PS3 Multi system يعني شنو ؟

الموضوع في 'اعلانات بيع وشراء متفرقة' بواسطة التاجرة_الصغيرة, بتاريخ ‏23 يونيو 2009.

حالة الموضوع:
مغلق
  1. التاجرة_الصغيرة

    التاجرة_الصغيرة عضو جديد

    التسجيل:
    ‏13 ديسمبر 2007
    المشاركات:
    58
    عدد الإعجابات:
    0
    ادري ادري دوختكم بهالسالفة :p
    اليوم كنت بمجمع المنشر ولقيت كم محل هناك يبيعون PS3 وهالالعاب ، طبعا اول شي استغربت ان اسعارهم وايد ارخص من الرحاب!
    يعني ال 80 جيجا ب 120 دينار هناك لا وفيه عروض! يعني مثلا لو خذيت لعبة زيادة او جنطة زيادة يعطيني سعر ثاني بخصم و من هالسوالف (حركاااات :p)

    المهم ، لقيت ال 160 جيجا ب 155 دينار مع يدتين ولعبتين وقالي انها امريكية Multi system ، شنو يعني؟
    يعني امريكية والا شنو؟

    سألته تشغل كل شي قالي اي

    :confused:

    بعدين ال 80 ججا تكفي والا اخذ 160؟
    انا كنت مفكرة 80 بس يوم شفت ان فرق بينها وبين 160 بس 20 دينار قلت اخذ ال 160 والا شرايكم؟

     
  2. عازف الجيتار

    عازف الجيتار عضو جديد

    التسجيل:
    ‏22 نوفمبر 2007
    المشاركات:
    949
    عدد الإعجابات:
    0
    مكان الإقامة:
    الكويت
    اختي ماكو فرق بين جميع الانواع بس مجرد نظام التصنيع كله صيني
    والانواع الافضل امريكي لرغبة الناس هابه في اما الاحسن اخذي جهاز اوربي من الغانم
    لأن راح يشمل كفالة لمدة سنه (تبديل) عكس المحلات لاسمح الله اخترب اروح الورشه ويتبدل الجهاز :) اما المحلات اذا اخترب يقعد يتفنن بالجهاز ويقولج عقب مايخربه البورد محترق للعلم اهو حارقه للأسف بس هذا عذرهم دايما البورد احترق < ماكو خراب غيره


    وبخصوص يشغل جميع الالعاب او لا الـps3 يشغل جميع الريجنات امريكي اوربي , ياباني عكس الاكس بوكس , لأن الاكس بوكس اذا كان امريكي لازم اللعبه تكون نظامها امريكي !

    بخصوص الهاردسك : اتوقع اذا ماتخزنين افلام وهالسوالف ماتحتاجين ذاكره كبيره تقدرين توفرين الـ20 اما اذا يهمج ذاكره كبيره اخذي الـ160 قيقا

    على فكره الذاكره تتبدل الى اي حجم تبين بأي وقت نفس هاردسك الاب توب 2.5 160 قيقا بأي وقت تركبينه 17 دينار تقريبا اذا كانتي محتاجه ذاكره مع الايام

    اتمنى كان ردي واضح وضوح الشمس
     
  3. الدنيا فانية

    الدنيا فانية عضو جديد

    التسجيل:
    ‏31 أغسطس 2008
    المشاركات:
    43
    عدد الإعجابات:
    0
    بالنسبة للـ multi system .. هذا كلام اللي يبيعون بالرحاب لتصريف البضاعة فقط لا اكثر

    كلهم multi system سواء الامريكية او الاوروبية او اليابانية

    الامريكية تشغل العاب اليابان واوروبا .. والعكس بالضبط صحيح للاوروبية واليابانية


    الفرق بينهم فقط بتشغيل الافلام

    الامريكية حاليا عليها طلب .. فيها لان افلام البلوراي الامريكية متوفرة بالسوق حاليا


    انا افضل الاوروبية لسببين: 1_الكفالة (مو ذيج الاهمية) .. 2_الافلام

    الاوروبية هي الوحيدة اللي تشغل افلام بلوراي الشرق الاوسط .. اللي تكون "مترجمة" باللغة العربية


    الامريكية ما تشغل ولا فلم فيه ترجمة عربية سواء الحين او في المستقبل .. وهذا اكبر عيب


    باختصار اذا السوني تبينها للالعاب فقط .. فما راح تفرق ابدا .. امريكية او اوروبية او يابانية .. اخذي الارخص
     
  4. التاجرة_الصغيرة

    التاجرة_الصغيرة عضو جديد

    التسجيل:
    ‏13 ديسمبر 2007
    المشاركات:
    58
    عدد الإعجابات:
    0
    هلا اخواني
    مشكورين وايد على ردكم

    اللي حصلتها بالمحل اللي في مجمع المنشر قالي اعطيج كفالة 6 شهور
    وانا فعلا رحت وشفت بالغانم الاوروبية كانت على 120 دينار (80 جيجا) وكفالة سنة

    فمادري شنو الحين احترت اخذ الاوروبية والا الامريكية؟
    افلام الاوروبية متوفرة والا بس على الامريكية؟
     
  5. لاهوب

    لاهوب موقوف

    التسجيل:
    ‏28 ابريل 2009
    المشاركات:
    125
    عدد الإعجابات:
    0
    دربالج من الغانم ترى أجهزتهم هى معادة من قبل زباين بأمريكا .. يعنى الزبون يبطل الجهاز ويلعب فيه وبعدين يرجعه للمحل ويقول ما عجبنى وياخذ فلوسه .. والمحل بدوره يبيع هالكميات للغانم بسعر قليل مقارنه بالجديده والغانم يبيعها على أساس أنها جديده ب3 أضعاف التكلفه .
     
  6. BREMEN

    BREMEN عضو نشط

    التسجيل:
    ‏27 فبراير 2008
    المشاركات:
    1,064
    عدد الإعجابات:
    0

    شنو دليلك ؟؟!!
    ولا بس وكالة يقولون .....!
     
  7. عازف الجيتار

    عازف الجيتار عضو جديد

    التسجيل:
    ‏22 نوفمبر 2007
    المشاركات:
    949
    عدد الإعجابات:
    0
    مكان الإقامة:
    الكويت
    اشاعات يالحبيب هالبضاعه الي تتكلم عنه تعرض بالشويخ وسعرها مختلف :)
    الصراحه الجهاز من الغانم تعتبر (راحة بال من الخرابات)
     
  8. لاهوب

    لاهوب موقوف

    التسجيل:
    ‏28 ابريل 2009
    المشاركات:
    125
    عدد الإعجابات:
    0
    والله لا دليل ولا هم يحزنون ... هالحجى ألفته من عندى .. عقب ما شفت الأخت طولتها وهى قصيره وعلى كثر أسئلتها جنها تبى تشترى يخت مو بلى ستيشن ..
     
  9. التاجرة_الصغيرة

    التاجرة_الصغيرة عضو جديد

    التسجيل:
    ‏13 ديسمبر 2007
    المشاركات:
    58
    عدد الإعجابات:
    0
    دام اني طولتها واهي قصيرة ما كان له داعي ترد!
    اللي بيرد يرد بدون تحلطم واللي ماله خلق والا الموضوع مضايقه لا يرد!

    محد جابرك على الرد لا وفوق هذا تقول كلام فاضي!
    رجاء لا ترد على الموضوع
     
  10. سوم-الكويت

    سوم-الكويت عضو جديد

    التسجيل:
    ‏6 أغسطس 2009
    المشاركات:
    26
    عدد الإعجابات:
    0
    جوف يالغالي أنا أنصحك بال80 لأنه أنا جربتهم إثنيناتهم و ال160 إتعلق واايد!!
     
حالة الموضوع:
مغلق