(( لأصحاب Blackberry ))

[قاضي النت]

شنوا الفرق بينه و بين e71نوكيا
ومواصفاته واحسن نوع فيه وتنصحوني فيه او e71نوكيا

 

[ASUS]

اخوي كل واحد مختلف عن الثاني يعني كل واحد برامجه غير وبنسبه للبلاك بيري انا عندي الستروم الي اهو تج وتبي نصيحتي الجهاز عادي وما يستاهل سعره شحن وهل امور والنوكيه عادي مافيه زياده اذا تبي شي مثل الكمبيوتر روح حق htc وشكرا

 

[KuWaiT DriFT]

اخوي انا نفسك محتار بين بلاك بيري و إي 71

بس أنا راح اخذ إي 71 لأنه في اشياء مو موجوده بالبلاك بيري بس موجوده بالنوكيا

مثل ال 3G موجوده بالبولد مو بالكيرف و اذا شريت بولد يعني انت شاري طابوقة مو تلفون وايد كبير البولد

و اذا شريت بولد كامرته أقل من الكيرف يعني ماكو شي كامل عند البلاك بيري

و بعدين عشان تشغل برامج البلاك بيري لازم تدفع تقريبا كل شهر 20 دينار

على حسب الخدمة

اما بالنوكيا تركبلك مسنجر و تشبك على خطك و ما يحسب عليك واايد و انا مجرب هالشي

و بالنسبه للتصفح على الوايرلس

أو ركب في خط داتا و اشبك على كيف كيفك

و النوكيا مثل ما قتلك في 3G و كامرة امامية البلاك بيري مافييه و النوكيا ترى أخف و أصغر اشويه

و في عيب وااحد بالنوكيا ان كيبورده اشوي مو عملي بس عادي يعني يمشي الحال بس انت قارن و لك الاختيار و سامحني على الاطاله و هذا الرابط في مقارتة واضحه

http://www.gsmarena.com/compare.php3?idPhone2=2604&idPhone1=2425

 

[Syaaf]

انا كان عندي بلاك بيري بولد , وبعتة واشتريت e71

طريقة الكيبورد مو طبيعية اذا تعلمت عليها خصوصا بالبلاك بيري وبال e71

ثاني شغله النظام مال بلاك بيري واااااااايد بايخ بشكل لا يصدق وطريقة مسجاته المرسلة والصادره والمحفوظة كلهم بمكان واحد واذا بتمسح ماكو تحديد الكل , لا رساله رساله , او اسم اسم , مانخلص

البلوتوث معقد شوي , وايد اشياء فيه تضيق الخلق ولله

بس اهوا حلووو حق شي واحد , الي يحب المسنجر وهالسوالف , والي عندة ربع وايد عندهم بلاك بيري عشان يسولف وياهم بلاك بيري مسنجر


اما E71 ولله خوش جهاز كا نظام , وسريع جداً للأمانه انا جرب تلفونات وايد نوكيا , بس نفس هالتلفون ماشفت وايد سريع لما ادش علي شي وتطلع , رسايل , فيديو , صور
طبعاً شحنه ال e71 اقوى من بلاكبيري

طبعاً e71 فيه كامرتين وتقدر اطرش صور

بلاك بيري مافيه الا كاميرا وحده , ومافيه فيديو كول , ومعقد شوي بالmms يعني انا كنت اطرش بس لما يطرشولي صور ماتوصلي

طبعاً E71 ينزله برامج وايد


وللللللللله عن نفسي من امه E71 , ويبيلك جم يوم تتعلم كيبورده , وصدقني ماراح تبدله

والسموحة طولت عليكم بس كان ودي افيدكم

 

[KuWaiT DriFT]

شكرا سيااف على التشوييق

و انا لمن قلت الكيبورد مو عملي مو قصدي عن اماكن الحروف انا قصدي يعني مصغرينه اشوي زياده عن اللزوم عرفت

و الصراحه انا ما كنت متشوق اني اشتريه كثر ما قريت مشاركتك و يعطيك العافية و عقبال اخونا قاضي النت يشتري وااحد

ها القاضي تخاويني نروح المستقبل

 

[Syaaf]

العفو كويت دريفت , بس ولله العظيم ان e71 احسن بوااااااااااايد من بلاك بيري

وعن صغر الكيبورد , شوف في شغله انا لاحظتها بال e66 وبال e71 دقمهم غير عن اجهزة نوكيا , يعني صج الكيبورد اصغر من البلاك بيري , بس صدقني ولله العظيم انا صارلي اسبوع او اكثر عندي الe71 ولله العظيم انه طريقة كتابته اسهل بوااايد من البلاك بيري , يعني صج صغير الكيبورد بس لمسة الدقم حلوه وسهله وبسرعه تتعلم عليها , ونظام الدقم مريح وايد وماتغلط بالحروف بس يبيلك يومين , وتحويل من انجليزي لي عربي ومن عربي لي انجليزي وايد سهل مو نفس البلاك بيري بالمسجات معقد شوي ,

والبلاك بيري بالكتابه العربي يدوخ غيير عن ال e71 , وعند بال e71 مسهليـــن وايد طريقة كتابة العربي


انته روح محل بشرق فيه e71 مستعمل وبطله ودش علي المسجات واكتب صدقني يمكن بدقيقتها تتعلم عليه , بس مثل ما قتلك يبيلك يومين وانشالله ماتغلط بولا حرف نفس مو صاير معاي اكتب جنه كيبورد كمبيوتر , و e71 افضل بكل شي , يكفي انه نوكيا , والبلاك بيري هبه وصدقني كل من يشتريه يقعد عنده اسبوع او اثنين ويبيعه

وبعد مكتشف فيه عيب نسيت لا اقولة , انه مثلاً لقيت مكتوب 4 مس كول , ادش علي اللوق نوكيا يبينلك ان مثلاً احمد داق عليك 2 مس كول وبدر داق عليك 2 مس كول , لا البلاك بيري مايبينلك , يطلعلك الارقام الي داقين عليك مس كول بس مو مبين جم مره علي الاسم

اذا وصلك مسج لازم ادش علي المسجات وادش علي المسج وتشوفه , مو نفس نوكيا بس اطق عرض يدخلك علي المسج وتشوفه

لا والصدمة تلفون 3g ويديد وانترنت وحركات , اذا وصلك مسج طويل يكتبلك جزء من النص مفقود , تنطر شويه علي مايكمل المسج @@

امممممممم ولله بعد في عيوب بس ناسي لوووووووول , يامعود شتحجي ولله تلفون أي كلام , نوكيا ياخي مجرم كل شي حلو فيه وسهل ومبسط


وشكراً علي الموضوع الحلو

 

[KuWaiT DriFT]

يعطيك العافية يا سيااف و ان شاء الله هالاسبوع ماخذلي وااحد

وبالنسبة للكيبورد انا الحين عندي e61‎ ‎‏ نفس ال e71‎ ‎‏ بس اكبر كيبورده بس نفس اماكن الحروف ونفس الطريقة وكل شي

و مثل ما قلت البلاك بيري هبه و تروح

على فكرة انا الحين شابك من ال e61‎ ‎

موفقيين ان شاء الله

 

[Syaaf]

لووووووووول حركات ولله , بس ممكن اعرف شلون تشبك انترنت من ال e61 ؟ اشتراك شهري ولا خط داتا ولا gprs ?

 

[KuWaiT DriFT]

لا اخوي حاط فييه خط داتا

 

[ASUS]

تقصدون e63 ???

 

[KuWaiT DriFT]

لا أخوي نقصد e71

 

[ASUS]

لا اخوي ما اقصدك انت او الجهاز اي ادري عن e71 بس ماشفت انا e61 انا اعرف e63 اذا في شي نازل يمعودين نورونا وشكرا

 

[KuWaiT DriFT]

اها اخوي اللحين فهمتك

اي صح انا اعرف e63

ال e61 اللي نتكلم عنه هذا جهازي اللي استخدمه اللحين بس ما انصحك فييه لأنه كبير و ثقيل و مافي كاميرا يعني ناقص بس حق تصفح زيين

و اللحين ما تحصله يديد يمكن لأنه قديم واايد

و اذا تبي شي نفسه ال e71 يشمل مواصفات ال e61 وال e63 و البلاك بيري بعد

مووفق خير يبا

 

[عازف الجيتار]

i-mate , htc وبس ياجماعه هذيل بخصوص المواصفات !

 

[KuWaiT DriFT]

والله يا عازف قيتار انا ودي اجرب htc بس مادري اشلون و متردد

اذا عندك نوع معين و زين قولنا و طبعا اثنينهم وندوز موبايل عدل

طبعا الوندوز موبايل اكييد احسن من النوكيا و السوني و البلاك بيري و كل شي لأنه في مواصفات اكثر و كلامك صح بس يا ريت توضحلنا شنو احسن نوع و انت مجربه ؟

 

[LighTninG]

والله يا اخوي مادري شقولك

ببلش بالبلاك بيري

الجهاز حلو استخدامه طيب

وانا اتكلم عن البولد طبعا

مو الستورم ولا الكيرف

لانه اثنينهم فيهم عيوب جسيمه يعني

البولد عندي والتلفون حلو ومافيه شي

طبعا اذا تبي تستمتع بكامل مزاياه لازم تشغل الخدمه المتوفره له

طبعا فيه GPS مجاني

وفيه مسنجر وفيه تصفح مواقع وفيه موقع الفيس بوك الشهير وفيه احوال الطقس وفيه دخول على سوق الاسهم وفيه كذا شغله

الناس تعيب فيه يمكن شغله المسجات انه الصادر والوارد يكونون ويا بعض مع العلم انه تقدر تفصلهم

ويمكن يعبون فيه نظام البلوتوث انه لازم تسوي اقتران حق الي يبي يدزلك قبل لا يدزلك وانته تسمحله انه يدزلك عرفت بس هم هذا مو عيب هذا سيكيورتي اكثر وحمايه لك

وفيه ناس اتقول انه الكتابه فيه مو سهله وغيره طبعا هذا تعود ماكو جهاز يديد تاخذه الا وتتعلم عليه وتاخذ عليه بعدين تحكم مو من تجربه اسبوع ولا شهر تحكم

وفي ناس اتقول انه ما تقدر تعرف جم مس كول ياك من الشخص نفسه وهذا مو صحيح بس لانه اهوه ما تعب نفسه وطق على الاوبشن وشاف الهيستري ويطلعله جم مره داق عليه الحبيب الي يقصده طول اليوم

وفي ناس اتقول انه اذا ياك مسج لازم اتدش على المسجات وما يطلعلك على الشاشه انه ياك مسج ويعتبرها عيب انا ما اشوفها عيب يعني ليش عيزان اتعب نفسك واتطق على المسجات وتقرأ

انا اشوف الجهاز حلو وشي يديد والي يعجبه ياخذه وما امدحه ولا راح استفيد اذا مدحته واذا ما مدحته هذي قناعات شخصيه والتجربه خير برهان

----------------------------------------

اما بخصوص النوكيا الصراحه انا كنت من مستخدمين النوكيا سابقا والي خلاني اوخر عنهم

انهم كل اسبوع ينزلون جهاز يديد ويغيرون فيه هذا واحد

اثنين السوفت وير ماله مليق هذا اثنين

بالنسبه للصور وغيرها كلها خلط بلط ويا بعض وما تقدر تسوي فولدرات واذا تبي تسوي لازم اتدش على مدير الملفات وغيرها يعني شي عباله هذا ثلاثه

اما الباجي حاله من حال اي جهاز وانا افضل السوني اريكسون على النوكيا على الاقل ما يغيرون كل اسبوع جهاز ويخلونك تتحف انه خذيت جهازك

-----------------------------------------

بخصوص الـ htc

واجهزه الفون موبايل عموما

انا جربت ثلاثه منهم وكلهم ولا بيزه

طبعا استقبل الجهاز يعلق عليك وانته تتكلم ولازم تسوي ريستارت

استقبل الجهاز كل شوي يقولك سولي ابديت

تبي تحط برامج وانته مبتدأ فيه طبعا روح وشوف كل برنامج ينزله لك بجم بالمحلات وشوف الابديت وغيره وغيره شنو يسوي فيك

بتقولي تج وغيره وقلم وخرابط اترك عنك لانه عبالته اكثر من وناسته

تبي جهاز تج اخذ Iphon و تمتع بالتج على اصوله وبعدها تعال قولي اذا قدرت تغيره من كثر ما راح تستمتع بالتج وغيره

وطبعا فيه كل المواصفات الي موجوده بغيره

بس ايضا فيه عيوب

يعني تبي تحط رنه حق الجهاز غير الرنات الي بالتلفون

لازم برنامج

تبي تسوي اعاده تحويل حق مسج

لازم برنامج

تبي تسوي اي شي

لازم برنامج

تبي تتصل لازم برنامج

لالا اتغشمر

عموما الشغله قناعات واستخدام انته شنو تبي بالجهاز وشنو تبي توصله فيه اقعد نق واختار

وانا انصح قبل لا تشتري اي جهاز دش اليوتيوب واكتب اسمه وشوف شنو فيه عنه

لانه ماشاءالله يسوون على كل جهاز ريفيو ويعطونك كل شي فيه والي ما فيه هم يعطونك اياه

بس لازم تكون شويه انقليزيتك قويه

وووووووو شنو بعد

بس عمي قرقنا وايد



سلالالالالالالالالالالامن ​

 

[KuWaiT DriFT]

ماشالله الرد صفحة كاملة لووول

بس يضل البلاك بيري ناقص ياخوي

لأنه الكاميرا الامامية مو موجوده ليش ؟؟

عيزانين يركبونها و بعدين مواصفات النوكيا احسن

و انت تقول الصور مخلوطه مو مشكله خل تختلط و لا اني انحرم من مميزات واايده عشان الصور تختلط و بعدين اذا يبتلي تلفون كامل انا ما اعرف شي لازم يكون التلفون ناقصه شي

و على قولتك كل يوم تلفون يديد و احنا الضحايا و كله خسرانيين لوول

 

[LighTninG]

ماشالله الرد صفحة كاملة لووول

بس يضل البلاك بيري ناقص ياخوي

لأنه الكاميرا الامامية مو موجوده ليش ؟؟

عيزانين يركبونها و بعدين مواصفات النوكيا احسن

و انت تقول الصور مخلوطه مو مشكله خل تختلط و لا اني انحرم من مميزات واايده عشان الصور تختلط و بعدين اذا يبتلي تلفون كامل انا ما اعرف شي لازم يكون التلفون ناقصه شي

و على قولتك كل يوم تلفون يديد و احنا الضحايا و كله خسرانيين لوول

صح عمي انا ما قلت البلاك بيري كامل

صح الكامره الاماميه مو موجوده وهذا عيب شرعي وغير انه نظام الرسائل كلهم ويا بعض والافضل انه يكون وارد وصادر يكون شكله ارتب

بس تدري هذي بدايه بالنسبه لهم وكان همهم الكبير انه يطلعون بشي غير عن العالم عشان جذي ركزوا على اساسيات بالنسبه لهم تعتبر بالنسبه لنا ثنائيه

بس شرحي افضل من الي انتوا قاعدين توصفونه بعنصريه حق النوكيا

بس ياخوك النوكيا صج يغث من ناحيه خلط كل شي ويا بعض

وعلى قولتك ماكو شي كامل وكله على روسنا احنا المساكين

عموما كلٌ يغني على ليلاه والجنب الي يرحيك نام عليه

وانا بارك على البلاك بيري لمن اشوف شي يديد واخذه

واحنا هذي حالتنا ننطر شي يديد ينزل حتى لو غالي نقول يله يستاهل نقص على نفسنا

الله كريم




سلالالالالالالالالالالالامن ​

 

[قاضي النت]

مشكورين علي هذي الرددود
يعني لو نبي نسوي تصويت راح يفوز النوكيا
عليه بسبب ردود الشباب الوافيه
واللي استفاد منها الجميع ومنهم انا
وعلي فكره انا شريت النوكيا و صراحه جهاز حلو
اشبك فيه البورصه واشوف فيه الارصاد و والمنتدي

 

[KuWaiT DriFT]

على البركه اخوي