اي احسن شركة اتصالات

[استغفر الله]

ابي احسن شركة اتصالات فيفا او الوطنية او زين من ناحية السيرفس والخدمات والعروض اللي عندهم
لان زين غاثيني شوي والسيرفس مو شي واخاف اشتري من شركة ثانية وتصير مثلها

 

[امبلتع]

انا عندي خط زين وادفع مكالمات بالشهر 85 دينار بدون دولي وتجوال
واحس ان وايد هالسعر
ولما حولت على الوطنيه ونفس مكالماتي . اطلعو مكالماتي بالشهر 35
بالعربي يعني هذي المفروض يسمونها شركة شين

 

[ابو نواف666]

والله ياخوي انا عندي فيفا ممتاز تكلام شخص مجاني من فيفا يعني مثل الاهل اوصديق تتواصل معاه وخصم 25 فلس اي رقم == ودولي خصم 15 بالميه == بعد شتبي والله ميه ميه

 

[استغفر الله]

انا عندي خط زين وادفع مكالمات بالشهر 85 دينار بدون دولي وتجوال
واحس ان وايد هالسعر
ولما حولت على الوطنيه ونفس مكالماتي . اطلعو مكالماتي بالشهر 35
بالعربي يعني هذي المفروض يسمونها شركة شين

والله ادفع اكثر من100 دينار وعندي خدمة الوزارات بس ماادري احس انهم حرامية والسيرفس مو شي

 

[استغفر الله]

والله ياخوي انا عندي فيفا ممتاز تكلام شخص مجاني من فيفا يعني مثل الاهل اوصديق تتواصل معاه وخصم 25 فلس اي رقم == ودولي خصم 15 بالميه == بعد شتبي والله ميه ميه

اشلون السيرفس حلو او لا

 

[KuWaiT DriFT]

الوطنية أقوى شركة اتصالات

الفيفا عروضها حلوه بس السيرفس مو قوي و الشبكه للحين يبيلها تعديل و خدمة العملاء يذلونك على ما يردون عليك

 

[LITERATURE]

zain

 

[z71_999]

عندي خط ايزي استخدمته 6 سنوات اعبيه كل شهر تقريبا 20 او 30 دينار
وكل مكالماتي وينك بالدوانية ييب حليب حق الياهل بالدوانية ادق على مطعم اجيك على راتبي بالبنك
يعني هذي مكالماتي

قبل 3 شهور اخذت فيفا فواتير شقيت المكالمات شق ماخليت احد مادقيت عليه ومسجات بالهبل
اول شهر مكالماتي 6 دنانير !!!
ثاني شهر 8 دنانيير !!!
ومن صمنهم 3 دنانير اشتراك

لعنت ابو ايام الايزي

وقبل الايزي الحجي من سنة 98 كان البوق اشكره عيني عينك
تدفع 100 بعد يومين عليك 70 تدفع السبعين بعد 3 ايام عليك 80 والعداد شغال كل شهر ادفع 400 دينار على شنوووووو!!

قلت خلاص الحين بتزوج اخذلي ايزي دفعت الي علي وكنسلت الخط بعد جم يوم دازيلي مكتوب عليك 90 دينار !!!؟؟؟ لانها مانظافت من قبل ورحت دفعتهم وانا اظحك

ترى محد يمدح زين الا الي عنده رقم حلو

 

[MTC]

الوطنية أقوى شركة اتصالات

الفيفا عروضها حلوه بس السيرفس مو قوي و الشبكه للحين يبيلها تعديل و خدمة العملاء يذلونك على ما يردون عليك

100% كلامك عدل نعم الوطنية احسن شركة الحين حتي من ناحية الاسهم
هي فوووووووووق

 

[بو عباس]

100% كلامك عدل نعم الوطنية احسن شركة

 

[wooow]

فيفا وبس لولا الله ثم فيفا ما كان هذا حالنا

 

[Syaaf]

الوطنيه للأمانه انا لاعن خير المكالمات والمسجات, اتكلم باليوم 4 ساعات او 5 ,

بعد شهر علي 60 او 70 دينار

لا وادق دولي بعد

, اما تجربتي مع زين اخخخخخخخخخ الله لا يرجع ايامها السودة , شركة حرامية وبوق بالعالم من طلعت وللحين مادري شيبون بطلو علي أفاا الكويتين مليون فرع بالدول الثانية

 

[استغفر الله]

يعني مو بس انا اللي يعاني منهم كلكم تشتكون منها الحمدلله خلاص بغير واخذ خط وطنية

 

[بو عباس]

الله يوفقة يارب

 

[alakhal]

خذ فيفا وانصحك تاخذ تعبئة عندهم عرض الارقم واحد فيفا مجاني واخر في الدوله مخفض والثالث دولي مخفض بعدين يعطونك كم كلفت عليك المكالمة بعد انتهائها ما هو سر الاسرار في الوطنية وشين

 

[هادي33]

تحياتي للجميع ....

على حسب استخدامك اخووي ....

انا استخدم اكسبرس من سنه 99 وللحين مستمر معاهم ...
كنت بالسابق الاتصالات(زين حاليا)حراميه حراميه حراميه !!!!
كل شهر فوق 30 وكان عندي خطين !! على شنوو...

اخذت خط ايزي من المعرض ...عرض 100 مسج 100 دقيقه 100 دقيقه فيديو كول ....اخذت هالعرض مع موبيل ودفعت كل شي !!!!

انصدم ان المسجات والمكالمات المجانيه ما تنزل الا بالسنه الجديده بعدد 6 اشهر

الحراميه ماذكروو هالشي بالعقد نهائيا !!! امت بالله !!!

بالسنه الجديده تخيل ..والله والله ألغوو 100 دقيقه فيديو كلو ...::verymad::

والله قبل كم شهر رحت بلغي الخط !!! تخيل شنو قالوو لي !!!

علييك 5 دنانير رسوم خط ايزي ((ألي اشتريته من المعرض )) ::verymad::

بقييت اذبح الموظف ....

الله يعز الوطنيه شركة البنغاليه على قولتهم هههههه

***********
ووبالنسبه لشركه فيفا اسمع عنها اخبار طيبه بس السرفس شوي لك عليه ...

وللعلم للجميع كل يوم يقدمون عندنا مو اقل متن 15 برج جديد (شغالين عدل)

وهذا للعلم...​