    أخوك بوناصر
     
  14. ابــوخــالــد

    ابــوخــالــد عضو جديد

    التسجيل:
    ‏2 ابريل 2009
    المشاركات:
    186
    عدد الإعجابات:
    0
    الله يرحم والديك اذا تعرف احد متوهق بالعاشره عطني خبر
     
  15. kaled9977

    kaled9977 عضو جديد

    التسجيل:
    ‏4 فبراير 2009
    المشاركات:
    138
    عدد الإعجابات:
    0
    اخوى لا يقولون لك اجارات وحلم وردى من ياجر عندك هناك يمكن رعيان الغنم او صبيان المزارع
    ولا يقولون لك راح يبنون فيها جامعات ومدينه متكامله
    كلنا عارفين الكويت بكبرها مافيها غير جامعه وحده من سنة جدى
    واخر مستشفى انشئ عا م 1979
    وبعدين نصيحه لوجه الله فكر باسؤ احتمال يحوشك بيت شارع واحد
    من ياخذه منك لايقولون لك تبدل ومدرى شنو انت ماعندك غير طلب واحد لا تفرط فيه
    تراك المسؤل عن عيالك وبعتقادى ماراح يصير مشروع اسؤ منه
    والسلام
     
  16. الجود الاول

    الجود الاول عضو جديد

    التسجيل:
    ‏23 مارس 2009
    المشاركات:
    247
    عدد الإعجابات:
    0
    الاخ السائل

    بكل بساطه

    افتح قوقل واضغط هيئه البيئه مدينه صباح الاحمد

    واقرا بنفسك شلون هيئه البيئه قدمت شكوى على الاسكان

    لموافقتها على مشروع مدينه صباح الاحمد

    فى ارض لا تصلح للسكن الادمى مع تلوث الجو الرهيب

    وعدم تفاعل التربه مع اساسات البنيان للمخلفات المردومه

    الا اذا انت فدائى ومضحى بصحتك وصحه عيالك الله يحفظكم
     
  17. kuwwait

    kuwwait عضو نشط

    التسجيل:
    ‏4 أغسطس 2008
    المشاركات:
    108
    عدد الإعجابات:
    0
    اشكركم جميعا على التعليق والنصيحه ..

    استفدت من هالردود كثيرا .. وانطباعي عن المنطقه انها بعيده جدا
    ولاتصلح للسكن بسبب مشاكلها البيئيه وتوزيعها على الخريطه يعني
    ((قال قوه ..قال توه ))
    الله يكتب لنا اللى فيه الخير
    وجزاكم الله كل خير
     
حالة الموضوع:
مغلق