سؤال بخصوص صندوق بنك

[mojarib]

اخوي عنده صندوق امانات في واحد من البنوك
هو صج نساه جم سنة
وهم ما دفع رسوم تاجير الصندوق

تفاجأ ان البنك فاتحين الصندوق ومطلعين اغراضه

مستشار البنك المصري قاله من حقنا وتناجر معاه وقاله روح سوي اللي تبي
وحاطين اغراضه وقاله مو ناقص شي وكل شي رسمي

واخوي مو متأكد ان هذا كل شي لان من جم

شرايكم يا قانونيين ؟

شنو يسوي ؟

شكرا

 

[mojarib]

وين القانونيين ؟
ما في جواب ؟

 

[fayoona74]

اخي العزيز اكيد اخوك يعتبر أخل بالعقد بينه وبين البنك بتقاعسه عن سداد رسوم الصندوق جم سنة يعني البنك يقدم الخدمة بمقابل مو بلاش وبالتالي يتحمل تبعة ذلك
شنو يسوي؟
يستلم اغراضه وبس

 

[mojarib]

اخي العزيز اكيد اخوك يعتبر أخل بالعقد بينه وبين البنك بتقاعسه عن سداد رسوم الصندوق جم سنة يعني البنك يقدم الخدمة بمقابل مو بلاش وبالتالي يتحمل تبعة ذلك
شنو يسوي؟
يستلم اغراضه وبس

مشكوره استاذه

بس انا قريتلكم ان في الاجار الشقه المالك ما يستلم الشقه من اللي مأجر الا بحكم محكمه حتى لو مو دافع اجار

شلون يكسرون صندوق الامانات ويطلعون اغراض اخوي بدون علمه؟
شلون يستدون صندوقم بدون علمه وفيه اشياء ثمينه وساعات ومجوهرات؟

شلون القانون ما يسمح حق راعي الشقه واجاره 500 دك بالشهر ويسمح للبنك واجاره بالسنه كلها 24 دك والامانات يمكن توصل بالملايين

معقوله فوضى جذي!!

عشان 24 دك او 48 دك اجار سنتين يكسرون صندوق فيه ملايين؟
علما ان المفتاح عند اخوي يعني ما ينفتح الا بالكسر !!

مو جريمه عالبنك ؟ !!!!

شكرا

 

[fayoona74]

مممممممم ربطك للموضوعين عجبني
بس لاحظ ان البنك فيها ادارة قانونية ومارين بهالتجربة من قبل يعني مو معقولة بيكسرونه من نفسهم اكيد بطريقة قانونية
ارفع شكوى ضدهم عشان تتطمن ولاتستلم اغراضك الا عن طريق المخفر وشوف شنو يصير معاك او بالاحرى مع اخوك
وهم انتظر رأي نيويورك ورحالي ممكن يكون لهم رأي آخر

 

[rahaly]

لا يبا .. البنك ما يهرولون عبث

وقوة المستشار مو يايه من فراغ

لا تعب نفسك .. مارة علي .. اكيد متخذين كل الاجراءات السليمة

قانون التجارة

ماده 345

ايجار الخزائن عقد يتعهد البنك بمقتضاه مقابل اجر بوضع خزانة معينة تحت تصرف المستأجر للانتفاع بها مدة معينة.


مادة 351
اذا لم يدفع المستأجر اجرة الخزانة بعد مضي خمسة عشر يوما من انذاره بالوفاء اعتبر العقد مفسوخا من تلقاء ذاته دون حاجة الى حكم قضائي.

مادة 352
1- اذا انتهت مدة العقد او اعتبر مفسوخا وفقا للمادة السابقة استرد البنك الخزانة بعد اخطار المستأجر بالحضور لإفراغ محتوياتها ويكون الإخطار صحيحا اذا تم في اخر موطن عينه المستأجر للبنك.
- اذا لم يحضر المستأجر في الموعد المحدد بالأخطار كان للبنك ان يطلب من رئيس المحكمة الكلية الأذن له في فتح الخزانة بحضور من يعينه لذلك من مأموري التنفيذ. ويحرر مأمور التنفيذ محضرا بالواقعة وبمحتويات الخزانة.
- وعلى البنك ان يحتفظ لديه بمحتويات الخزانة. وله بعد مضي ستة شهور من تحرير محضر الجرد ان يطلب من رئيس المحكمة الكلية ان يأمر ببيعها بالطريقة التي يعينها وايداع الثمن خزانة المحكمة او يأمر باتخاذ اي اجراء مناسب اخر.
- ويكون للبنك امتياز على المبالغ المودعة في الخزانة المؤجرة او على الثمن الناتج عن بيع محتوياتها لاستيفاء الأجرة والمصروفات المستحقة له.




مالي عادة احط نصوص مواد .... بس النصوص واضحة جدا ...
وانا مستعجل .. فالقص واللصق اسرع


فراح تلاقي اغرضك محرزة رسميا عن طريق المحكمة .. ولكنها موجودة في البنك .. ومجرودة بمحضر رسمي ...... لاتحاتي

موفق

 

[mojarib]

اهم شي مدام جرد رسمي من محكمه مو مشكله يعني حلالنا بامان

صراحه انقهرنا خاصه المستشار عليه نفس جنه نطر منه
يعني واثق من نفسه

عموما

ما قصرتو شكرا استاذه فيونه شكرا استاذ رحالي
جزاكم الله خير