الهيئة العامه للاستثمار راضي الطفل المدلل البنك الوطني

الهيئة العامه للاستثمار تراضي الطفل المدلل لبنك الوطني ببيعها حصتها من بنك بوبيان ! لماذا وما هو الهدف من هذه البيعه ؟ هل هذا هو وقت للبيع ؟
ومن هو المستفيد من هذه الصفقة ؟ واين اعضاء مجلس الامه عن هذه السرقة ؟
انا اعتقد ان هذا ليس وقت لبيع هذه الاسهم انها ملك للشعب الكويتى وكما دافعنا عن حصة شركة الدار الاستثمار ووقفنا البنك الوطنى من الاستحواذ عليها سوف نوقف هذا الصفقة المشبوه .
اليس من الافضل للهيئة ان تصبر حتى ترجع الامور الى طبيعتها وترجع الاوضاع الاقتصادية الى حالتها السابقه ويرتفع سعر السهم ونحن نعرف ن الهيئة العامه ليست مضاربه فى السهم انما هى مستثمر استراتيجة فى بنك بوبيان وليس محقها بيع هذه النسبه .

 

إذا بايعه السهم على 550 فهذا جيد لكن كحصه مؤثره المفروض أكثر من دينار

 

مساكين الوطني ,, خلوهم يترزقون الله ..

 

هههههههههههههههههههههههههه

 

نعم المفروض يكون السعر مرتفع حتى يستفيد المساهمين وليس السعر الذى حدده البنك الوطنى من البنك التجاري
ولكن الشغله مطبوخه ومستويه بينهم

 

قصدك البعير المدلل

​

 

بصراحه جبتها يا حفار
اتمنى من المشرف ان يغير من الطفل المدلل الى البعير المدلل :d

 

هذا راح يصير شعار الوطني بعدما يستحوذ على حصه مؤثره في بنك بوبيان .

وبعدها يدش برنامج فوضه ولا موضه ..

 

حلوة منك حفار .... لازم الوطني يغر شغار البنك و خليه البعير الراقص

 

بصراحه البنك الوطنى كانه الطفل الوحدي المدلل عن والديه
وقال لوالده : والدي اننى اريد ان اشتري سيارة فراري ، ووالده قال له مستحيل اشترى لك فراري.
وراح الطفل المدلل يبكي والدته وقال لها : اريد اشترى فراري لو مهما صار ، وراحت الوالده المسكينه تبيه كل ما تملك من ذهب وجواهر لتراضى هذا الطفل المدلل . او هذا البعير الهائج المدلل

 

اللعب كله على الرهن العقاري ؟؟
الوطني راح يطحن امبراطورية التمويل
وهذا شي طيب للمواطنين في المنافسه العقاريه
اول مره اتفائل

 

انت صايدها هذا هو الشئ الوحيد الي مايقدر يشتغل فيه الوطني فيشتغل بالباطن

 

لا يحوشك البنك الوطنى اذا دش فى الرهن العقاري راح بيع بيوت الناس فى المزاد العلنى وراح ينوم الناس فى الشارع ويسكنهم فى الخيام
وراح يرهن لك العقار بطريقة البالون ويتفخ لك البالون ويصعدك فى السماء
وبعدها يضربك بسهم ويفش البالون عليك وتطيع رواسي على خشتك

 

اسمحولي فاتح الموضوع ماعنده موضوع
شنو مدلل والهيئة تتبع الطفل
هذا اسلوب نتكلم فيه عن اقتصاد دولة
يا اخي ليش دايما تاخذونها من هالمنطلق ؟؟؟؟؟؟
بنك وعنده قابلية للشراء صار حرام ؟؟؟؟؟

اتمنى ماتكون مدافع عن (بيتك) لان تعودنا على هالبنك نشر الاشاعات والخزعبلات وخاصة انه الحين مترقب ومتربص في هالصفقة لان خايف على مكانته اللي يدعي ويقول فيها انه بنك اسلامي

 

انت ذابحك هالبالون

 

يا خوي لازم شوية غشمرة ما يصير جد في جد

 

ماقلنا شي بس شوية موضوعية بالطرح
الغشمرة لها وقتها والجد له وقته

الوضع مايتحمل

 

ما شاء الله عليك هذا اسلوب نقاش ؟
على طول ما عنده سالفه وهذااسلوب ؟
يا اخي قول قولا جميلا او اسكت
عندك وجهة نظر قولها !
انت الحين هل مع بيع هيئة الاستثمار بهذاالسعر ؟ بصراحه
او ان المفروض تنتظر الهيئة حتى تشتد المنافسة ويصل سعر السهم دينار
لعلمك حتى الجاهل فى علم الاقتصاد لا يفكر ان يبيع بهذاالسعر
على العموم شكرا على اسلوبك الجميل وونحن متعدودين على مثلك

 

راضي ولا مو راضي هذا قرار انا وانت مالنا دخل فيه الهيئة تبيع بسعر ولا ماتبيع شي راجه لتقديراتهم

الوطني عنده السيولة اللازمة للشراء وكان يقدر يشتري بأرخص الاسعار وعنده الموافقة من المركزي بس اللي يدعون انه مو قانوني ومن هالكلام ماسوه شيئ الا لما صار كل شي جدام العالم

اللي عنده وناوي يدش المزاد حياه الله واللي مو ناوي كيفه هذا السوق وهذي التجارة

شكرا

 

من قالك ان الموضوع غشمر الموضوع اول مره ينطرح وهذا شئ مميز للمنتدى اننا نطرح فكر جديد ، وندافع عن المال العام وهذا شئ فيه فائده المستثمرين فى بنك بوبيان وللهيئة العامه للاستثمار
واذا كانت بعض مداخلات بعض اعضاء فيها نوع من الغشمر ، ما فيها شئ خلهم يتغشمرون ، ويعبرون عن شعروهم المرح ، هذا شئ ما يزعل بالعكس هذا اشئ طيب