عندي طلب 2002 وناوي اخذ بيت حكومي بسعد العبدالله صاحبه موافق على ان طلبي 2002 طبعا مع الزود ... اللي اعرفه مايصير تبديل تخصيص بطلب لكن في طريقه اللي هي عن طريق محامي .. مادري الاخوان شينصحون علما ان الشخص ثقه ( صلة قرابة ) وشنو ممكن يصير مشاكل مستقبلا واذا اوكي كم ازيده اكثر شي؟
مشكورين مقدما
الطريقة الرسمية انك تنتظر الى ان يتم التخصيص لك و المحامي ما يعتد فيه الا على انه دين واجب السداد لك و لا يلزم الشخص بالبدل في الاسكان في حال رفض البيع مستقبلا اما لزيادة سعر العقار بالمستقبل او لاي سبب اخر و حتى لو ثقه لا سمح الله توفى تبتلش بشؤون القصر اذا كان عنده قصر او بعياله اذا كانو كلهم فوق ال 21 يعني لو يرفض وريث واحد ما تتم البيعة
اما بالنسبة لتقييم البيت حط كافة المواصفات
1 نوع التكييف
2 نوع التكسية الخارجية
3 عدد الادوار
4 موقع البيت زاوية او سد او ثلاث شوارع او بطن و ظهر
5 الارتداد الملاصق للبيت من كافة الجهات
و ممكن نعطيك تقييم للبيت يمكن يفيدك اذا قررت
و اذا البيت مر عليه خمس سنوات من ايصال التيار الكهربائي ممكن تشتريه بطلب شراء مباشر من بنك التسليف و الزايد تكمله انت
و تحياتي
