اللي راح ابها او الخميس او الباحة ،،،، تفضل بالدخول

[السوق توافيق]

ودي اروح هالصيف للمناطق الجنوبية في المملكة العربية السعودية وخصوصا ابها والخميس والباحة
يا ليت اللي راح لها يعطيني انطباعه عن هالمناطق من حيث السياحة والمجمعات التجارية والمنتزهات والمناظر الطبيعية الخلابة
واذا عنده عناوين سكن ممتازة واسعارها معقوله لا يبخل علينا وخصوصا ان المدة حوالي شهرين يعني ضروري يكون السكن راهي وسعره معقول.

وتقبلوا تحياتي ،،،،

 

[وافى الوافى]

السلام عليكم . . .

اول شى اقولك تروح وترجع بالسلامه يالغالى ..

اما بالنسبه للمناطق الجنوبيه فى المملكه فهى من اروع الاماكن للسياحه

من حيث المناظر والجو و . . . الامـــــــــــــــان ...!!

بالنسبه للوصول لها عندك طريقين . . اذا كنت ناوى تروح عمره تزور

بيت الله عقب ماتخلص على خير تتوجه على طريق الطائف وتمر الطائف

مرور وتاخذ الطريق اللى يسمونه الطريق السياحى ... روعه ومناظر

وجبال وصعدات ونزلات .. (( انصحك تقطعه بالنهار )) ...!!

وراح تمر على مناطق رئيسيه وقرى ... الباحه ... بلجرشى ...

النماص ... البشائر ... بللسمر ... بللحمر ... ثم ابها ..!!

فى ابها طبعا افضل مكان هو جبل السوده ...!! طبعا الجو مغيم

وتقريبا يوميا امطار وبردى (( خذ معاك ملابس شتويه للعيال ))..!!

عندك افضل سكن هو فى قمة جبل السوده منتجع السوده ..

سعرهم يتراوح بين ال 300 وال 500 حسب الموسم ...!!

او فى نصف الجبل وانت صاعد يوجد فندق بلازا الخضرا ..!!

فندق نظيف ومناسب واسعاره تقريبا نصف اسعار المنتجع ..

المنتجع راح تلقى فيه التلفريك ووسائل الراحه ..

تقدر تنزل من جبل السوده اذا كنت راعى اسواق ومجمعات راح تلقى

تحت مجمع عسير ومجمع ثانى نسيت اسمه بس وفى بعد اسواق

ابها العاديه غير المجمعات ..!!

وعاد ماأوصيك تشترى لك خروف لبينى صغير وتحطه بثلاجتك ..

لزوم الشوى انت والعيال ...

اذا بغيت تزور خميس مشيط فيها اسواق ومجمعات فخمه وهى تبعد

عن ابها حوالى 60 او 70 كيلو متر نزولا ..!!

الطريق الثانى لمنطقة عسير فى حالة اذا ماكنت ناوى تروح عمره

هو من الرياض مباشره ... يسمونه طريق وادى الدواسر ..

تترك الرياض وتتجه جنوب باتجاه الخرج وتاخذ الطريق وراح تمر عليك

مناطق الافلاج ووادى الدواسر ثم تثليث ثم خميس مشيط ثم ابها

ولكن هذا الطريق صحرواى يعتبر وماراح تشوف المناظر اللى قلت لك

عنها موجوده فى الطريق السياحى بين الطائف وابها ..!!

ومااوصيك بعد تكثر الموز والخضره للقرود اللى راح تصادفك كلما قربت

على منطقة عسير ...

وان شاء الله تكون رحله سعيده واامنه بس انتبه لااتسرع ابد ..!!

واذا صادفك الليل دور اقرب فندق ونام والصباح رباح ..

ولاحق خير يالغالى ..

واى استفسار او سؤال انا لك بالخدمه ... حيث ان المناطق هاذى

لى اكثر من 12 سنه اصيف فيها انا والعيال ..!!

ورحله موفقه وانتبه لنفسك وعيالك :

 

[السوق توافيق]

السلام عليكم . . .

ورحله موفقه وانتبه لنفسك وعيالك :

كفيت ووفيت يا الغالي عز الله انك وافي وبيض الله وجهك

ولا عدمناك يا الغالي ما تقصر عساك دوم في الوجود.

والله بصراحة انا تقريبا كل سنة اصيف في الطايف ولكن هالسنة علشان الاجازة طويلة فقلت اشوف منطقة طبيعتها اجمل واكثر براااااد

والظاهر اني بطلع لجبل السوده مثل ما قلت، هذا طبعا اذا لقيت فيه السكن المناسب والمنتزهات الحلوة.

بالنسبة للطريق راح اخذ طريق الطائف باذن الله علشان ارتاح في الحوية ليلة واخذ عمره وبعدها اتوكل على الله لجبل السوده.

وعسى الله يستر علينا وعليكم ويحفظ الجميع من كل مكروه ،،، اللهم آمين.

 

[خدمة الشعب]

عسى الله يسهل عليكم و أختيار موفّق ما شاءالله

زين ما أخترت يالغالي

ونصيحه ياخوي : أنت رايح سياحه وتغيير جو .. يعني لا تفكر بالأسواق والمجمعات و تثقّل على سيارتك على الفاضي .

اذا فيكم أسواق ومجمعات خلوها بالرجعه من المناطق القريبه من الكويت ترا كل الاسواق بالسعوديه متشابهه .

طريق السلامه يالغالي​

 

[sjl71]

اختيار موفق

ابها حلوه

تروح وتجي بسلامه

 

[شجرة العود]

نعم الاختيار
لا تنسى تمر منطقة اسمها سودة طبيعتها خياااال
تروح وترجع بالسلامة

 

[السوق توافيق]

عسى الله يسهل عليكم و أختيار موفّق ما شاءالله

زين ما أخترت يالغالي

ونصيحه ياخوي : أنت رايح سياحه وتغيير جو .. يعني لا تفكر بالأسواق والمجمعات و تثقّل على سيارتك على الفاضي .

اذا فيكم أسواق ومجمعات خلوها بالرجعه من المناطق القريبه من الكويت ترا كل الاسواق بالسعوديه متشابهه .

طريق السلامه يالغالي​

مشكور وما قصرت يا الغالي ونصيحتك في مكانها ، لكن لوكانت المدة اسبوع اسبوعين ممكن لكن شهرين !!! يبيلها مجمعات حلوة وتمشي ومطاعم فخمة، لكن في الرجعه الواحد ما راح يكون فاضي يمر على اي شي يبي يوصل ويفتك من تعب الطريق .

وسلامتك وتعيش يا الغالي وتقبل تحياتي.

اختيار موفق

ابها حلوه

تروح وتجي بسلامه

الله يسلمك يا الغالي ،،،،، شاكر مرورك الكريم وتقبل تحياتي.

نعم الاختيار
لا تنسى تمر منطقة اسمها سودة طبيعتها خياااال
تروح وترجع بالسلامة

الله يسلمك يا شجرة العود

اكيد بمرها مدام مدحتيها

عطرتي الموضوع بمرورك الكريم. تقبلي تحياتي ،،،

 

[KUWAIT- STOCK]

http://travel.maktoob.com/vb/travel64820/

 

[السوق توافيق]

مشكووووور يا الغالي ،،،، موقع ممتاز حطيته في المفضله واكيد راح يفيدني.

شاكر مرورك وتقبل تحياتي.

 

[almofareg]

فيه منطقه جنوب ابها مو بعيده اعتقد اسمها الحبله من اجمل ما رايت في الجنوب لا تطوفك فيها مناطق خضراء على بعد النظر و منها تقدر تنزل تلفريك للحبله القديمه انا ما نزلتها لكن الجبال جميله و كانك في فصل الربيع عندنا و براد ومتعه للعين الله يوفقك و ما تشوف الا كل خير انت و كل مسلم

 

[السوق توافيق]

فيه منطقه جنوب ابها مو بعيده اعتقد اسمها الحبله من اجمل ما رايت في الجنوب لا تطوفك فيها مناطق خضراء على بعد النظر و منها تقدر تنزل تلفريك للحبله القديمه انا ما نزلتها لكن الجبال جميله و كانك في فصل الربيع عندنا و براد ومتعه للعين الله يوفقك و ما تشوف الا كل خير انت و كل مسلم

جزاك الله خير على المشاركة الاكثر من رائعه يا الغالي, وباذن الله راح امر كل مكان ذكرتوه لي وراح ادعيلكم ان شاء الله

الف شكرا لك اخوي المفارق على المشاركة الطيبة،،،،

وتقبل تحياتي.

 

[اوس 2005]

سبحان الله نفس الموضوع اللي بسال عليه والشباب كفو ووفو بس بسال اخوي الوافي كم تبعد عن الرياض

 

[مبارك الهاجري]

سبحان الله نفس الموضوع اللي بسال عليه والشباب كفو ووفو بس بسال اخوي الوافي كم تبعد عن الرياض

تقريبا حول 1100 كم

 

[السوق توافيق]

سبحان الله نفس الموضوع اللي بسال عليه والشباب كفو ووفو بس بسال اخوي الوافي كم تبعد عن الرياض

ابها لها طريقين من الرياض مثل ما تفضل اخونا الوافي طريق وادي الدواسر وطريق الطائف

طريق وادي الدواسر 1100كم مثل ما تفضل اخونا مبارك الهاجري
والطريق الثاني عن طريق الطائف تقريبا 1250كم .

 

[فهاد11]

دز لي ايميلك على الخاص برسل لك اسماء وصور وعنوانين المنتزهات والغابات والشلالات التى تقع بين الطائف وابها مثل النماص وبلجرشي والباحة

 

[السوق توافيق]

دز لي ايميلك على الخاص برسل لك اسماء وصور وعنوانين المنتزهات والغابات والشلالات التى تقع بين الطائف وابها مثل النماص وبلجرشي والباحة

راجع الخاص ،،،،

شكرا لمشاركتك في الموضوع يا فهاد وتقبل تحياتي.