look4land
موقوف
- التسجيل
- 20 أبريل 2009
- المشاركات
- 125
السلام عليكم
حبيت بس انبه اللي يفكر انه يبني مع شركة المساكن لا ينغر بالاعلانات مالوتهم يحاولون يجذبونك بدعاياتهم المنتشرة مؤخرا على الشوارع يقولك ابني بيتك ب 46666 دينار رحت لهم و بالصج مو رخيص ولا يسوى و عندك هالاسباب:
1) السعر المعلن حق بنيان مساحته 430 متر مربع يعني تحسبها يطلع عليك المتر 93 دينار يعني مو ارخص من متوسط اسعار السوق
2) لازم تختار من نماذج مخطط البيت محدودة عندهم و اذا بتغير في التصميم على قولته "تتغير الحسبة" و يطلع اغلى!
3) لازم تختار من نماذج واجهات محدودة والا تتغير الحسبة
4) البيت كله ينبني من طابوق و خرسانة خلوية بالتركيب وليس بالصب! اذا تبي الطيح طوفة بالمستقبل امكانية هالشي محدودة لان اساس البيت مركب
5) الاساس المذكور اعلاه مفروض انه يكون رخيص لانه هذي فكرة اختراعه الاساسية اختراع الالمان ل هيبل انه منخفض التكلفة طبعا نفس ما حسبناها في النقطة الاولى اهو نفس سعر السوق يعني صج وكيل يبي يربح و بس بدال ما يفكر انه الرخص هي الميزة التسويقية الاساسية لمنتج الخرسانة الخلوية ولا ليش اتعور الناس راسها مع نقاط الضعف مالته!
6) اذا تبي تبني طابق اضافي او اتعدل لازم لازم اتراجعهم و تشتري الاساس منهم و اكدلي المهندس مالهم على هالشي ، يعني راح تدبس معاهم اذا غلو منتجهم المحتكر ابتلشت
7) التشطيبات ارخص ارخص شي بالسوق و روح شوف بيوتهم المعروضة للبيع في المنقف فاضية و دش و شوف ارخص شي ممكن اتحصله تلاقي داخله تكيف كولكس درايش اطارها رخيص الشكل حمامات تكرم ابسط شي ممكن الابواب خشبها اتقول بلاستيك السيجما مو نظيف و اصلا سماكته ضعيفه و موجوده العينات عند مهندسهم بالمكتب
8) يقولك البيت عازله الماني و عزله عن حر الكويت جيد و هذي احسن ميزة في منتجهم بس بس في نفس الوقت بيوتهم و نماذجهم مصممه بحيث تكون الدرايش كبيرة جدا كانها تاخذ الحائط كله ، ليش؟ علشان يوفر بالطابوق و المساح العازل (عازل الماني خاص)....انزين....انت تسوي دعايه ان البيت عازله ممتاز او بعدين اتكبر الدرايش و توفر بالاطوف شالفايده؟ الدرايش الكبيرة كلها جزاز و اطارها ممكن يسرب هوا يعني ميزة العزل راحت و تخيل تكلفة الشترات او الستائر لما الغرف درايشها 3 * 3 متر تقريبا! الشمس بروحها ما ترحم
9) وراني العقد مالهم ، يكتبلك مواد التشطيب من الشركات الزينه و يكتبلك "او بديل في السوق" عند كل بند! يعني حسب العقد يقدر يجيبلك ارخص شي كبديل معنك لما تقرا العقد قد تنغري بالشركات المذكوره!
10) مهندسهم السوري بمقرهم بايخ ماله طولة البال انه يستمع حق متطلباتك كل همه انه يبيع لك النماذج اللي عنده و يخلص! لا و يتشيحط عليك بعد يقولك احنا بسوريا و احنا بسوريا يبى ارجع ديرتك اذا انت ميت عليها
و اسف على الاطالة بس كان ودي انقل لكم تجربتي و رايي فيهم
(Review) و دي اشوف اراء اخرى
حبيت بس انبه اللي يفكر انه يبني مع شركة المساكن لا ينغر بالاعلانات مالوتهم يحاولون يجذبونك بدعاياتهم المنتشرة مؤخرا على الشوارع يقولك ابني بيتك ب 46666 دينار رحت لهم و بالصج مو رخيص ولا يسوى و عندك هالاسباب:
1) السعر المعلن حق بنيان مساحته 430 متر مربع يعني تحسبها يطلع عليك المتر 93 دينار يعني مو ارخص من متوسط اسعار السوق
2) لازم تختار من نماذج مخطط البيت محدودة عندهم و اذا بتغير في التصميم على قولته "تتغير الحسبة" و يطلع اغلى!
3) لازم تختار من نماذج واجهات محدودة والا تتغير الحسبة
4) البيت كله ينبني من طابوق و خرسانة خلوية بالتركيب وليس بالصب! اذا تبي الطيح طوفة بالمستقبل امكانية هالشي محدودة لان اساس البيت مركب
5) الاساس المذكور اعلاه مفروض انه يكون رخيص لانه هذي فكرة اختراعه الاساسية اختراع الالمان ل هيبل انه منخفض التكلفة طبعا نفس ما حسبناها في النقطة الاولى اهو نفس سعر السوق يعني صج وكيل يبي يربح و بس بدال ما يفكر انه الرخص هي الميزة التسويقية الاساسية لمنتج الخرسانة الخلوية ولا ليش اتعور الناس راسها مع نقاط الضعف مالته!
6) اذا تبي تبني طابق اضافي او اتعدل لازم لازم اتراجعهم و تشتري الاساس منهم و اكدلي المهندس مالهم على هالشي ، يعني راح تدبس معاهم اذا غلو منتجهم المحتكر ابتلشت
7) التشطيبات ارخص ارخص شي بالسوق و روح شوف بيوتهم المعروضة للبيع في المنقف فاضية و دش و شوف ارخص شي ممكن اتحصله تلاقي داخله تكيف كولكس درايش اطارها رخيص الشكل حمامات تكرم ابسط شي ممكن الابواب خشبها اتقول بلاستيك السيجما مو نظيف و اصلا سماكته ضعيفه و موجوده العينات عند مهندسهم بالمكتب
8) يقولك البيت عازله الماني و عزله عن حر الكويت جيد و هذي احسن ميزة في منتجهم بس بس في نفس الوقت بيوتهم و نماذجهم مصممه بحيث تكون الدرايش كبيرة جدا كانها تاخذ الحائط كله ، ليش؟ علشان يوفر بالطابوق و المساح العازل (عازل الماني خاص)....انزين....انت تسوي دعايه ان البيت عازله ممتاز او بعدين اتكبر الدرايش و توفر بالاطوف شالفايده؟ الدرايش الكبيرة كلها جزاز و اطارها ممكن يسرب هوا يعني ميزة العزل راحت و تخيل تكلفة الشترات او الستائر لما الغرف درايشها 3 * 3 متر تقريبا! الشمس بروحها ما ترحم
9) وراني العقد مالهم ، يكتبلك مواد التشطيب من الشركات الزينه و يكتبلك "او بديل في السوق" عند كل بند! يعني حسب العقد يقدر يجيبلك ارخص شي كبديل معنك لما تقرا العقد قد تنغري بالشركات المذكوره!
10) مهندسهم السوري بمقرهم بايخ ماله طولة البال انه يستمع حق متطلباتك كل همه انه يبيع لك النماذج اللي عنده و يخلص! لا و يتشيحط عليك بعد يقولك احنا بسوريا و احنا بسوريا يبى ارجع ديرتك اذا انت ميت عليها
و اسف على الاطالة بس كان ودي انقل لكم تجربتي و رايي فيهم
(Review) و دي اشوف اراء اخرى
