نصائح لكل من يشتري عقار

الحالة
موضوع مغلق

م.يوسف

عضو نشط
التسجيل
13 مايو 2009
المشاركات
45
السلام عليكم
الي اخواني اود بالبداية تثبيت الموضوع لمن هم جديدين على سوق العقار يا اخوان اريد تقديم نصائح بسيطه ولكن جدا فعال بالبداية لمن يريد ان يشتري بالسوق اول شي
1- قبل لا تقدم ان تشتري ارض ولا بيت لازم تتأكد من الدلال هل عنده العرض مباشر من المالك او على الاقل من دلال عنده اهوا مباشر من المالك العقار
2- اي دلال اقولك مسيوم قوله ورني الدفتر لان في دفتر الدلال في قسم خاص للسوم اي ان اي واحد اسوم لازم ينكتب اسمه والمدة هي اسبوعين فقط يعني واحد سام قبل شهر او قبل سنة وقت ما السوق مرتفع لا تعد سومه وعلى الملاك الجادين بالبيع معرفة هالشي والا يتسبب في ان العقار معروض بالسوق ومعلق يعني ماكو احد راح يشترية
3- في بادء الامر يرجي من المشتري دخول سايت وزارة العدل ادارة التوثيقات ومعرفة البيعات الي تمت خلال الشهر او الشهر الي قبله وذالك لمعرفة حدود السعري لمنطقة نفسها
4- عدم السوم قبل ما اتشوف دفتر الدلال ومعرفة الشحص الي سايم
5-بعد كل هالامور الذهاب ومعاينة البيت والتأكد من الوثيقة كصورة من الدلال وكشف البلدية لكي لا يطلع مخالف ترى ما اسجلونه العدل والعربون ايتعلق
6- لازم اتحط شرط فسخ العقد في مدة على الاكثر شهر معرجوع العربون
7- عدم شراء بيت فيه مؤجر ترى مايطلع الا ابمحاكم

ملاحظة: يا اخوان ترى شغلة الدلال جدا سهلة فلا اغرق اقولك انا اعرف السوق ولا راح يصعد ولا هالامور ترى اذا رزقك مكتوب اييك ولا تستعجل او هم لا اتردد يعني اعقلها وتوكل بعد بذل كل الاسباب
مع جزيل الشكر وادو من المشاركين اظيفون نصائح للبايع والمشتري والدلالين اي من هم الثقة ومن هم يتلاعبون
 

qanon

عضو نشط
التسجيل
16 أبريل 2009
المشاركات
512
يعطيك العافية اخوى يوسف


وما اتقصر على المعلومات القيمة
 

RichMan

عضو نشط
التسجيل
20 يناير 2004
المشاركات
479
الإقامة
Q8
جزاك الله خير ... معلومات مفيدة :)
 

ودي اربح

عضو نشط
التسجيل
1 أكتوبر 2004
المشاركات
3,729
الإقامة
ديرة الخير
الله يجزاك خير
 

look4land

موقوف
التسجيل
20 أبريل 2009
المشاركات
125
مشكور على المعلومات

اخوي شلون بخصوص الدفع افضل يكون عن طريق شيك او تحويل بنكي؟

انزين منو يراكظ حق دفعة التسليف البايع المشتري او المكتب؟؟
 
التسجيل
16 سبتمبر 2005
المشاركات
380
يعطيك العافيه اخوي على هالموضوع القيم
 

م.يوسف

عضو نشط
التسجيل
13 مايو 2009
المشاركات
45
العفو يا اخوان
look4land بخصوص الدفع يا اخوي الافضل شيك مصدق باسم المشتري علشان لاسمح الله صار شي في شي يثبت ان استلم منك هالشيك وباسمه
او بعدين بخصوص التسليف اذا كنت تبي اطلع حقك انتا انتا لازم تركض او بعد الموافقة اطلعون يكشفون على العقار قبل لا اتسجل البيعه علشان الموافقة بعدها يعطونك اورقه بالفلوس اتسلمها البايع عند التسجيل بالعدل
 
الحالة
موضوع مغلق
أعلى