خذ 500 افضل وبالنسبه للقطع مثل الشبح اللهم الكشف ومرات يخرب الكمبيوتر والجيكات وهذي اكبر مشكله وبالنسبه للفرق بالقصه مافي فرق بالبدي من 1989 الدفعه الاخيره الى 2001 والفروقات تكون بالغرفه الداخليه والماكينه والانوار وازياق البدي .
الجيل الأول :من موديل 1989 الى 1992 نفس الشكل والداخليه والقير والماكينه ماكينة شبح ونظام البخاخات نفس ال500 و560 من 1991 وتحت والجنوط والدركسيون نفس ال560 ماعدا موديل 1992 دركسون شبح .
ملاحظه : موديل 1989 الدفعه الأخيره جأ 500 ,و300 نادر جدا وجأ الماني.
الجيل الثاني:موديل 1993 الى 1995 نفس القير الماكينه ماكينة شبح, والداخليه نفس الموديلات من 1990 الى 1995 نفس الشي ماعدا اكسسوارات خفيفه مثل العداد والدركسون وتحكم المكيف والمسجل والجنوط.
الجيل الثالث:من موديل 1995 الدفعه الاخيره الى1998 داخليه جديده وجنوط غير وماكينه نفس الشبح بس كويلات وقير الكتروني خمس نمر وتحكم مكيف الكتروني مثل الشبح ومسجل نفس الجيل الثاني و4 ايرباقات وجا سقف بانوراما على اخر دفعات ال 1998.
الجيل الرابع (الأخير):من موديل 1998 الدفعه الأخيره الى 2001 نفس داخلية الجيل الثالث ونفس الشكل وطبعا الجنوط غير والأسبير اسبير فياقرا جنط اسود, وماكينة وقير الفياقرا كل الأحجام والسقف بانوراما والمسجل جديد ودركسون جديد وايرباقات اكثر توصل 10 وتحكم الكراسي بشكل معدل وانحف ويفرق شكل العداد.
ملاحظه:المفتاح ريموت من موديل 1991 اخر دفعه الى 2001 نفس الشكل ماتغير.
النصيحه خذ موديل 1996 الى 1998 وخلها سيارة تمشيه ومزاج ولا تخليها سياره اساسيه ودر بالك من وارد اليابان الموديلات تحت 2000 تجيك تحتاج صيانه واجد.
بالتوفيق