فزعتكم ياهل النيسان باترول 1993 افيدونا جزاكم الله خير

[العشير1]

السكراب طال عمرك
في امغره
اول شي دور المكينه
واذا حصلتها دور على الميكانيكي
وشكلك ماراح تركب لا لكزس ولا راح تجفت
لانك بس تسأل شلون وشلون؟؟؟؟؟؟
تبينا نروح السكراب عنك حاضرين
نركب لسيارتك مكينه حاضرين
ياخوي نصيحه
بيييييييييييييييييييييييييييييييييييييييييييييييييييييييييييييييييييييع
وريح دماغك
وسامحني طال عمرك

 

[TOYOTA]

مرحبا للجميع عجبني الموضوع والردود بعد تبي ممشى؟؟ تبي عزم؟؟ تبي مكيف ثلج؟؟ تبي حراره صفر؟؟تبي مكينه تقول لحق الفكسار او النيسان مكينة فكسار استريح؟؟ او اي نيسان او الفتك تقوله استريح؟؟ مالك الا مكينة لاندكروزر 6سلندر وابشر بعزك انا طبو عندي 3 سفاريات قديمه كلها بدلت مكاينهم بس طبعأَ بالامارات مو بالكويت الكويت لو يقولك اركبلك مكينه لاندكروزر بـ500 لاتركبها بتقط عليها 3000 دينار ولا تظبط لآن الترهيم بالتيوتا اقل شي يبيلك تحويله بين القير والمكينه وهذي تجي تفصال الي بالكويت والامارات يركبون لك استراليه اذا تبي كراجات الامارات انا حاضر بس ما اظن تصمل لآنه تعب والي مومصدق يرسل لي رساله على الخاص واجيه على موتر نيسان عليه مكينة تيوتا6 سلندر

 

[نصوري]

مساء الخير
انا عندى سفاري 93 اخوي مركب عليه ماكينة فكسار 2007 والموتر لا حراره ولا شرب بانزين
وخذ ممشى والله عجيب

 

[TOYOTA]

انا كنت احسب ان مكينة الفكسار على النيسان اقوى من مكينة الجي اكس ار 6سلندر بس طلعت عكس فزه طبعأَ الفكسار بس خط والله ماتشوف ال6سلندر واذا تبون تجربون انا حاضر ارسلو لي على الخاص

 

[العساف7777]

السلام عليكم

اخوي في واحد يرهم لك لا تروح للامارات ولا تسافر ولا تعب نفسك وعلى كفالة بعد

كانك تغرف كراج الشاطر اللي بأمغري في سكراب السيارات شغلة مضبوط وشغل هندسى

والمكانيكي خوووش رجال اسمه جاسم ابو وليد

وهذا رقم 97502896

خوش ولد انا والربع كل شغلنة عنده وانا اعرفه من زمان

بس عيبه الوحيد انه يطول من كثر الضغط اللي عنده

دق عليه واستفسر منه


تقبل تحياتي

 

[TOYOTA]

اخوي العساف ابي واحد من المواتر الي مضبطينها عنده ومشاي ابي اوريك الموتر الي مضبطه بالامارات بخليك تشوف فرق السما عن الارض
الي في امغره مركب عنده واحد من الربع ماطاع شوري قلت له لاتركب بالكويت مكينة تيوتا ركبها حد الموتر 180 يعني عربانه ددسن اطوفه بالخط لين راح الامارات وفك مكينته وضبطها الكامري القراندي يقولها مع السلامه بالخط وارسل لي عل خاص اذا بتواجهني بموتركم الي عندكم وانا بوريك موترنا للعلم عندنا انا والربع يمكن 8 نياسين مكاين 6سلندر تيوتا

 

[العساف7777]

اخوي العساف ابي واحد من المواتر الي مضبطينها عنده ومشاي ابي اوريك الموتر الي مضبطه بالامارات بخليك تشوف فرق السما عن الارض
الي في امغره مركب عنده واحد من الربع ماطاع شوري قلت له لاتركب بالكويت مكينة تيوتا ركبها حد الموتر 180 يعني عربانه ددسن اطوفه بالخط لين راح الامارات وفك مكينته وضبطها الكامري القراندي يقولها مع السلامه بالخط وارسل لي عل خاص اذا بتواجهني بموتركم الي عندكم وانا بوريك موترنا للعلم عندنا انا والربع يمكن 8 نياسين مكاين 6سلندر تيوتا

السلام عليكم

اخوي انا موتر شد بلاده ماودي العب فيه

لاكن انا الرجل اعرفه شغله ممتاز ودايم اذا صار شي عندي اروح له

والرجال يرهم مكاين وله زباين كثير

وبالنسبه للامارات معروفه بشغله بالجيوب والاترهيم طلع من عندهم



تقبل تحياتي