لأهل الخبره:ماالفرق بين التاهو التجاري والتاهو الغانم !

[aljwab]

السلام عليكم ،،
أخواني الكرام لدي رغبة كبيرة بشراء تاهو، ذهبت الى الوكالة ووجدت سعره 10790 lt بدون فتحه ولا جلد وبدون ديفيدي وذهبت الى مكاتب السيارات فوجدت تاهو 2008 lts تجاري وارد امريكا كامل المواصفات فتحه وجلد ودفيدي وماشي 35000 ألف وسعره 8400 ،
بصراحه أنا خايف من أسم تجاري فهل أولا سعره مناسب وثانيا ماهو الفرق بين التجاري والوكالة وهل هناك من جرب التجاري هل عليه ملاحظات أم أنه لا يوجد فرق بينهما بالاستعمال وهل هناك أمور يجب مني أن أتأكد وأسأل عنها فيما يحص السيارات التي لا تصدرها الوكالة ياليت احدا يتفظل علينا مشكورا بالجواب وجزاكم الله خير

 

[الـكويـتي]

انا لاني من اهل الخبره ولاشي لكن هاليومين ادور تاهو مثلي مثلك وكلامك هذا غير منطقي الحين تقارن تاهو من الوكاله 2009 بتاهو تجاري 2008 اللي اعرفه ان عندهم عرض 8888 الغانم بيقولون لك خلص لكن اضغط عليهم وبيبيعونك على العرض اخذ ال اس 2009 شتبي بالكامره وجلد وحركات خرابيط مالها داعي

 

[manaar66]

من ناحية المكاين نفس الشي مافي فرق اللي يختلف المواصفات طبعا الامريكي يجي في مواصفات اكثر بس عندك مشكلة الجام اسود وهو ممنوع وعند الفحص يبدلولك اياه ويرجعوا بعد الفحص للاسود ويلزقونه بسلكون فبيصير ينسم هواء على السرعة من الجامات
وقبل ماتشتري تأكد من التايتل الأصلي اللي يجي من أمريكا عشان تعرف الممشى الصحيح وحالة السيارة قبل ما تتطلع من امريكا
مع تمنياتي لك بالتوفيق

 

[الحريه وطن]

التجاري افضل ملبون مره

 

[rossonere]

السلام عليكم

اخوي ابعد عن الأمريكي لانه كثير منهم مغشوش . وثاني شي اخذ موديل 2009 لانه الجير 6 غيار اما 2008 5 غيار . للعلم عندي 2008 ناااااعم فمابالك لو 6 غيار . و التاهو 9200lt .

 

[sma]

ياخوي انحش عن التجاري لائنة مغشوش مثل ماعلقوا الشباب وغير مطابق لمواصفات الخليج مثل تحمل حرارة الجو سوائن على المحركات او الداخلية وحتي وايرات الضفيرة والكهرباء تجي ضعيفة ماتحمل حرارة الجوا وتذوب مع الحرارة العالية مماتسبب حرايق لاقدر الله اسئل مجرب وانحش زيدلك الف او الفين وخذلك وكالة الكويت او الخليج ولايقصون عليك ويقلون مايفرق شي بس دبة اكزوز اورديتر ..........

 

[Q8O]

والله ياخوي نصيحتي نصيحت اخو انحش عن التجاري لو مهمها يكون مواصفاته وادري انه التجاري احلا ومواصفات وسعر بس انته رجال بتستعمل مو كل يوم طايح بشويخ خلك على الوكاله او الخليجي وايد ابرك اخوك عنده تاهو 2008 ماشاء الله عليه ناعم وستعماله حلو ولا يضايقك بشي وال 2009 اطور قيره صار 6 غيارات يعني انعم بلسواقه وبلخط حده مريح المكينه والله يوفقك اخوي