دعوه للمشاركه (( اسباب استمرار صعود السوق برغم الصبغ الأحمر الي نشوفه مرات ))

AboNader

عضو نشط
التسجيل
25 يوليو 2008
المشاركات
942
هذي دعوه للمشاركه من كل الاخوان الي يتذمرون والي يتشكون والي مو مصدقين ان سوقنا مازال بخير

عساه ماطاح اصطبغ باللون الاحمر الا وشفت التشاؤم والهروب حتى من الكتابه والتعليق وكأن احمر اليوم يعني انتهى السوق وخلاص انتهى كل شي وياه :)

سبحان مغير الاحوال


قبل جم شهر واقصد قبل ثلاث شهور شوفوا ورجعوا جم كانت اسعار كل الاسهم

واعيدها كل الاسهم

جم كانت اجليتي ؟ جم كان زين ؟ جم كان بيتك ؟ جم وجم ومانخلص ؟

عن نفسي

راح ارجع بهالصفحه بعد ثلاث شهور ونقول الله يازمان كم كانت زين وكم كانت بيتك واجليتي والمشتركه وياكو والافكو وكل اسعار اليوم !! :)

اسباب صعود السوق اختصرها بالتالي


1 / ارباح الربع الثاني ـ نصف السنه الي راح تكون ممتازه وخصوصا للشركات الاستثماريه والبنوك وبالتأكيد للشركات الباقيه الي اكيد عندها محافظ ومساهمات بصناديق

2 / قانون الاستقرار المالي ـ توليفة مجلس الامه راح تقره مهما طالت المده

3 / اسعار النفط واستقرار اسعاره كلها تدفع بميزانية الدوله لاقرار مشاريع جديده واليوم كلنا سمعنا عن اقرار الخطه الخمسيه

4 / تعافي اسواق العالم الي كانت مركز النزول والطق وبالتحديد السوق الامريكي


ملخص كلامي

لا تحاتون يوم احمر او اسبوع احمر


فالسوق بعده ماحقق اهدافه والسوق مستمر في الارتفاع والسوق فيه الخير الكثير صدقوني وحسبوها علي
 

salem76

عضو نشط
التسجيل
22 أغسطس 2008
المشاركات
1,082
مشكووور اخوى على المشاركة الرائعة
 

D.NeT

موقوف
التسجيل
12 أكتوبر 2008
المشاركات
1,157
الإقامة
عمار يا كويتنا
ابو نادر احترم وجهة نظرك ولكن هذه رسالة من صناع السوق الى الحكومة ومضمونها اقروا خطة الانقاذ الاقتصادي .

وسلامتك
 

بصرك

عضو نشط
التسجيل
16 فبراير 2008
المشاركات
3,282
انت صح ومافيه صعود مستمر ولافيه نزول مستمر
 

AboNader

عضو نشط
التسجيل
25 يوليو 2008
المشاركات
942
مشكووور اخوى على المشاركة الرائعة

الشكر لك salem76 وانشاءالله تكون من الرابحين

ابو نادر احترم وجهة نظرك ولكن هذه رسالة من صناع السوق الى الحكومة ومضمونها اقروا خطة الانقاذ الاقتصادي .

وسلامتك

سلامتك وتعيش يمكن وكل شي جايز لكن ماتشوف ان كثير من الشاركات قالت انها ماراح تدخل ضمن برنامج الاستقرار المالي وانها تقدر تدبر حالها :)


انت صح ومافيه صعود مستمر ولافيه نزول مستمر

بالضبط وهذي هي فلسفة السوق
 
أعلى