ممكن تفسير قانوني عميق أ. رحالي
لاني حابة افهم هالنقطة وهل تقصد ان الثغرة اللي يستغلها البنك ان جميع اموال المدين ضامنه لديونه ولا شنو بالضبط
فيونة ..
ببساطة .. القانون يلزم البنوك بعدم تجاوز نسبة الاستقطاع المنصوص عليها (اتصور 50% من الراتب بعد التعديل .. مو متأكد من النسبة)
ماشي ؟
بخصوص من يتأخر في السداد وتتراكم عليه اقساط .... الخ
البنك لا يزال ملزم بعدم الخصم اكثر من نصف الراتب
البنك يلجأ الى حيلة ...وهي ان الراتب لما ينزل في حساب العميل ... البنك يعتبره من امواله الخاصة وليس راتبه .. وبالطبع عنده اوامر من العميل وعقد يبيح له السحب من الحساب لتغطية القرض .... الخ
فيقوم بسحب اي مبلغ يراه ..
وعلى فكرة في مشكلة عملية مشابهه ..
تعلمين انه لا يجوز الحجز على مرتب الموظف في التنفيذ (الا للنفقة) ..
في ناس عندهم واسطة .. او بالصدفه ..
ينزل الراتب في حساب المدين .. فيتم الحجز عليه بالكامل (مع ان راتب لا يجوز الحجز عليه !!) .. لكن هنا يعتبر من اموال المدين الخاصة لانه عند نزوله في الحساب لا يميز كونه راتب ...
وطبعا ... يمكن اللجوء الى القضاء لاثبات ان هذا راتب لا يجوز الحجز عليه
وتدرين عشان الواحد يروح المحكمة .... اجراءات وطوالة
بخصوص الاستقطاع لقرض البنك ... اكيد القضية تستاهل
هذا القصد يا فيونة هانم
